ព័ត៌មានអន្ដរជាតិ
វៀតណាម ប្រតិកម្មនឹងបម្រាមនេសាទរបស់ ចិន
វៀតណាមបាននិយាយកាលពីថ្ងៃព្រហស្បតិ៍ថា វៀតណាមមិនពេញចិត្តឡើយជាមួយបម្រាមនេសាទឯកតោភាគីនៅសមុទ្រចិនខាងត្បូងដែលដាក់ចេញដោយប្រទេសចិន ហើយចាត់ទុកសកម្មភាពនេះ ថាជាការរំលោភលើអធិបតេយ្យភាពទាំងស្រុង ។
អ្នកនាំពាក្យក្រសួងការបរទេសវៀតណាមលោក Doan Khac Viet ថ្លែងថា បម្រាមនេះបានរំលោភលើអធិបតេយ្យភាពរបស់វៀតណាមលើប្រជុំកោះ Paracel ព្រមទាំងសិទ្ធិអធិបតេយ្យភាព និងយុត្តាធិការលើតំបន់សមុទ្ររបស់ខ្លួន ក៏ដូចជា តំបន់សេដ្ឋកិច្ចផ្ដាច់មុខ (EEZ) ដែលកំណត់ដោយអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ។
ចំពោះបញ្ហានេះដែរ វៀតណាមក៏បានស្នើឲ្យចិនគោរពអធិបតេយ្យភាពរបស់ខ្លួនចំពោះប្រជុំកោះ Paracel និងសូមកុំធ្វើឲ្យស្ថានភាពស្មុគស្មាញ ហើយរួមចំណែកដល់សន្តិភាព និងស្ថិរភាពនៅសមុទ្រខាងត្បូងមួយនេះ ។
គួរបញ្ជាក់ថា សេចក្តីថ្លែងការណ៍នេះត្រូវបានធ្វើឡើងតាមរយៈការអត្ថាធិប្បាយអំពីអាជ្ញាធរចិន បន្ទាប់ពីបានដាក់ចេញបម្រាមនេសាទប្រចាំឆ្នាំ ហើយនឹងមានប្រសិទ្ធភាពនៅក្នុងតំបន់សមុទ្រមួយចំនួន ចាប់ពីថ្ងៃទី ១ ខែឧសភា ដល់ទី ១៨ ខែសីហា ខណៈបម្រាមនេះ រួមបញ្ចូលប្រជុំកោះ Paracel របស់វៀតណាម ដែលត្រូវបានចិនកាន់កាប់ដោយខុសច្បាប់ ៕
ប្រែសម្រួលដោយ ៖ នាង រតនៈ
ប្រភព ៖ VN Express
ចុចអាន ៖ ការនាំចេញគ្រឿងសមុទ្ររបស់ វៀតណាម ទៅកាន់ទីផ្សារក្រៅប្រទេស ធ្លាក់ចុះ ៥០ ភាគរយ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ