ព័ត៌មានអន្ដរជាតិ

កូនប្រុសតែមួយរបស់លោកស្រី យីងឡាក់ លេចមុខក្នុងថ្ងៃកំណើតម្ដាយ ក្លាយជាចំណាប់អារម្មណ៍មហាជន

បានផុស

៣ years មុន

នៅ

ថ្ងៃសុក្រ ២៣ មិថុនា ២០២៣

ដោយ

កម្រងរូបភាពចុងក្រោយរបស់ Supasek Amornchat ជាកូនប្រុសតែមួយរបស់លោកស្រីយីងឡាក់ បានបង្ហាញវត្តមានរៀបចំកម្មវិធីខួបកំណើតឲ្យម្ដាយ ខណៈអ្នកលេងអ៊ីនធឺណិតជាច្រើនហាក់ចាប់អារម្មណ៍លើក្មេងជំទង់រូបនេះយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបភាពជាច្រើនសន្លឹក បានធ្វើឲ្យអ្នកនិយមលេងអ៊ីនធឺណិតថៃជាច្រើននាក់ជជែកគ្នាព្រោងព្រាត និងសរសើរចំពោះលោក Supasek Amornchat ទៅធ្វើបុណ្យខួបកំណើតម្ដាយក្នុងអាយុ ៥៦ឆ្នាំ នៅវត្ត Rachathiwat បន្ទាប់មកនៅពេលរសៀល មានពិធីខួបកំណើតយ៉ាងអធិកអធមដោយមានអ្នកគាំទ្រជាច្រើនចូលរួមក្នុងព្រឹត្តិការណ៍នេះ ព្រមទាំងវត្តមានកូនប្រុសរបស់អតីតនាយករដ្ឋមន្ត្រីលោកស្រី យីងឡាក់ ស៊ីណាវ៉ាត់ត្រា កាន់នំខួបកំណើតជាមួយរូបភាពមុខម្តាយក្នុងនំខេកទៀតផង។

យ៉ាងណាមិញ អ្នកនិយមលេងអ៊ីនធឺណិតជាច្រើនបានលើកឡើងថា រូបភាពនេះពួកគេនៅចាំបានថា Supasek Amornchat កាលណោះរូបគេត្រឹមជាកូនក្មេងតូចដែលរស់នៅជាមួយម្ដាយក្នុងពេលកាន់តំណែងជានាយករដ្ឋមន្ត្រីនូវឡើយ។ បច្ចុប្បន្ននេះ Supasek Amornchat មានអាយុ ២០ ឆ្នាំ គាត់ជាបុរសស្បែកស សង្ហា ហើយកម្ពស់របស់គាត់គួរតែឡើងដល់ ១.៩០ សង់ទីម៉ែត្រហើយ។

បន្ថែមពីនេះទៀត គ្រប់គ្នាការផ្ដោតសំខាន់ថាក្មេងជំទង់ដែលជាកូនប្រុសម្នាក់គត់របស់អតីតនាយករដ្ឋមន្ត្រីលោកស្រី យីងឡាក់ អាចនឹងស្នតតំណែងពីម្ដាយ ព្រោះរូបគេគឺជាសិស្សពូកែមួយរូបដែលទទួលពានរង្វាន់ថាមពលជាតិផ្នែកវិស្វកម្មមេកានិកពីមហាវិទ្យាល័យវិស្វកម្មមេកានិច Imperial College London ។លើសពីនេះ លោកក៏ទទួលបានពានរង្វាន់ចំនួន ២ បន្ថែមទៀត ដោយសារពិន្ទុខ្ពស់បំផុតលើមុខវិជ្ជាសំខាន់ៗក្នុងមហាវិទ្យាល័យគឺ គណិតវិទ្យា និងកុំព្យូទ័រ។

សូមជម្រាបដែរថា Supasek Amornchat កើតនៅថ្ងៃទី ២៩ ខែមីនា ឆ្នាំ ២០០៣ គឺជាកូនប្រុសតែមួយរបស់របស់លោកស្រី យីងឡាក់ ស៊ីណាវ៉ាត្រា អតីតនាយករដ្ឋមន្ត្រី ជាមួយលោក Anusorn Amornchat អ្នកជំនួញជនជាតិថៃ បានបញ្ចប់ការសិក្សាថ្នាក់មធ្យមសិក្សានៅសាលាអន្តរជាតិ Harrow ធ្លាប់តំណាងឲ្យប្រទេសថៃ ទៅប្រកួតគណិតវិទ្យាពិភពលោក និងទទួលបានមេដាយប្រាក់ចំនួន ២ ពីការប្រកួតគណិតវិទ្យាពិភពលោក រួមទាំងមេដាយប្រាក់សម្រាប់ចំណេះដឹងគណិតវិទ្យាផងដែរ (ចំណេះដឹង-ប្រាក់ជាន់ខ្ពស់) និងមេដាយប្រាក់ ជំរុញសម្រាប់ប្រតិបត្តិការរួមគ្នា (Collaboration-Senior Silver) នៅប្រទេសអូស្ត្រាលីផងដែរ៕