ព័ត៌មានអន្ដរជាតិ
ស្រ្តីរកស៊ីផ្លូវភេទ ថៃ សង្ឃឹមការបោះឆ្នោតខាងមុខនឹងផ្លាស់ប្តូរជីវភាពរស់នៅរបស់ពួកគេ
នារីរកស៊ីផ្លូវភេទថៃដាក់ក្តីសង្ឃឹមខ្ពស់របស់ពួកគេលើរដ្ឋាភិបាលថ្មី ក្រោយការបោះឆ្នោតសកលថ្ងៃទី១៤ ខែឧសភា ថានឹងអាចនាំពួកគេចាកចេញពីភាពខុសច្បាប់នៃវិស័យនេះបាន ។
អ្នករកស៊ីផ្លូវភេទជាច្រើនបានប្រមូលផ្តុំគ្នានៅពីក្រោយក្រុមមូលនិធិ Empower Foundation ដែលជាអ្នកធ្វើយុទ្ធនាការមិនស្វែងរកប្រាក់ចំណេញក្នុងប្រទេសសម្រាប់សិទ្ធិអ្នករកស៊ីផ្លូវភេទ ហើយក៏បានធ្វើការបញ្ចុះបញ្ចូលឲ្យគណបក្សនយោបាយយល់ព្រមលើការកែប្រែច្បាប់ថ្មីចំពោះពួកគេផងដែរ ។
ចំពោះច្បាប់ថ្មីនេះដែរ នឹងនាំវិស័យរកស៊ីផ្លូវភេទថៃ ដែលបច្ចុប្បន្នស្ថិតនៅក្នុងសេដ្ឋកិច្ចពណ៌ប្រផេះក្រៅផ្លូវការ ឲ្យចូលទៅកាន់សេដ្ឋកិច្ចផ្លូវការជាមួយនឹងសិទ្ធិពេញលេញសម្រាប់ស្ត្រី និងអ្នកប្តូរភេទទាំងអស់ ។
សម្រាប់ច្បាប់ថ្មីនេះទៀតសោត ស្ត្រីរកស៊ីផ្លូវភេទជាច្រើននាក់បង្ហាញអារម្មណ៍ថា ពួកគេចង់ឲ្យសង្គមទទួលស្គាល់ពីតម្លៃនៃអ្នកអ្នករកស៊ីផ្លូវភេទ ដោយគួរតែត្រូវបានទទួលស្គាល់ដូចជា កម្មករធម្មតា ហើយអាចធ្វើការដោយស្របច្បាប់ ។
យោងតាមអ្នកស្រាវជ្រាវថៃ និងបរទេសបានឲ្យដឹងថា មានអ្នករកស៊ីផ្លូវភេទចន្លោះពី ២៥ ម៉ឺនទៅ ៣០ ម៉ឺននាក់នៅក្នុងប្រទេសថៃ ខណៈនៅឆ្នាំ ២០១៥ ក្រុមហ៊ុនស្រាវជ្រាវ Havocscope ដែលប្រមូលព័ត៌មានអំពីទីផ្សារងងឹតពិភពលោកបានប៉ាន់ប្រមាណថា ឧស្សាហកម្មផ្លូវភេទរបស់ប្រទេសថៃមានតម្លៃ ៦.៤ ពាន់លានដុល្លារក្នុងមួយឆ្នាំ ដែលនៅពេលនោះស្មើប្រហែល ៣ ភាគរយនៃផលិតផលក្នុងស្រុកសរុប (GDP) ៕
ប្រែសម្រួល ៖ នាង រតនៈ
ប្រភព ៖ Nikkei Asia
ចុចអាន ៖ តើក្ដីសុបិនចូលស្រុកវិញរបស់លោក ថាក់ស៊ីន ក្លាយជាការពិតឬយ៉ាងណា?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង