ឡាវ ហាមមិនឲ្យទីក្រុងវៀងចន្ទន៍លេងដុតផាវថ្ងៃចូលឆ្នាំ ចិន

អភិបាលរងក្រុងវៀងចន្ទន៍នៃប្រទេសឡាវលោក Phouvong Vongkhamsao បានហាមប្រាមមិនឲ្យមានការនាំចូល លក់ ឬដុតលេងផាវ​គ្រប់ប្រភេទ​នៅក្នុងទីក្រុងនាថ្ងៃសែនចូលឆ្នាំចិននោះឡើយ ។

តាមរយៈសេចក្តីហាមប្រាមនេះ បើសិនជាមាននរណាម្នាក់ល្មើស នឹងត្រូវប្រឈមមុខការផាកពិន័យជាទម្ងន់ និងកាត់ទោសតាមច្បាប់ពាក់ព័ន្ធ ខណៈប្រាក់ពិន័យមានពី ១០ ម៉ឺនគីប (ជិត ៦ ដុល្លារ) ក្នុង ១០០ ក្រាម និង ៥០ ម៉ឺនគីប (ជិត ៣០ ដុល្លារ) ក្នុងការដុតមួយដើម ។

ទោះយ៉ាងណា ក៏មានករណីលើកលែងផងដែរ ពោលសម្រាប់ពិធីបុណ្យ ឬឱកាសពិសេសផ្សេងៗ បុគ្គលម្នាក់ត្រូវជូនដំណឹងដល់អភិបាលស្រុក ឬមេឃុំ មេភូមិរយៈពេល ៤៨ ម៉ោងមុនការបាញ់កាំជ្រួច ឬដុតផាវ ដើម្បីឲ្យអាជ្ញាធរអាចជូនដំណឹងដល់ប្រជាពលរដ្ឋអំពីសំឡេងខ្លាំងៗ ដោយសារតែកន្លងមក ពោលនៅឆ្នាំ ២០២១ កាំជ្រួច និងផាវត្រូវបានចាត់ថ្នាក់ជាមូលហេតុចម្បងមួយនៃការបំពុលដោយសំឡេង ៕

ប្រែសម្រួលដោយ ៖ នាង រតនៈ

ប្រភព ៖ Laotian Times

ចុចអាន ៖ សីតុណ្ហភាពនៅភាគខាងជើង វៀតណាម ចុះដល់ ០ អង្សាសេ ខណៈតំបន់ ខ្លះទៀតអាចធ្លាក់ទឹកកក