រដ្ឋសភាវៀតណាម ក្នុងសម័យប្រជុំវិសាមញ្ញមួយនៅថ្ងៃព្រហស្បតិ៍នេះ បានបោះឆ្នោតជ្រើសរើសលោក Vo Van Thuong ជាប្រធានាធិបតីថ្មីរបស់ប្រទេស បន្ទាប់ពីការលាលែងពីតំណែងភ្លាមៗរបស់លោក Nguyen Xuan Phuc ។

លោក Thuong អាយុ ៥២ ឆ្នាំគឺជាសមាជិកវ័យក្មេងបំផុតនៃសមាជិកការិយាល័យនយោបាយចំនួន ១៦ រូបដែលជាស្ថាប័នធ្វើការសម្រេចចិត្តកំពូលរបស់វៀតណាម ។

ទន្ទឹមនោះ លោក Thuong ដែលធ្លាប់កាន់តំណែងជាប្រធានាធិបតីស្ដីទី ក៏ជាសម្ព័ន្ធមិត្តដ៏ស្មោះត្រង់របស់លោក Nguyen Phu Trong ដែលជាប្រធានគណបក្សកុម្មុយនិស្ត និងជាមនុស្សសំខាន់នៅក្នុងការបង្ក្រាបប្រឆាំងអំពើពុករលួយ ។

គួរបញ្ជាក់ថា លោក Nguyen Xuan Phuc និងអតីតឧបនាយករដ្ឋមន្ត្រី Pham Binh Minh បានចុះចេញពីតំណែងកាលពីខែមករា បន្ទាប់ពីប្រព្រឹត្តអំពើប្រាស់ចាកផ្សេងៗពាក់ព័ន្ធនឹងវិធានការកូវីដ ១៩ ដែលបណ្ដាលឲ្យមានផលវិបាកធ្ងន់ធ្ងរ ៕

ប្រែសម្រួលដោយ ៖ ជីវ័ន្ត

ប្រភព ៖ Nikkei Asia

ចុចអាន ៖ វៀតណាម ចេញបញ្ជាឲ្យកម្ទេចចោលភ្លាម បើរកឃើញសត្វបក្សី នាំចូលដោយខុសច្បាប់