ខេត្តភាគខាងត្បូង វៀតណាម នឹងរៀបចំពិធីបុណ្យបង្គាជាលើកដំបូង

វៀតណាម នឹងរៀបចំបុណ្យបង្គាជាលើកដំបូងនៅខេត្តភាគខាងត្បូង Ca Mau នាដើមខែមិថុនាឆ្នាំនេះ ហើយក៏នឹងរួមបញ្ចូលនូវសកម្មភាពជាច្រើនផ្សេងទៀតផងដែរ ជាពិសេសការប្រលងធ្វើម្ហូបជាច្រើនមុខចេញពីបង្គា ។

ពិធីបុណ្យបង្គា គឺជាព្រឹត្តិការណ៍ដ៏ធំបំផុត ក្រោមកម្មវិធី Ca Mau-Destination 2023 របស់ខេត្ត ដើម្បីលើកកម្ពស់ទេសចរណ៍ក្នុងស្រុក ។

លោក Tran Hieu Hung ប្រធាននាយកដ្ឋានវប្បធម៌ កីឡា និងទេសចរណ៍ខេត្ត Ca Mau បាននិយាយថា អាជ្ញាធរទេសចរណ៍ខេត្តកំពុងតែរៀបចំកម្មវិធីនេះ ហើយក្រៅពីពិធីបុណ្យបង្គា ខេត្តភាគខាងត្បូងមួយនេះ ក៏នឹងរៀបចំពិធីបង្ហោះបាឡុង និងពិធីបុណ្យធ្វើបង្អែមតាមបែបប្រពៃណីភាគខាងត្បូងថែមទៀតផងដែរ ។

ចំពោះការរៀបចំកម្មវិធីកាលពីឆ្នាំមុន បានទាក់ទាញភ្ញៀវទេសចរជាង ១៥៩,០០០ នាក់ ដែលបង្កើតប្រាក់ចំណូលជាង ៤.៦ លានដុល្លារអាមេរិក ក្នុងវិស័យទេសចរណ៍សម្រាប់ខេត្ត ។

គួរឲ្យដឹងថា ខេត្ត Ca Mau គឺជាខេត្តនាំមុខគេក្នុងវិស័យចិញ្ចឹមបង្គាក្នុងទំហំប្រហែល ២៧៦,០០០ ហិកតា ជាមួយនឹងទិន្នផលប្រចាំឆ្នាំជាង ២២០,០០០ តោន ៕

ប្រែសម្រួលដោយ ៖ នាង រតនៈ

ប្រភព ៖ Tuoi Tre

ចុចអាន ៖ ទីបំផុត ធនាគារក្ស័យធនរបស់ អាមេរិក រកបានម្ចាស់ថ្មីហើយ