ព័ត៌មានអន្ដរជាតិ

អាល្លឺម៉ង់ ប្រឆាំងដាច់ខាត ចំពោះការកាន់កាប់អចិន្ត្រៃយ៍ របស់អ៊ីស្រាអែល នៅលីបង់

បានផុស

២ នាទី មុន

នៅ

ថ្ងៃអង្គារ ២៣ មិថុនា ២០២៦

ដោយ

រដ្ឋាភិបាលអាល្លឺម៉ង់ បានលើកឡើង កាលពីថ្ងៃចន្ទ ថា អាល្លឺម៉ង់ប្រឆាំងនឹងការប៉ុនប៉ងកាន់កាប់ជាអចិន្ត្រៃយ៍របស់អ៊ីស្រាអែល លើទឹកដីលីបង់ បន្ទាប់ពីសេចក្តីថ្លែងការណ៍របស់រដ្ឋមន្ត្រីក្រសួងការពារជាតិអ៊ីស្រាអែល លោក Israel Katz បញ្ជាក់ថា ប្រទេសរបស់លោកនឹងមិនដកខ្លួនចេញពីទឹកដីដែលកាន់កាប់ នៅភាគខាងត្បូងប្រទេសលីបង់នោះទេ។ នេះបើយោងតាមភ្នាក់ងារសារព័ត៌មាន Anadolu នៅថ្ងៃទី២២ ខែមិថុនា ឆ្នាំ២០២៦ ។

អ្នកនាំពាក្យរដ្ឋាភិបាលអាល្លឺម៉ង់ លោក Stefan Kornelius ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងការបរទេសអាល្លឺម៉ង់ លោក Martin Giese ថ្លែងក្នុងសន្និសីទសារព័ត៌មានមួយនៅទីក្រុងប៊ែរឡាំងថា៖ « ជំហររបស់រដ្ឋាភិបាលសហព័ន្ធអាល្លឺម៉ង់គឺច្បាស់លាស់ណាស់! យើងបដិសេធវត្តមានអចិន្ត្រៃយ៍របស់កងទ័ពអ៊ីស្រាអែលនៅលើទឹកដីលីបង់ ហើយប្រជាជនស៊ីវិលក៏មិនត្រូវរារាំងពីការវិលត្រឡប់ទៅផ្ទះដែលពួកគេរស់នៅដែរ»។

ការកត់សម្គាល់របស់ លោក Giese ត្រូវបានធ្វើឡើង និងបញ្ជាក់ដោយអ្នកនាំពាក្យរដ្ឋាភិបាល លោក Stefan Kornelius ជាថ្មីអំពីការគាំទ្ររបស់អាល្លឺម៉ង់ ចំពោះបូរណភាពទឹកដីរបស់ប្រទេសលីបង់។

ភាគីអ៊ីស្រាអែល លោក Katz បានអះអាងថា កងកម្លាំងអ៊ីស្រាអែលគ្មានការរឹតបន្តឹង នៅក្នុងប្រទេសលីបង់ទេ។

លោក ថា៖ « ពិតមែនហើយ! មិនមានការរឹតបន្តឹងលើទាហានអ៊ីស្រាអែល IDF នៅក្នុងប្រទេសលីបង់ពីប្រតិបត្តិការ ដើម្បីលុបបំបាត់ការគំរាមកំហែងនោះទេ»។

លោក Katz បន្ថែមថា៖ « ដូចខ្ញុំ និងនាយករដ្ឋមន្ត្រី បេនចាមីន បានបញ្ជាក់យ៉ាងច្បាស់ថា អ៊ីស្រាអែលនឹងមិនដកខ្លួនចេញពីតំបន់សន្តិសុខ នៅក្នុងប្រទេសលីបង់ទេ»។

ការអត្ថាធិប្បាយរបស់លោកបានកើតឡើង បន្ទាប់ពីការកើនឡើងយ៉ាងខ្លាំងរបស់អ៊ីស្រាអែលនៅលីបង់កាលពីថ្ងៃសុក្រ និងថ្ងៃសៅរ៍ អំឡុងពេលយោធាអ៊ីស្រាអែលបានបើកការវាយប្រហារជាង ២០០ដងនៅទូទាំងភាគខាងត្បូង និងខាងកើតនៃប្រទេស។

គួរបញ្ជាក់ថា កិច្ចព្រមព្រៀងបណ្តោះអាសន្នរវាងទីក្រុងវ៉ាស៊ីនតោន និងទីក្រុងតេហេរ៉ង់បានអំពាវនាវឱ្យបញ្ឈប់អរិភាពទាំងអស់ រួមទាំងប្រទេសលីបង់ផងដែរ៕

សម្រួល៖ ណឺ មិនា

ព័ត៌មានជាតិ៦ ថ្ងៃ ago

ថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ

សន្តិសុខសង្គម១ សប្តាហ៍ ago

ត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា

ព័ត៌មានអន្ដរជាតិ៤ ថ្ងៃ ago

អង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ

ព័ត៌មានអន្ដរជាតិ១ សប្តាហ៍ ago

យន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់

សេដ្ឋកិច្ច១ សប្តាហ៍ ago

កម្ពុជា មានក្រុមហ៊ុននាំចូលសាច់បង្កកចំនួន ៥៧

ព័ត៌មានជាតិ៧ ថ្ងៃ ago

ក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា