សេដ្ឋកិច្ច
ការនាំចេញគ្រឿងសមុទ្ររបស់ វៀតណាម ទៅកាន់ទីផ្សារក្រៅប្រទេស ធ្លាក់ចុះ ៥០ ភាគរយ
យោងតាមអគ្គនាយកដ្ឋានគយវៀតណាមបានឲ្យដឹងថា ការនាំចេញគ្រឿងសមុទ្ររបស់វៀតណាមទៅកាន់ទីផ្សារសំខាន់ៗបានធ្លាក់ចុះពី ១៧ ទៅ ៥០ ភាគរយនៅឆ្នាំនេះ ។
ក្នុងនោះការនាំចេញទៅកាន់សហរដ្ឋអាមេរិកបានធ្លាក់ចុះជាង ៥០ ភាគរយមកត្រឹម ២៨៤ លានដុល្លារអាមេរិក ចំណែកការនាំចេញទៅអូស្ត្រាលីបានធ្លាក់ចុះ ៣០ ភាគរយមកនៅត្រឹម ៦៥ លានដុល្លារ ។
ចំពោះទីផ្សារចិន ទោះបីជាប្រទេសបានបើកដំណើរការឡើងវិញក៏ដោយ តែការនាំចេញទៅកាន់ទីផ្សារនេះ មានតម្លៃត្រឹមតែ ២៧៩ លានដុល្លារប៉ុណ្ណោះ ពោលគឺតិចជាងឆ្នាំមុន ២៣ ភាគរយ ខណៈជប៉ុន កូរ៉េខាងត្បូង និងថៃ បាននាំចូលតិចជាងឆ្នាំមុនពី ៧ ទៅ ១៧ ភាគរយ ។ ទន្ទឹមនេះ ការនាំចេញសរុបនៅក្នុងត្រីមាសទី ១ បានធ្លាក់ចុះ ២៨ ភាគរយធៀបនឹងឆ្នាំមុនមកនៅត្រឹម ១.៨ ពាន់លានដុល្លារ ។
ដោយឡែក ចំពោះមុខទំនិញសំខាន់ៗដូចជា ត្រីងៀត បង្គា និងត្រីធូណា បានធ្លាក់ចុះពី ៣០-៣៧ ភាគរយ ខណៈពេលដែលការនាំចេញក្តាម និងផលិតផលផ្សេងទៀតបានធ្លាក់ចុះ ២-៤២ភាគរយ។
បើយោងតាមសមាគមអ្នកនាំចេញ និងអ្នកផលិតអាហារសមុទ្រវៀតណាម (VASEP) បានឲ្យដឹងថា ឧស្សាហកម្មនេះកំពុងប្រឈមមុខនឹងបញ្ហាយ៉ាងខ្លាំង ដោយសារអតិផរណាពិភពលោកបានប៉ះពាល់ដល់តម្រូវការ ហើយទិន្នផលធ្លាក់ចុះព្រោះតែអ្នកនេសាទ និងអាជីវកម្មវារីវប្បកម្មខ្វះដើមទុន ។
VASEP រំពឹងថា ការនាំចេញអាហារសមុទ្រនឹងងើបឡើងវិញក្នុងត្រីមាសទី ៣ ប៉ុន្តែក៏លុះត្រាតែមានគោលនយោបាយគាំទ្រដើម្បីកាត់បន្ថយពន្ធ រំកិលប្រាក់កម្ចី និងឧបត្ថម្ភការប្រាក់កម្ចីជាដើម ។
ដើម្បីជួយដោះស្រាយបញ្ហានេះ រដ្ឋាភិបាលវៀតណាម បានពន្យារពេលការបង់ពន្ធអាករលើតម្លៃបន្ថែម ពន្ធលើប្រាក់ចំណូលសាជីវកម្ម ពន្ធលើប្រាក់ចំណូលផ្ទាល់ខ្លួន និងការជួលដី ដើម្បីជួយសម្រាលបន្ទុកលើអាជីវកម្ម ។ ចំពោះបញ្ហាពន្ធ វៀតណាម បានកាត់បន្ថយពន្ធលើតម្លៃបន្ថែមមកត្រឹម ៨ ភាគរយប៉ុណ្ណោះ៕
ប្រែសម្រួលដោយ ៖ នាង រតនៈ
ប្រភព ៖ VN Express
ចុចអាន ៖ វៀតណាម ជាប្រទេស ផ្គត់ផ្គង់កាហ្វេ ធំលំដាប់ទី ២ របស់ពិភពលោក
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)