Connect with us

ព័ត៌មានអន្ដរជាតិ

ចិន ជំរុញឲ្យ អាមេរិក គោរពរដ្ឋាភិបាលទីក្រុងប៉េកាំងផង

បានផុស

នៅ

រដ្ឋមន្ត្រីការបរទេសចិន លោក Qin Gang នៅក្នុងកិច្ចសន្ទនាតាមទូរស័ព្ទជាមួយរដ្ឋមន្ត្រីការបរទេសអាមេរិក លោក Antony Blinken កាលពីពេលថ្មីៗនេះ បានអំពាវនាវឲ្យទីក្រុងវ៉ាស៊ីនតោនគោរពទីក្រុងប៉េកាំងផង ជាពិសេសសូមបញ្ឈប់ការជ្រៀតជ្រែកកិច្ចការផ្ទៃក្នុងរបស់ប្រទេសចិនទៀតទៅ ។

លោក Qin Gang
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Qin បានលើកឡើងថា “ភាគីអាមេរិកត្រូវតែបង្ហាញការគោរព បញ្ឈប់ការជ្រៀតជ្រែកក្នុងកិច្ចការផ្ទៃក្នុង បញ្ឈប់ការបំផ្លាញអធិបតេយ្យភាព សន្តិសុខ និងផលប្រយោជន៍អភិវឌ្ឍន៍របស់ប្រទេសចិនទៅ ដើម្បីជាប្រយោជន៍នៃការប្រកួតប្រជែង” ។

រដ្ឋមន្ត្រីការបរទេសចិនរូបនេះសង្ឃឹមថា “ភាគីអាមេរិកនឹងចាត់វិធានការពិតប្រាកដដើម្បីអនុវត្តការឯកភាពដែលប្រមុខរដ្ឋទាំងពីរសម្រេចបាន បន្ទាប់ពីកិច្ចប្រជុំនៅកោះបាលី ព្រមទាំងការប្តេជ្ញាចិត្តពាក់ព័ន្ធទាំងអស់ ហើយនឹងសហការជាមួយភាគីចិនដើម្បីដោះស្រាយការខ្វែងគំនិតគ្នាប្រកបដោយប្រសិទ្ធភាពផងដែរ” ។

លោក Antony Blinken (ឆ្វេង) និងលោក Qin Gang (ស្ដាំ)

ទន្ទឹមនោះ មន្ត្រីចិនក៏បានសម្តែងក្តីសង្ឃឹមទៀតថា សហរដ្ឋអាមេរិកនឹងជំរុញការផ្លាស់ប្តូរ និងកិច្ចសហប្រតិបត្តិការ ជួយធានាឲ្យទំនាក់ទំនងរវាងប្រទេសនានាឈប់យ៉ាប់យ៉ឺន និងមានស្ថិរភាព ហើយត្រឡប់ទៅមាគ៌ានៃការអភិវឌ្ឍន៍ប្រកបដោយចីរភាពផងដែរ ។

ស្របពេលជាមួយគ្នានេះ ក្នុង​អំឡុង​កិច្ច​ពិភាក្សានោះទៀតសោត រដ្ឋមន្ត្រី​ការ​បរទេស​ចិន​រូបនេះក៏បាន​គូសបញ្ជាក់​អំពី​ជំហររបស់រដ្ឋាភិបាលទីក្រុងប៉េកាំង​អំពី​បញ្ហាកោះ​តៃវ៉ាន់ និង​បញ្ហា​សំខាន់ៗ​ផ្សេង​ទៀតផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លោក Biden និងប្រមុខណាតូ ប្ដេជ្ញារួមគ្នាមិនបោះបង់ចោល អ៊ុយក្រែន

Helistar Cambodia - Helicopter Charter Services
Sokimex Investment Group
ព័ត៌មានជាតិ២ នាទីutes មុន

សម្តេចតេជោ ផ្តាំទៅលោក ថាក់ ស៊ីន បើចោទសម្តេចថាពុំមានសីលធម៌ហេតុអ្វីពឹងពាក់សម្តេចរយៈពេល១៩ឆ្នាំ ​និងហៅថាមេ០១

ព័ត៌មានជាតិ៥២ នាទីutes មុន

ព្រះមេគណខេត្តបាត់ដំបង និងជាព្រះនាយកពុទ្ធិកវិទ្យាល័យ អ៊ឹង ធួង ទទួលអនិច្ចធម្ម ក្នុងព្រះជន្មាយុ៨៨ ព្រះវស្សាដោយជរាពាធ

សន្តិសុខសង្គម១ ម៉ោង មុន

អាវុធហត្ថខេត្តសៀមរាប ហៅយុវជនម្នាក់ណែនាំអប់រំ ពាក់ព័ន្ធករណីយកឯកសណ្ឋានយោធាស្លៀក​រាំលេងបង្ហោះលើបណ្ដាញសង្គម

កីឡា២ ម៉ោង មុន

គួរ​ឲ្យ​សរសើរ​អាយុ​ ៤៦​ឆ្នាំ Pacquiao ស្មើ​ម្ចាស់​ខ្សែ​ក្រវាត់ Barrios ក្រោយ​ប្រកួត​១២​ទឹក​ពេញ

ព័ត៌មានជាតិ២ ម៉ោង មុន

បណ្ឌិត លី ឆេង នាំយកទៀនព្រះវស្សាប្រគេនព្រះសង្ឈនៅវត្តចំនួន៣ ក្នុងមូលដ្ឋានខណ្ឌ៧មករា

Sokha Hotels

ព័ត៌មានពេញនិយម