ព័ត៌មានអន្ដរជាតិ
ប្រមុខ UN ថា “យើងមិនចង់ឃើញ លីបង់ រលាកភ្លើងសង្គ្រាមដូចនៅតំបន់ហ្គាហ្សាឡើយ”
ជាង ១០០ ថ្ងៃទៅហើយនៃភ្លើងសង្គ្រាមរវាងអ៊ីស្រាអែល និងក្រុមហាម៉ាសនៅតែបន្តឆេះរោលរាល ខណៈអគ្គលេខាធិការអង្គការសហប្រជាជាតិ (UN) លោក Antonio Guterres ក៏បានសម្តែងក្ដីភ័យព្រួយទៅដល់ភាពតានតឹងមួយផ្សេងទៀតដែលកំពុងផ្ទុះឡើងដូចគ្នាគឺរវាងអ៊ីស្រាអែល និងលីបង់ ។ នេះបើយោងតាមការចុះផ្សាយដោយគេហទំព័រផ្លូវការរបស់ UN នៅថ្ងៃទី១៦ ខែមករានេះ ។
លោក Guterres បាននិយាយនៅក្នុងសន្និសីទសារព័ត៌មានមួយនៅឯទីស្នាក់ការអង្គការសហប្រជាជាតិថា “យើងមិនចង់ឃើញជម្លោះមួយផ្សេងទៀតដូចក្នុងស្ថានការណ៍នៅជ្រោយហ្គាហ្សា ផ្ទុះឡើងនៅក្នុងប្រទេសលីបង់នោះទេ ហើយយើងក៏មិនចង់ឲ្យភ្លើងសង្គ្រាមបន្តឆេះខ្លោចនៅក្នុងតំបន់ហ្គាហ្សាទៀតនោះដែរ” ។
ប្រមុខ UN រូបនេះបានសង្កត់ធ្ងន់ថា មនុស្សរាប់ម៉ឺននាក់នៅភាគខាងជើងអ៊ីស្រាអែល និងភាគខាងត្បូងលីបង់បានផ្លាស់ទីជម្រក ដោយសារតែការប្រយុទ្ធគ្នានៅក្នុងភ្លើងសង្គ្រាម ស្របពេលដែលជំនួយមនុស្សធម៌ចូលទៅក្នុងប្រទេសលីបង់ក៏មានឧបសគ្គបាំងមុខផងដែរ ។
ទោះយ៉ាងណា សារព័ត៌មាន CNN ក៏បានរាយការណ៍ពីដំណោះស្រាយរបស់លោក Guterres នៅក្នុងភ្លើងសង្គ្រាមមួយនេះដែរថា “ការទម្លាក់អាវុធចុះធ្វើឲ្យមានបទឈប់បាញ់មនុស្សធម៌ភ្លាមៗ ហើយទាមទារឲ្យមានការដោះលែងឈ្លើយសឹកទាំងអស់នៅតំបន់ហ្គាហ្សាជាបន្ទាន់ និងគ្មានលក្ខខណ្ឌ គឺជាផ្លូវដោះស្រាយដ៏ល្អបំផុតដើម្បីឈានទៅដល់សុខសន្តិភាព” ។
ស្ថានភាពតានតឹងបានកើនឡើងតាមបណ្តោយព្រំដែនលីបង់ជាមួយអ៊ីស្រាអែល ចាប់តាំងពីកងទ័ពរបស់លោកនាយករដ្ឋមន្ត្រី Benjamin Netanyahu បានលើកទ័ពចូលទៅវាយលុកយ៉ាងសាហាវទៅលើតំបន់ហ្គាហ្សាស្ទ្រីប ក្រោយព្រឹត្តិការណ៍វាយឆ្មក់ ៧ តុលា របស់ក្រុមប្រដាប់អាវុធប៉ាឡេស្ទីនហាម៉ាសចូលទៅក្នុងទឹកដីនៃប្រទេសអ៊ីស្រាអែលដោយបានសម្លាប់មនុស្សប្រមាណ ១,២០០ នាក់ ខណៈពលរដ្ឋប៉ាឡេស្ទីនរស់នៅតំបន់ហ្គាហ្សាប្រមាណ ២៤,០០០ នាក់ក៏ស្លាប់បាត់បង់ជីវិតផងដែរក្រោមកណ្ដាប់ទ័ពអ៊ីស្រាអែល ។
ទន្ទឹមនោះ ក្រោយផ្ទុះភ្លើងសង្គ្រាមរវាងអ៊ីស្រាអែល និងក្រុមហាម៉ាសបានប៉ុន្មានថ្ងៃប៉ុណ្ណោះ ក៏មានការបាញ់បោះឆ្លងព្រំដែនមួយទៀតផ្ទុះឆេះផងដែររវាងក្រុមហេសបូឡា និងកងកម្លាំងអ៊ីស្រាអ៊ែល ហើយនេះជាការប៉ះទង្គិចគ្នាយ៉ាងសាហាវបំផុត ចាប់តាំងពីភាគីទាំងពីរផ្ទុះភ្លើងសង្រ្គាមពេញទីក្នុងឆ្នាំ ២០០៦ ៕
ដោយ ៖ សុខ ជីវ័ន្ត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ