សាជីវកម្មធានារ៉ាប់រងប្រាក់បញ្ញើសហព័ន្ធអាមេរិក FDIC និយាយថា ធនាគារ First Citizens Bank បានទិញប្រាក់បញ្ញើ និងប្រាក់កម្ចីទាំងអស់របស់ធនាគារ Silicon Valley Bridge (SVB) ដែលប្រកាសក្ស័យធន និងដួលរលំនាពេលថ្មីៗនេះ ។

ទន្ទឹមនោះ អតីតសាខា​ធនាគារ Silicon Valley Bridge (SVB) ទាំង ១៧ នឹងក្លាយជាផ្នែកនៃធនាគារ First-Citizens Bank ចាប់ពីពេលនេះតទៅ ។ ចំពោះការទិញនេះ FDIC និងធនាគារ First-Citizens Bank នឹងចែករំលែកការខាតបង់ដែលអាចកើតមាន និងសងប្រាក់វិញលើប្រាក់កម្ចីរបស់ធនាគារ Silicon Valley Bank ដែលរំពឹងថា នឹងផ្តល់ភាពងាយស្រួលដល់អតិថិជនកម្ចី ។

ទន្ទឹមនឹងនេះ បន្ទាប់ពីការប្រកាសរបស់ FDIC តម្លៃនៃប្រាក់ដុល្លារអាមេរិកធៀបនឹងរូបិយប័ណ្ណពិភពលោកសំខាន់ៗ ផ្សេងទៀត ដូចជាប្រាក់អឺរ៉ូ និងប្រាក់យ៉េន បានចាប់ផ្តើមកើនឡើងទិន្នន័យនៃការជួញដូរ ។ កត្តានេះជួយធ្វើឲ្យវិនិយោគគិនជាច្រើន កាត់បន្ថយក្តីព្រួយបារម្ភ​បានខ្លះពីវិបត្តិធនាគារក្ស័យធន ។

គួរបញ្ជាក់ថា និយ័តករអាមេរិក បានរឹបអូសយកធនាគារ Silicon Valley Bridge (SVB) នៅថ្ងៃទី១០ ខែមីនា ដែលបង្ហាញពីក្តីព្រួយបារម្ភមួយដល់ប្រព័ន្ធធនាគារអាមេរិក ។ មិនតែប៉ុណ្ណោះនៅ ២ ថ្ងៃក្រោយមក ធនាគារ Signature Bank ដែលមានមូលដ្ឋាននៅទីក្រុងញូវយ៉ក ក៏ត្រូវបានរឹបអូសផងដែរ ៕

ប្រែសម្រួលដោយ ៖​ នាង រតនៈ

ប្រភព ៖ Sputnik

ចុចអាន ៖ រុស្ស៊ី ព្រមានក្តែងៗថា ខ្លួនមានអាវុធទំនើបដ៏ពិសេស ដែលអាចកម្ទេច អាមេរិក បាន