ព័ត៌មានអន្ដរជាតិ
អាមេរិក និងអ៊ុយក្រែន ថ្កោលទោសការប្រកាសច្បាប់អាជ្ញាសឹក របស់លោក ពូទីន (មានវីដេអូ)
ប្រធានាធិបតីអាមេរិកលោក ចូ បៃដិន បានចោទប្រកាន់ ប្រធានាធិបតីរុស្ស៊ីលោក លោក វ្ល៉ាឌីមៀរ ពូទីន ពីបទដាក់ច្បាប់អាជ្ញាសឹកដល់តំបន់ចំនួនបួនរបស់អ៊ុយក្រែន ដែលត្រូវបានទីក្រុងមូស្គូ កាត់យកជាឯកតោភាគី។
លោក បៃដិន បានប្រាប់អ្នកយកព័ត៌មានកាលពីថ្ងៃពុធទី១៩ខែតុលាថា “លោកពូទីន បានដឹងថា ខ្លួនឯងកំពុងស្ថិតនៅក្នុងស្ថានភាពដ៏លំបាកមិនគួរឲ្យជឿ។ ឧបករណ៍តែមួយគត់ដែលនៅមានសម្រាប់គាត់ គឺអំពើឃោរឃៅលើពលរដ្ឋម្នាក់ៗនៅអ៊ុយក្រែន។ ពលរដ្ឋអ៊ុយក្រែនត្រូវបំភិតបំភ័យ ឲ្យពួកគេចុះចាញ់”។
ចំណែកអ្នកនាំពាក្យក្រសួងការបរទេសអាមេរិក លោក Vedant Patel បានលើកឡើងថា ចំណាត់ការរបស់លោក ពូទីន បានបង្កឲ្យមានការប្រឆាំងយ៉ាងខ្លាំងពីសំណាក់អ្នករស់នៅក្នុងតំបន់ដែលកាន់កាប់ដោយកងកម្លាំងរុស្ស៊ី។ គ្មានអ្វីគួរឲ្យភ្ញាក់ផ្អើលទេចំពោះគ្រប់គ្នាដែលថា រុស្ស៊ីកំពុងប្រើយុទ្ធសាស្ត្រអស់សង្ឃឹមដើម្បីព្យាយាម និងពង្រឹងការគ្រប់គ្រងនៅក្នុងតំបន់ទាំងនេះ។
លោកបន្ថែមថា មិនថាវិមានក្រឹមឡាំងនិយាយអ្វី ឬធ្វើអ្វី ឬព្យាយាមអនុម័តតាមរយៈក្រឹត្យនោះទេ ឧបទ្វីបគ្រីមៀ និងតំបន់ទាំងបួនគឺជា ទឹកដីអធិបតេយ្យភាពរបស់អ៊ុយក្រែន។
ស្របពេលជាមួយគ្នានោះ ទីប្រឹក្សាប្រធានាធិបតីអ៊ុយក្រែន Mykhailo Podolyak បានសរសេរនៅលើ Twitter កាលពីថ្ងៃពុធទី១៩ខែតុលាថា ការប្រកាសច្បាប់អាជ្ញាសឹករបស់រុស្ស៊ី មិនបានផ្លាស់ប្តូរអ្វីទាំងអស់សម្រាប់អ៊ុយក្រែន។ ពលរដ្ឋអ៊ុយក្រែននឹងបន្តរំដោះទឹកដីរបស់ខ្លួន៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ NHK
ចុចអាន៖ លោក ពូទីន ដាក់ចេញវិធានការសន្តិសុខថ្មី ៤ចំណុច នៅក្នុងប្រទេស រុស្ស៊ី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង