Connect with us

ព័ត៌មានអន្ដរជាតិ

មកស្គាល់លោក Vo Van Thuong ប្រធានាធិបតី បង្កើតប្រវត្តិសាស្រ្តថ្មីឲ្យ វៀតណាម

បានផុស

នៅ

រដ្ឋសភាវៀតណាម បានអនុម័តសេចក្តីសម្រេចមួយកាលពីព្រឹកថ្ងៃព្រហស្បតិ៍ទី០២ខែមីនា ដើម្បីជ្រើសរើសលោក Vo Van Thuong ជាប្រធានាធិបតីវៀតណាមសម្រាប់អាណត្តិ ២០២១-២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីដែលចាប់ផ្តើមនៅម៉ោង១០ព្រឹក នៅអគាររដ្ឋសភានៃទីក្រុងហាណូយ, លោក Thuong អាយុ៥៣ឆ្នាំ បានស្បថចូលកាន់តំណែងជាប្រធានាធិបតីវ័យក្មេងបំផុត ក្នុងប្រវត្តិសាស្ត្រវៀតណាម។

លោកបានឈ្នះសំឡេងគាំទ្រ ៤៨៧សំឡេង ក្នុងចំណោមសមាជិកសភាទាំង៤៨៨នាក់។

ប្រធានរដ្ឋវៀតណាម គឺជាតំណាងកំពូលរបស់ប្រទេសទាំងក្នុងនិងក្រៅប្រទេស ហើយជាអគ្គមេបញ្ជាការនៃកងកម្លាំងប្រដាប់អាវុធទៀតផង។

បច្ចុប្បន្ន លោក Thuong គឺជាសមាជិកវ័យក្មេងជាងគេក្នុងការិយាល័យនយោបាយរបស់បក្ស ដែលជាស្ថាប័នធ្វើការសម្រេចចិត្តខ្ពស់បំផុតរបស់ប្រទេស ហើយក៏ជាសមាជិកអចិន្ត្រៃយ៍ក្មេងជាងគេនៃលេខាធិការដ្ឋានបក្សចាប់តាំងពីឆ្នាំ១៩៧៦មកផងដែរ។

កើតនៅខេត្ត Vinh Long ភាគខាងត្បូង, លោក Thuong បានបញ្ចប់ថ្នាក់អនុបណ្ឌិតផ្នែកទស្សនវិជ្ជា។ គាត់បានបម្រើការជាលេខាបក្សនៃស្រុកទី១២ក្នុងទីក្រុងហូជីមិញ អស់រយៈពេលពីរឆ្នាំ ដោយចាប់ផ្តើមពីឆ្នាំ២០០៤។

នៅឆ្នាំ២០០៦ លោកត្រូវបានការិយាល័យនយោបាយតែងតាំងជាលេខាអចិន្ត្រៃយ៍នៃគណៈកម្មាធិការមជ្ឈិម របស់សហភាពយុវជនកុម្មុយនិស្តទីក្រុងហូជីមិញ។

នៅខែសីហា ឆ្នាំ២០១១ លោកបានក្លាយជាលេខាបក្សនៃខេត្ត Quang Ngai ភាគកណ្តាល។ បី​ឆ្នាំ​ក្រោយ​មក លោក​បាន​កាន់​តំណែង​ជា​លេខា​រង​បក្ស​ក្រុង​ហូជីមិញ។ លោក​បាន​ជាប់​ឆ្នោត​ឡើង​កាន់​តំណែង​ជា​ថ្មី​នៅ​ខែ​តុលា ឆ្នាំ​២០១៥។

លោកបានចូលបម្រើការងារនៅការិយាល័យនយោបាយក្នុងខែមករា ឆ្នាំ២០១៦ ដោយបានក្លាយជាសមាជិកវ័យក្មេងបំផុត ហើយក្រោយមកត្រូវបានតែងតាំងជាប្រធាននាយកដ្ឋានឃោសនាកណ្តាលនៃបក្សកុម្មុយនិស្ត។

លោក Thuong បានក្លាយជាប្រធានាធិបតីប៉ុន្មានសប្តាហ៍ បន្ទាប់ពីអ្នកស្នងតំណែងមុនគឺលោក Nguyen Xuan Phuc ចុះចេញពីតំណែង៕

ប្រែសម្រួល៖ Vann Vann

ប្រភព៖ VN Express

ចុចអាន៖ វៀតណាម ជ្រើសបានប្រធានាធិបតីថ្មីជំនួសលោក Nguyen Xuan Phuc ហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១២ ម៉ោង មុន

នាយករដ្ឋមន្ត្រី ឧបត្ថម្ភថវិកាសរុប៥០ម៉ឺនដុល្លារ ដល់សមាគមសិល្បករខ្មែរ​

ព័ត៌មានជាតិ១៣ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ ចេញ​សេចក្តីប្រកាស​ព័ត៌មាន​បង្ហាញ​ពី​កិច្ចខិតខំ​ប្រឹងប្រែង​ក្នុង​ការ​ជួយ​ពលការ​នី​ខ្មែរ​នៅ​ប្រទេស​អា​រ៉ា​ប៊ី​សា​អូឌីត

ព័ត៌មានជាតិ១៣ ម៉ោង មុន

សម្ដេចធិបតី​ បញ្ជាឱ្យរៀបចំប្រកួតក្បាច់គុនល្បុកតោ គុនខ្មែរ ខម ស្រងែពែន​  ដើម្បីគាស់រំលើងក្បាច់គុនឡើងវិញ

ព័ត៌មានជាតិ១៣ ម៉ោង មុន

សម្ដេចធិបតី ណែនាំឱ្យសមាគមសិល្បករខ្មែរ​ ជួយចាស់ជរា ក្មេងកំព្រា   និងបន្តជួយទ្រទ្រង់ជីវភាពសិល្បករចាស់ជរា

ព័ត៌មានជាតិ១៣ ម៉ោង មុន

ឯកឧត្ដម ហ៊ុន ម៉ានី អញ្ជើញចូលរួមគោរពវិញ្ញាណក្ខន្ធ ព្រឹទ្ធមហាឧបាសិកាពុទ្ធសាសនូបត្ថម្ភក៏ គង់ ម៉ាលី

Sokha Hotels

ព័ត៌មានពេញនិយម