Connect with us

ព័ត៌មានអន្ដរជាតិ

អាមេរិក សប្បាយកើបលុយពីការលក់សព្វាវុធ ក្នុងឆ្នាំ២០២២ (មានវីដេអូ)

បានផុស

នៅ

យោងតាមទិន្នន័យដែលចេញផ្សាយដោយក្រសួងការបរទេសអាមេរិកកាលពីថ្ងៃព្រហស្បតិ៍ទី២៦ខែមករា បានឲ្យដឹងថា ការលក់អាវុធរបស់សហរដ្ឋអាមេរិកទៅកាន់ប្រទេសផ្សេងទៀត ​មានការកើនឡើងយ៉ាងខ្លាំងនៅក្នុងឆ្នាំ២០២២ ខណៈក្រុមហ៊ុនផលិតក៏សប្បាយកើបលុយដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលក់សព្វាវុធរបស់សហរដ្ឋអាមេរិកទៅកាន់ប្រទេសផ្សេងទៀត ដែលភាគច្រើនត្រូវបានជំរុញដោយការឆ្លើយតបរបស់អង្គការណាតូចំពោះប្រតិបត្តិការយោធាពិសេសរបស់រុស្ស៊ីនៅអ៊ុយក្រែន និងកម្តៅនៃភាពតានតឹងនៅក្នុងតំបន់អាស៊ី គឺបានកើនឡើងពី៣៥.៨ពាន់លានដុល្លារក្នុងឆ្នាំ២០២១ ដល់៥១.៩ពាន់លានដុល្លារក្នុងឆ្នាំ២០២២។

ស្របពេលជាមួយគ្នានោះ ការលក់អាវុធដោយផ្ទាល់ពីក្រុមហ៊ុនផលិតសព្វាវុធ ដែលមានមូលដ្ឋាននៅសហរដ្ឋអាមេរិក ក៏មានការកើនឡើងយ៉ាងគំហុកផងដែរ ដោយហក់ពី១០៣.៤ពាន់លានដុល្លារក្នុងឆ្នាំ២០២១ ដល់១៥៣.៧ពាន់លានដុល្លារក្នុងឆ្នាំ២០២២។

នៅអឺរ៉ុប អ្នកទិញធំជាងគេរួមមានអាល្លឺម៉ង់ ដែលបានបញ្ជាទិញយន្តហោះចម្បាំង F-35 Joint Strike Fighter ចំនួន៣៥គ្រឿងក្នុងតម្លៃ៨.៤ពាន់លានដុល្លារ និងប៉ូឡូញដែលបានចំណាយប្រាក់៦ពាន់លានដុល្លារលើរថក្រោះធុន M1 Abrams ចំនួន២៥០គ្រឿង។

ចក្រភពអង់គ្លេស អេស្ប៉ាញ និងប៊ុលហ្គារី ដែលជាសមាជិកថ្មីរបស់អង្គការណាតូ ក៏ជាអ្នកទិញដ៏ធំផងដែរក្នុងឆ្នាំ២០២២។

ទន្ទឹមនឹងនេះ ភាពតានតឹងនៅក្នុងតំបន់អាស៊ីជុំវិញកោះតៃវ៉ាន់ និងការប្រកួតប្រជែងនៅក្នុងសមុទ្រចិនខាងត្បូង ក៏បានក្លាយជាផលប្រយោជន៍សម្រាប់ក្រុមហ៊ុនផលិតអាវុធផងដែរ។

ការលក់អាវុធដ៏សំខាន់នៅក្នុងតំបន់នេះរួមមាន ១៣.៩ពាន់លានដុល្លារពីឥណ្ឌូណេស៊ីសម្រាប់យន្តហោះចម្បាំង F-15ID ចំនួន៣៦គ្រឿង និងការទិញ១.៩៥ពាន់លានដុល្លារពីអូស្ត្រាលីសម្រាប់ឧទ្ធម្ភាគចក្រ Black Hawk ចំនួន៤០គ្រឿង និងឧបករណ៍ផ្សេងទៀត។ កូរ៉េ​ខាង​ត្បូង និង​ជប៉ុន​ក៏​បាន​ទិញសព្វាវុធដ៏​សំខាន់​ផង​ដែរ​ដែល​មាន​តម្លៃ​សរុប៧៩០លាន​ដុល្លារសម្រាប់ទីក្រុងសេអ៊ូល និង៥៨៨លាន​ដុល្លារ​សម្រាប់ទីក្រុងតូក្យូ។

ប្រាក់ចំណូលសម្រាប់ក្រុមហ៊ុន Lockheed Martin ដែលផលិតយន្តហោះចម្បាំង F-16, F-22, និង F-35 បានកើនឡើង ៧,១៣% ពោលគឺចំនួន១៩ពាន់លានដុល្លារក្នុងត្រីមាសទី៤នៃឆ្នាំ២០២២។ ក្រុមហ៊ុន Northrop Grumman ដែលក៏ផលិតយន្តហោះចម្បាំង F-35 ផងដែរនោះ ត្រូវបានគេរំពឹងថានឹង កើនប្រាក់ចំណូល ១១,៨%៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik

ចុចអាន៖ ការ​លក់​សព្វាវុធ​ជា​សកល ​កើន​ឡើង​៧ឆ្នាំជាប់គ្នា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម