ព័ត៌មានអន្ដរជាតិ
ការពិតនៅពីក្រោយដំណើរទស្សនកិច្ចរបស់លោកស្រី Liz Truss ទៅកាន់ តៃវ៉ាន់
បន្ទាប់ពីអតីតនាយករដ្ឋមន្ត្រីអង់គ្លេសលោកស្រី Liz Truss បានធ្វើដំណើរទស្សនកិច្ចទៅកាន់តៃវ៉ាន់កាលពីថ្ងៃទី១៧ ខែឧសភាកន្លងទៅ មានការជជែកដេញដោយគ្នាជាច្រើនអំពីវត្តមានរបស់អ្នកនយោបាយរូបនេះ ក៏ដូចជារឿងរ៉ាវនៅពីក្រោយនៃហោះហើររបស់លោកស្រីមកកាន់ដែនដីកោះមួយនេះ ។
ពាក់ព័ន្ធនឹងបញ្ហានេះដែរ លោក Andy Lee ជាអ្នកសារព័ត៌មាននៅក្នុងទីក្រុងតៃប៉ិបាននិយាយថា មានអតីតអ្នកនយោបាយជាច្រើនបានហោះហើរមកកាន់កោះតៃវ៉ាន់ ដោយសារតែពួកគេបានចូលនិវត្តន៍ពីអាជីពនយោបាយ និងមិនមានអ្វីដែលត្រូវធ្វើទៀតឡើយ ។
អ្វីដែលសំខាន់នោះគឺមានម្ចាស់ជំនួយដ៏ធំសម្បើមដើម្បីផ្ដល់មូលនិធិសម្រាប់ការហោះហើរមកកាន់ទឹកដីនៃកោះមួយនេះ ហើយនោះគឺមូលនិធិ “Prospect Foundation” ។ មូលនិធិមួយនេះបានអញ្ជើញអ្នកនយោបាយដែលមានមុខមាត់ខ្ពស់ៗឲ្យមកតៃវ៉ាន់ មុនពេលអ្នកនយោបាយទាំងនេះ ត្រូវបានសាធារណជនបំភ្លេចចោល ។
លោក Andy Lee បាននិយាយទៀតថា គោលបំណងរបស់អ្នកនយោបាយដែលអញ្ជើញមកតៃវ៉ាន់មាន ២ គឺទី១ មកដើម្បីលុយ ហើយទី២ គឺការមកកាន់កោះនេះ ដើម្បីទទួលបានការចាប់អារមណ៍ពីប្រព័ន្ធផ្សព្វផ្សាយអន្តរជាតិសាជាថ្មីម្ដងទៀត ។
ជាក់ស្ដែងកាលពីពេលកន្លងមក អតីតរដ្ឋមន្ត្រីការបរទេសអាមេរិកលោក Mike Pompeo បានបង់ប្រាក់ ១៥០,០០០ ដុល្លារទៅឲ្យមូលនិធិ “Prospect Foundation” ដើម្បីបញ្ចុះបញ្ចូលឲ្យអតីតប្រធានសភាអាមេរិកលោកស្រី Nancy Pelosi មកកាន់ទីក្រុងតៃប៉ិ ។
ប៉ុន្តែចំណែកលោកស្រី Liz Truss វិញ, លោក Andy Lee មិនទាន់ដឹងថាតើគេបង់ប្រាក់ឲ្យអតីតនាយករដ្ឋមន្ត្រីអង់គ្លេសរូបនេះប៉ុន្មាននោះទេ សម្រាប់ការអញ្ជើញមកកាន់តៃវ៉ាន់នាពេលនេះ ដោយគ្រាន់តែដឹងថា គេបានចំណាយប្រាក់យ៉ាងច្រើនដល់លោកស្រី ។
ទាក់ទិននឹងរឿងរ៉ាវដដែលនេះ ប្រជាជនតៃវ៉ាន់មិនសប្បាយចិត្តនោះទេ ព្រោះលុយដែលមូលនិធិ “Prospect Foundation” ចំណាយទៅឲ្យអ្នកនយោបាយលោកខាងលិចទាំងនេះ គឺបានមកពីថវិកាសម្ងាត់របស់អាជ្ញាធរមូលដ្ឋានតៃវ៉ាន់ ជាថវិកាដែលអាជ្ញាធរប្រើដើម្បីអភិវឌ្ឍទំនាក់ទំនងជាមួយអង្គភាពបរទេស ។
គួរបញ្ជាក់ថា លោកស្រី Liz Truss គឺជាអតីតនាយករដ្ឋមន្ត្រីអង់គ្លេសដំបូងគេដែលបានអញ្ជើញទៅកោះតៃវ៉ាន់ ចាប់តាំងពីអតីតនាយករដ្ឋមន្ត្រីលោកស្រី Margaret Thatcher ដែលត្រូវបានគេដឹងថា ជាអ្នកនយោបាយរឹងរូសម្នាក់ប្រឆាំងនឹងប្រទេសចិន បានទៅដល់កោះមួយនេះកាលពី ២៧ ឆ្នាំមុន ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង