Connect with us

អត្ថាធិប្បាយ

តើក្ដីសុបិនចូលស្រុកវិញរបស់លោក ថាក់ស៊ីន ក្លាយជាការពិតឬយ៉ាងណា?

បានផុស

នៅ

អតីតនាយករដ្ឋមន្ត្រីថៃលោក ថាក់ស៊ីន ស៊ីណាវ៉ាត់ត្រា ដែលកំពុងរស់នៅនិរទេសបានប្រកាសវិលត្រឡប់ចូលស្រុកវិញសរុប ១៨ ដងមកហើយ ចាប់តាំងពីឆ្នាំ ២០០៩ មក ខណៈកាលពីពេលថ្មីៗនេះ លោកក៏បានបង្ហើបតម្រុយស្រដៀងគ្នានេះផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលរបស់លោក ថាក់ស៊ីន ត្រូវបានទម្លាក់ចេញពីតំណែងដោយរដ្ឋប្រហារយោធាដែលដឹកនាំដោយលោកឧត្តមសេនីយ Sonthi Boonyaratglin នៅថ្ងៃទី១៩ ខែកញ្ញា ឆ្នាំ ២០០៦ ។ បន្ទាប់ពីបានភៀសខ្លួនចេញពីប្រទេស លោក ថាក់ស៊ីន ត្រូវបានកាត់ទោសកំបាំងមុខឲ្យជាប់ពន្ធនាគារសរុបចំនួន ១២ ឆ្នាំពីបទចោទប្រកាន់អំពើពុករលួយ គេចពន្ធ និងរំលោភអំណាច ។

ទន្ទឹមនោះ លោក ថាក់ស៊ីន ក៏ធ្លាប់បានត្រឡប់មកប្រទេសថៃវិញផងដែរនៅថ្ងៃទី២៨ ខែកុម្ភៈ ឆ្នាំ២០០៨ ដោយគ្រាន់តែជាន់លើទឹកដីនៃអាកាសយានដ្ឋានសុវណ្ណភូមិភ្លាម លោកបានក្រាបលុតជង្គង់សំពះដល់ដី នៅពីមុខអ្នកគាំទ្ររបស់លោកយ៉ាងច្រើនកុះករ ។

ទោះបីជាយ៉ាងណាក៏ដោយ នាយកដ្ឋានព្រហ្មទណ្ឌរបស់តុលាការកំពូលបានផ្តល់សំណើរឲ្យលោក ថាក់ស៊ីន ចាកចេញពីប្រទេសទៅចូលរួមព្រឹត្តិការណ៍កីឡាអូឡាំពិកនៅទីក្រុងប៉េកាំងក្នុងខែសីហា ឆ្នាំ២០០៨ ហើយចាប់ពីពេលនោះមកលោក ថាក់ស៊ីន បានរស់នៅនិរទេស ដោយភាគច្រើនលោកចំណាយពេលរស់នៅនៅទីក្រុងឌូបៃ ។

លោក​បាន​ប្រកាស​វិល​ត្រឡប់​មក​ប្រទេស​ថៃ​ជា​លើក​ដំបូង ​ក្នុង​អំឡុង​ពេល​ថ្លែង​សុន្ទរកថា​តាម​វីដេអូ​នៅឯ​ការ​ជួប​ជុំ​របស់​រណសិរ្ស​រួបរួម​ដើម្បី​ប្រជាធិបតេយ្យ​ប្រឆាំង​នឹង​របប​ផ្តាច់ការ (អាវ​ក្រហម) នៅ​វិមាន​រដ្ឋាភិបាល​ក្នុង​ទីក្រុង​បាងកក កាល​ពី​ថ្ងៃ​ទី៣០ ខែ​មីនា ឆ្នាំ​២០០៩ ។

ក្រោយមកទៀត រដ្ឋាភិបាលដែលដឹកនាំដោយប្អូនស្រីរបស់លោកគឺលោកស្រី យីងឡាក់ ស៊ីណាវ៉ាត់ត្រា ក៏ត្រូវបានទម្លាក់ចេញពីរដ្ឋប្រហារដឹកនាំដោយលោកឧត្តមសេនីយ៍ ប្រាយុទ្ធ ចាន់អូចា នៅក្នុងឆ្នាំ២០១៤ ហើយដោយសារតែបញ្ហានេះ ទើបលោក ថាក់ស៊ីន បានស្បថថានឹងវិលត្រឡប់មកប្រទេសថៃវិញទៀតកាលពីខែមករាឆ្នាំមុន ដោយផ្តល់ហេតុផលចំនួន ៤ យ៉ាង៖

-គាត់ចង់ជួយចិញ្ចឹមចៅរបស់គាត់នៅក្នុងជីវិតដែលនៅសេសសល់

-គាត់​បាន​ត្រៀម​ខ្លួន​ជា​ស្រេច​ដើម្បី​ជួយ​រដ្ឋាភិបាល​ក្នុង​ការ​ដោះ​ស្រាយ​បញ្ហាដោយមិន​គិត​ថ្លៃ

-គាត់​ចង់​ចែករំលែកការ​បង្រៀន ហើយ​សុំ​ថ្លៃឈ្នួលត្រឹមតែកាហ្វេទឹកកកមួយកែវប៉ុណ្ណោះ

-គាត់​ចង់​ឃើញ​ប្រជាជន​ថៃ​ដែល​មាន​ទ្រព្យ​ធន​​គាំទ្រ​ការ​ចាប់​ផ្តើម​អាជីវកម្ម

ស្របពេលជាមួយគ្នានេះ លោក ថាក់ស៊ីន បានប្រកាសជាលើកទី១៦ ក្នុងអំឡុងពេលបទសម្ភាសន៍ជាមួយសារព័ត៌មានក្យូដូរបស់ប្រទេសជប៉ុននៅថ្ងៃទី២៤ ខែមីនាឆ្នាំនេះថា លោកសុខចិត្តប្រឈមមុខនឹងវិធានការផ្លូវច្បាប់ និងជាប់ពន្ធនាគារ ប្រសិនបើគាត់អាចត្រឡប់ទៅរស់នៅជាមួយគ្រួសាររបស់គាត់វិញ ។

លោកក៏បានសម្តែងទំនុកចិត្តផងដែរថា គណបក្សភឿថៃនឹងឈ្នះភ្លូកទឹកភ្លូកដីក្នុងការបោះឆ្នោតថ្ងៃទី១៤ ខែឧសភា ប៉ុន្តែលោកបានបន្ថែមថា លោកនឹងមិនប្រើជ័យជម្នះណាមួយដើម្បីស្វែងរកការលើកលែងទោសពីព្រះមហាក្សត្រឡើយ ។

សម្រាប់ការប្រកាសលើកទី១៧ និងទី១៨ របស់លោក ថាក់ស៊ីន នេះដែរក៏ធ្វើឲ្យស្ថានភាពនយោបាយថៃក្នុងរយៈពេលប៉ុន្មានសប្តាហ៍នេះ ឈានទៅដល់កម្ដៅថ្មីមួយ មុនការបោះឆ្នោតនៅថ្ងៃអាទិត្យនេះ ។

ដោយឡែកកាលពីថ្ងៃទី១ ខែឧសភា ពោលប៉ុន្មានម៉ោង បន្ទាប់ពីកូនស្រីពៅរបស់លោកគឺលោកស្រី ផេថងថាន សម្រាលបានកូនទី២, លោក ថាក់ស៊ីន បានសរសេរបង្ហោះថា “ខ្ញុំនឹងឈានដល់វ័យ ៧៤ ឆ្នាំក្នុងខែកក្កដានេះ ដូច្នេះខ្ញុំចង់សុំការអនុញ្ញាតឲ្យខ្ញុំត្រឡប់ទៅមើលចៅទី៧ របស់ខ្ញុំវិញ ។ ជួបគ្នាឆាប់ៗ” ។

បន្ទាប់មកនៅថ្ងៃអង្គារនេះ លោក ថាក់ស៊ីន បានប្រកាសជាលើកចុងក្រោយថា “ខ្ញុំបានសម្រេចចិត្តរួចហើយ ខ្ញុំនឹងត្រឡប់មកផ្ទះវិញដើម្បីនៅជាមួយចៅប្រុសថ្មីរបស់ខ្ញុំក្នុងខែកក្កដានេះ ពោលនៅមុនថ្ងៃខួបកំណើតរបស់ខ្ញុំ ដោយសារតែបច្ចុប្បន្ន ខ្ញុំ​បាន​ឃ្លាត​ឆ្ងាយ​ពី​ក្រុម​គ្រួសារ​ជិត ១៧ ឆ្នាំ​មកហើយ ម្យ៉ាងខ្ញុំ​ក៏​ចាស់​​ហើយដែរ“ ។

ដូច្នេះតើក្ដីសុបិន ក៏ដូចជាការប្រកាសវិលត្រឡប់ចូលប្រទេសថៃវិញលើកទី១៨ របស់លោក ថាក់ស៊ីន អាចក្លាយជាការពិតឬក៏យ៉ាងណា? ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ បក្សភឿថៃរបស់កូនស្រីលោក ថាក់ស៊ីន ដាក់ចេញលក្ខខណ្ឌចំនួន ៣ បើបង្កើតរដ្ឋាភិបាលចម្រុះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៣ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៣ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៥ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៦ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម