ព័ត៌មានអន្ដរជាតិ

វៀតណាម ប្រតិកម្មនឹងបម្រាមនេសាទរបស់ ចិន

បានផុស

១១ ខែ មុន

នៅ

ថ្ងៃសុក្រ ២១ មេសា ២០២៣

ដោយ

វៀតណាមបាននិយាយកាលពីថ្ងៃព្រហស្បតិ៍ថា វៀតណាមមិនពេញចិត្តឡើយជាមួយបម្រាមនេសាទឯកតោភាគីនៅសមុទ្រចិនខាងត្បូងដែលដាក់ចេញដោយប្រទេសចិន ហើយចាត់ទុកសកម្មភាពនេះ ថាជាការរំលោភលើអធិបតេយ្យភាពទាំងស្រុង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងការបរទេសវៀតណាមលោក Doan Khac Viet ថ្លែងថា បម្រាមនេះបានរំលោភលើអធិបតេយ្យភាពរបស់វៀតណាមលើប្រជុំកោះ Paracel ព្រមទាំងសិទ្ធិអធិបតេយ្យភាព និងយុត្តាធិការលើតំបន់សមុទ្ររបស់ខ្លួន ក៏ដូចជា តំបន់សេដ្ឋកិច្ចផ្ដាច់មុខ (EEZ) ដែលកំណត់ដោយអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ។

ចំពោះបញ្ហានេះដែរ វៀតណាមក៏បានស្នើឲ្យចិនគោរពអធិបតេយ្យភាពរបស់ខ្លួនចំពោះប្រជុំកោះ Paracel និងសូមកុំធ្វើឲ្យស្ថានភាពស្មុគស្មាញ ហើយរួមចំណែកដល់សន្តិភាព និងស្ថិរភាពនៅសមុទ្រខាងត្បូងមួយនេះ ។

គួរបញ្ជាក់ថា សេចក្តីថ្លែងការណ៍នេះត្រូវបានធ្វើឡើងតាមរយៈការអត្ថាធិប្បាយអំពីអាជ្ញាធរចិន បន្ទាប់ពីបានដាក់ចេញបម្រាមនេសាទប្រចាំឆ្នាំ ហើយនឹងមានប្រសិទ្ធភាពនៅក្នុងតំបន់សមុទ្រមួយចំនួន ចាប់ពីថ្ងៃទី ១ ខែឧសភា ដល់ទី ១៨ ខែសីហា ខណៈបម្រាមនេះ រួមបញ្ចូលប្រជុំកោះ Paracel របស់វៀតណាម ដែលត្រូវបានចិនកាន់កាប់ដោយខុសច្បាប់ ៕

ប្រែសម្រួលដោយ ៖ នាង រតនៈ

ប្រភព ៖ VN Express

ចុចអាន ៖ ការនាំចេញគ្រឿងសមុទ្ររបស់ វៀតណាម ទៅកាន់ទីផ្សារក្រៅប្រទេស ធ្លាក់ចុះ ៥០ ភាគរយ