ព័ត៌មានអន្ដរជាតិ
មេបះបោរឆ្នាំ ១៩៨៨ ដឹកនាំក្រុមលទ្ធិប្រជាធិបតេយ្យចរចាជាមួយរដ្ឋាភិបាលយោធាមីយ៉ាន់ម៉ា
អតីតមេដឹកនាំនិស្សិតដែលដឹកនាំការបះបោរខែសីហា ឆ្នាំ ១៩៨៨ នឹងដឹកនាំក្រុមរបស់ខ្លួនចរចាជាមួយរដ្ឋាភិបាលយោធាមីយ៉ាន់ម៉ាដើម្បីបញ្ចប់ភាពចលាចលនយោបាយនៅក្នុងប្រទេស ។
លោក U Ko Ko Gyi ដែលជាប្រធានគណបក្សប្រជាជន (People’s Party) ត្រូវបានតែងតាំងជាមេដឹកនាំក្រុមដែលនឹងជួបមេដឹកនាំរដ្ឋាភិបាលយោធាដើម្បីរកដំណោះស្រាយចំពោះការប្រឈមមុខផ្នែកនយោបាយបច្ចុប្បន្នដែលបានកើតឡើង បន្ទាប់ពីការកាន់កាប់អំណាចដោយរដ្ឋប្រហារយោធាកាលពីថ្ងៃទី ១ ខែកុម្ភៈ ។
យោងតាមប្រភពព័ត៌មានបានឲ្យដឹងថា មេដឹកនាំជនជាតិភាគតិច Shan ម្នាក់គឺលោក U Khun Tun Oo ដែលជាអតីតប្រធានគណបក្សសម្ព័ន្ធជាតិដើម្បីលទ្ធិប្រជាធិបតេយ្យ Shan ក៏នឹងក្លាយជាផ្នែកមួយនៃក្រុមចរចាផងដែរ ។
លោក U Khun Tun Oo បានប្រាប់សារព័ត៌មាន Myanmar Times ដោយមិនផ្ដល់ព័ត៌មានលម្អិតបន្ថែមថា “យើងនឹងធ្វើការចរចារវាងភាគីទាំងពីរ ។ មនុស្សវ័យចំណាស់ក្នុងវិស័យនយោបាយនឹងដឹកនាំដំណើរការចរចា ហើយលោកប្រធាន U Ko Ko Gyi ត្រូវបានតែងតាំងជាអ្នកដឹកនាំក្នុងការចរចានេះ” ។
លោកបាននិយាយថា “យើងមិនទាន់បញ្ចេញព័ត៌មានជាសាធារណៈអំពីក្រុមនេះទេ ។ យើងគិតថាការទូត និងការចរចាគួរតែត្រូវបានធ្វើឡើងនៅពេលនេះដើម្បីដោះស្រាយវិបត្តិបច្ចុប្បន្ន ។ ប៉ុន្តែលោកក៏បានទទួលស្គាល់ផងដែរថាការចរចាអាចនឹងបរាជ័យ” ។
លោកបន្ថែមថា “យើងបារម្ភប្រសិនបើវិធីនេះមិនដំណើរការ ។ ទោះយ៉ាងណាយើងបានជំរុញឲ្យមានការចរចារវាងភាគីទាំងពីរគឺយោធា និងគណបក្ស NLD ។ នេះជាជំហររបស់យើង” ។
ទន្ទឹមនោះរដ្ឋាភិបាលយោធាមិនទាន់ចេញសេចក្តីថ្លែងការណ៍ណាមួយលើបញ្ហានេះនៅឡើយទេ ។
ការតវ៉ាតាមដងផ្លូវបានផ្ទុះឡើងនៅទីក្រុងយ៉ាំងហ្គោន និងទីក្រុងសំខាន់ៗដទៃទៀតនៅទូទាំងប្រទេសក្នុងអំឡុងពេល ៥ ថ្ងៃចុងក្រោយនេះដោយសារលទ្ធផលនៃការកាន់កាប់អំណាចដោយរដ្ឋប្រហារនេះ ខណៈក្រុមអ្នកតវ៉ាបានអំពាវនាវឲ្យយោធាប្រគល់អំណាចជាបន្ទាន់ដល់គណបក្សសម្ព័ន្ធជាតិដើម្បីប្រជាធិបតេយ្យ (NLD) ដែលពួកគេអះអាងថាឈ្នះការបោះឆ្នោតក្នុងអំឡុងពេលការបោះឆ្នោតថ្ងៃទី ៨ ខែវិច្ឆិកា ៕
ប្រែសម្រួលដោយ ៖ ជីវ័ន្ត
ប្រភព ៖ Myanmar Times
ចុចអាន ៖ ទីបំផុត សហរដ្ឋអាមេរិកដាក់ទណ្ឌកម្មលើមេដឹកនាំរដ្ឋប្រហារមីយ៉ាន់ម៉ា
ចុចអាន ៖ ក្រុមប្រឹក្សាសិទ្ធិមនុស្ស UN នឹងបើកសម័យប្រជុំពិសេសស្តីពីស្ថានភាព មីយ៉ាន់ម៉ា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត