ព័ត៌មានអន្ដរជាតិ
សីតុណ្ហភាពនៅភាគខាងជើង វៀតណាម ចុះដល់ ០ អង្សាសេ ខណៈតំបន់ខ្លះទៀតអាចធ្លាក់ទឹកកក
សីតុណ្ហភាពនៅភាគខាងជើងនៃប្រទេសវៀតណាមបានធ្លាក់ចុះទាបរហូតដល់ ០ អង្សាសេកាលពីថ្ងៃចន្ទ ខណៈទីក្រុងហាណូយបានកត់ត្រាសីតុណ្ហភាព ១៣ អង្សាសេ ហើយអាចចុះក្រោមនេះដល់ ៥ ទៅ ៧ អង្សាសេផងដែរ ។
យោងតាមមជ្ឈមណ្ឌលជាតិសម្រាប់ការព្យាករណ៍ឧតុនិយមបានឲ្យដឹងថា តំបន់ភាគខាងជើងវៀតណាមចំនួន ៩ បានជួបសីតុណ្ហភាពធ្លាក់ចុះក្រោម ១០ អង្សាសេ ហើយចំពោះនៅលើកំពូលភ្នំ Mau Son ក្នុងទីក្រុង Lang Son វិញបានធ្លាក់ចុះដល់ ០ អង្សារសេ ខណៈតំបន់ផ្សេងទៀតនៅក្នុងទីក្រុង Ha Giang, ទីក្រុង Lao Cai, ខេត្ត Lai Chau, ខេត្ត Bac Kan, ខេត្ត Cao Bang, ខេត្ត Vinh Phuc និងខេត្ត Dien Bien បានកត់ត្រាសីតុណ្ហភាពចន្លោះពី ២ ទៅ ៩ អង្សាសេ ។
ទន្ទឹមនោះ សីតុណ្ហភាពត្រជាក់ខ្លាំងបែបនេះអាចនឹងអូសបន្លាយពេលរហូតដល់ថ្ងៃទី ១៨ ខែមករា ជាពិសេសនៅភាគខាងជើង និងភាគកណ្ដាលវៀតណាម ខណៈតំបន់ភ្នំអាចនឹងមានការធ្លាក់ទឹកកក និងកកសន្សើមជាដើម ។
ចំណែកតំបន់ផ្សេងទៀត សីតុណ្ហភាពទាបបំផុតនឹងមានប្រហែល ៩ ទៅ ១២ អង្សាសេ ដោយសីតុណ្ហភាពនៅតំបន់ភ្នំត្រូវបានគេរំពឹងថានឹងធ្លាក់ចុះក្រោម ៣ អង្សាសេ ប៉ុន្តែទោះជាយ៉ាងណា មជ្ឈមណ្ឌលបានព្យាករណ៍ថា សីតុណ្ហភាពនៅក្នុងតំបន់អាចវិលរកសភាពធម្មតាវិញត្រឹមថ្ងៃទី ១៩ ខែមករានេះ ៕
ប្រែសម្រួលដោយ ៖ ជីវ័ន្ត
ប្រភព ៖ VN Express
ចុចអាន ៖ គ្រូ វៀតណាម និយាយយ៉ាងស្រួលថា ជើងទី២ ស៊ី ថៃ តែ ១-០ ក្លាយជាជើងឯក AFF Cup ហើយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង