ព័ត៌មានអន្ដរជាតិ
ហាងឆេងប្រេងសាំងនៅ អាស៊ី ងើបថ្លៃបន្តិច លក់តម្លៃ ១.៤៤ ទៅ ១.៥៤ ដុល្លារក្នុងមួយលីត្រ
តម្លៃប្រេងសាំងសម្រាប់ការជួញដូរប្រចាំតំបន់អាស៊ីនៅថ្ងៃពុធនេះហក់ឡើងថ្លៃបន្តិច ដោយសារតែវិនិយោគិនកំពុងស្ទង់មើលក្ដីព្រួយបារម្ភនៃការកាត់បន្ថយទិន្នផលពីប្រទេសផលិតប្រេងសំខាន់ៗ បូករួមនឹងការអ៊ុតមើលលើកាណុងកាំភ្លើងបាញ់បោះលើការដឹកជញ្ជូននៅសមុទ្រក្រហមពីសំណាក់ក្រុមហ៊ូទីជាដើម ។ នេះបើយោងតាមសេចក្ដីរាយការណ៍ពីទីភ្នាក់ងារព័ត៌មាន Reuters នៅថ្ងៃទី២១ ខែកុម្ភៈនេះ ។
![](https://www.kampucheathmey.com/wp-content/uploads/2024/02/oil-35-scaled.jpg)
តម្លៃប្រេងឆៅអន្តរជាតិម៉ាក Brent បានងើបថ្លៃ ១២ សេន ឬ ០.១៥ ភាគរយ និងដាក់លក់ក្នុងតម្លៃ ៨២.៤៦ ដុល្លារក្នុងមួយបារ៉ែល (១.៤៤ ដុល្លារក្នុងមួយលីត្រ) ខណៈតម្លៃប្រេងរបស់ក្រុមហ៊ុន West Texas Intermediate (WTI) ហក់ឡើង ៩ សេន ឬ ០.១២ ភាគរយ លក់ក្នុងតម្លៃ ៧៧.១៣ ដុល្លារក្នុងមួយបារ៉ែល (១.៥៤ ដុល្លារក្នុងមួយលីត្រ) ។
តម្លៃប្រេងសាំងលើពិភពលោកមិនទាន់បង្ហាញសញ្ញាវិជ្ជមានណាមួយនៅឡើយទេ ចាប់តាំងពីក្រុមហ៊ូទីបើកការវាយប្រហារដោយយន្តហោះដ្រូន ក៏ដូចជាផ្តក់គ្រាប់រ៉ុកកែតទៅលើនាវានៅសមុទ្រក្រហម និងច្រកសមុទ្រ Bab al-Mandab ដើម្បីគាំទ្រទៅដល់ក្រុមហាម៉ាស ហើយសកម្មភាពទាំងប៉ុន្មាននេះកំពុងបង្កក្ដីភ័យព្រួយទៅដល់លំហូរទំនិញឆ្លងកាត់ផ្លូវដ៏សំខាន់មួយនេះ ។
ទន្ទឹមនឹងនេះ ហាងឆេងប្រេងសាំងក៏កាន់តែត្រដាបត្រដួសថែមទៀតនោះ គឺបន្ទាប់ពីរុស្ស៊ីបានប្ដេជ្ញាកាត់បន្ថយការផលិតប្រេង ៥០ ម៉ឺនបារ៉ែលក្នុងមួយថ្ងៃ ដែលជាការរួមដៃគ្នាជាមួយអង្គការនៃប្រទេសនាំចេញប្រេង (OPEC+) និងសម្ព័ន្ធមិត្តដែលមានមុខព្រួញបំពេញតាមកូតារបស់អង្គការនៅក្នុងខែកុម្ភៈនេះ ក៏ដូចជាដើម្បីឆ្លើយតបទៅនឹងទណ្ឌកម្មរបស់លោកខាងលិចដែលដាក់មកលើរុស្ស៊ីពាក់ព័ន្ធនឹងភ្លើងសង្គ្រាមនៅអ៊ុយក្រែន ៕
![](https://www.kampucheathmey.com/wp-content/uploads/2024/02/Oill-7.jpg)
ដោយ ៖ សុខ ជីវ័ន្ត
ចុចអាន ៖ ថៃ ជាប់ជាប្រទេសមានកម្រិត IQ លំដាប់ទី ៥ នៅអាស៊ាន និង ៦៤ លើពិភព លោក តែចាញ់ កម្ពុជា
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានអន្ដរជាតិ៧ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៧ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ២ ថ្ងៃ ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
ព័ត៌មានជាតិ២ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
កីឡា៥ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៤ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
សន្តិសុខសង្គម២ ថ្ងៃ ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់
-
ព័ត៌មានជាតិ៣ ថ្ងៃ ago
សម្ដេច ហ៊ុន សែន អះអាងច្បាស់ៗថា គ្មានទេកិច្ចព្រមព្រៀងកាត់ដីឱ្យទៅវៀតណាម