ព័ត៌មានអន្ដរជាតិ
តុលាការកំពូល ប៉ាគីស្ថាន សម្រេចថា ការចាប់ខ្លួនលោក Imran Khan គឺខុសច្បាប់
តុលាការកំពូលរបស់ប្រទេសប៉ាគីស្ថាន បានបញ្ជាឲ្យដោះលែងអតីតនាយករដ្ឋមន្ត្រីលោក Imran Khan ក្រោយការចាប់ខ្លួនគាត់កាលពីដើមសប្តាហ៍នេះ បានបង្កឲ្យមានបាតុកម្មហិង្សាឈានដល់ការសម្លាប់មនុស្ស។
តុលាការបានពិនិត្យមើលបណ្តឹងឧទ្ធរណ៍ពីក្រុមច្បាប់របស់លោក Khan កាលពីថ្ងៃព្រហស្បតិ៍ ដោយសម្រេចថា ការចាប់ខ្លួនបុគ្គលប្រឆាំងរូបនេះ គឺជារឿងខុសច្បាប់។
មេដឹកនាំនៃគណបក្ស Pakistan Tehreek-e-Insaf (PTI) ត្រូវបានឃុំខ្លួនតាមបញ្ជាពីការិយាល័យគណនេយ្យភាពជាតិ (NAB) កាលពីថ្ងៃអង្គារ នៅពេលគាត់ទៅដល់តុលាការជាន់ទាប ពាក់ព័ន្ធនឹងសំណុំរឿងពុករលួយ ហើយចាប់តាំងពីពេលនោះមក គាត់ត្រូវបានឃុំខ្លួននៅទីស្នាក់ការប៉ូលិសក្នុងរដ្ឋធានី អ៊ីស្លាម៉ាបាដ។
គួរបញ្ជាក់ថា ប្រទេសប៉ាគីស្ថាន ត្រូវជាប់ក្នុងការតវ៉ាដោយហិង្សាអស់រយៈពេលបីថ្ងៃចុងក្រោយនេះ ដោយក្រុមបាតុករបានប៉ះទង្គិចជាមួយកងកម្លាំងសន្តិសុខ និងដុតបំផ្លាញអគាររដ្ឋាភិបាលនៅក្នុងទីក្រុងធំៗទូទាំងប្រទេស។
ស្របពេលជាមួយគ្នានោះដែរ រដ្ឋាភិបាលរបស់លោកនាយករដ្ឋមន្ត្រី Shehbaz Sharif បានដាក់ពង្រាយយោធា ដើម្បីទប់ស្កាត់ភាពចលាចល។
យ៉ាងណាមិញ គិតត្រឹមពេលនេះ អ្នកគាំទ្ររបស់លោក Khan ប្រហែល២៥០០នាក់ រួមទាំងឥស្សរជនកំពូលមួយចំនួននៅក្នុងគណបក្សរបស់គាត់ផងដែរ ត្រូវបានចាប់ខ្លួន។
ហើយបើយោងតាមប្រព័ន្ធផ្សព្វផ្សាយក្នុងស្រុកបានរាយការណ៍ថា បាតុករយ៉ាងតិច១១នាក់បានស្លាប់ និងប៉ូលិសរាប់រយនាក់រងរបួស៕
ប្រែសម្រួល៖ Vann Vann
ប្រភព៖ RT
ចុចអាន៖ ប៉ាគីស្ថាន ចាប់ខ្លួនមនុស្ស១ពាន់នាក់ អំឡុងពេលផ្ទុះបាតុកម្មហិង្សា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ