ព័ត៌មានអន្ដរជាតិ
អាល្លឺម៉ង់ មិនយល់ស្របគម្រោងផ្ទេរទ្រព្យសម្បត្តិ រុស្ស៊ី របស់ EU ឡើយ
កាសែត Financial Times បានរាយការណ៍ថា អាល្លឺម៉ង់បានជំទាស់ចំពោះផែនការរបស់ទីក្រុងព្រុចសែលដែលចង់ប្រើប្រាស់ទ្រព្យសម្បត្តិរុស្ស៊ីដែលត្រូវបានបង្កក សម្រាប់ការកសាងអ៊ុយក្រែនឡើងវិញ ដោយព្រមានអំពីហានិភ័យផ្នែកច្បាប់ និងហិរញ្ញវត្ថុពីការផ្ទេរមួយនេះ ។
គណៈកម្មការអឺរ៉ុប កំពុងតែធ្វើច្បាប់ដោយតម្រូវឲ្យស្ថាប័នហិរញ្ញវត្ថុដែលកាន់កាប់ទ្រព្យសម្បត្តិរុស្ស៊ី ត្រូវប្រគល់ប្រាក់ចំណេញទាំងនោះមកវិញ ។ តែទោះជាយ៉ាងណា អ្នកតាក់តែងច្បាប់ដែលមកពីគ្រប់ប្លុកចង្អុលបង្ហាញថា ប្រព័ន្ធច្បាប់របស់សហភាពអឺរ៉ុបអនុញ្ញាតឲ្យតែទ្រព្យសម្បត្តិត្រូវបានបង្កកប៉ុណ្ណោះ ដោយមិនអាចត្រូវបានដកហូតឡើយ ។
ទន្ទឹមនោះ មន្ត្រីជាន់ខ្ពស់អាល្លឺម៉ង់ម្នាក់បាននិយាយថា រុស្ស៊ីត្រូវតែសងថ្លៃខូចខាតដល់អ៊ុយក្រែន ប៉ុន្តែគំនិតនៃការប្រើប្រាស់មូលនិធិរុស្ស៊ីសម្រាប់ការកសាងអ៊ុយក្រែនឡើងវិញ វានឹងទាក់ទងសំណួរហិរញ្ញវត្ថុ និងផ្លូវច្បាប់ដ៏ស្មុគស្មាញបំផុត ។
ពាក់ព័ន្ធនឹងបញ្ហានេះដែរ រដ្ឋមន្ត្រីយុត្តិធម៌អាល្លឺម៉ង់លោក Marco Buschmann ក៏បានសិក្សាពីសំណើរបស់សហភាពអឺរ៉ុបសម្រាប់ការប្រមូលទ្រព្យសម្បត្តិរបស់ធនាគារកណ្តាលរុស្ស៊ីផងដែរ ដោយសន្និដ្ឋានថា ពួកគេមិនអាចធ្វើបានដោយស្របច្បាប់ឡើយ ។
សហភាពអឺរ៉ុប និងសម្ព័ន្ធមិត្តរបស់ខ្លួនបានបង្កកទ្រព្យសម្បត្តិរបស់ធនាគារកណ្តាលរុស្ស៊ីរាប់រយពាន់លានអឺរ៉ូ ដែលជាផ្នែកនៃគោលនយោបាយដាក់ទណ្ឌកម្ម។
ចំពោះបញ្ហានេះ នៅក្នុងកិច្ចប្រជុំមួយជាមួយគណៈកម្មការអឺរ៉ុបកាលពីសប្តាហ៍មុន អ្នកការទូតជាច្រើនត្រូវបានគេរាយការណ៍ថាបានជំរុញឲ្យមានការប្រុងប្រយ័ត្នចំពោះសំណើនេះផងដែរ ។
ស្របពេលជាមួយគ្នានេះ លោក ពូទីន ធ្លាប់បានថ្កោលទោសម្តងហើយម្តងទៀតនូវការរឹបអូសទ្រព្យសម្បត្តិរបស់សហភាពអឺរ៉ុប ដោយហៅថា ជាការលួចទ្រព្យសម្បត្តិអ្នកដទៃ នៅពេលលោកថ្លែងសុន្ទរកថានៅវេទិកាសេដ្ឋកិច្ចអន្តរជាតិ St. Petersburg កាលពីដើមខែនេះ ៕
ប្រែសម្រួល៖ នាង រតនៈ
ប្រភព៖ RT
ចុចអាន ៖ តើការបះបោរប្រដាប់អាវុធនៅ រុស្ស៊ី ជាសេណារីយ៉ូរៀបចំឡើងដោយលោក ពូទីន ឬយ៉ាងណា?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង