ព័ត៌មានអន្ដរជាតិ
អ៊ីស្រាអែល ប្រកាសត្រៀមរួចរាល់ ដើម្បីតទល់ជាមួយ អ៊ីរ៉ង់
តាមសេចក្តីរាយការណ៍របស់ Jerusalem Post, រដ្ឋមន្ត្រីការពារជាតិអ៊ីស្រាអែល Yoav Gallant បានប្រកាសថា ប្រទេសរបស់លោក ត្រៀមខ្លួនរួចជាស្រេច ដើម្បីតទល់ចំពោះគ្រប់សេណារីយ៉ូ ជាមួយអ៊ីរ៉ង់ ខណៈទំនាក់ទំនងរវាងខ្លាមជ្ឈិមបូព៌ាទាំងពីរ បានឈានដល់កម្រិតតានតឹងបំផុត។
កាលពីសប្តាហ៍មុន អ៊ីស្រាអែល បានប្រុងជើងការខ្ពស់ ដោយមិនអនុញ្ញាតឲ្យកងទ័ពណាម្នាក់ ដាក់ច្បាប់ឈប់ឡើយ ហើយថែមទាំងពង្រឹងការពារដែនអាកាសទៀតផង ព្រោះតែបារម្ភខ្លាចក្រែងលោអ៊ីរ៉ង់ បើកការវាយប្រហារភ្លាមៗ។
វិធានការរបស់អ៊ីស្រាអែល ធ្វើឡើងបន្ទាប់ពីមេបញ្ជាការយោធាជាន់ខ្ពស់អ៊ីរ៉ង់ ត្រូវបានសម្លាប់ក្នុងការវាយប្រហារអាកាសនៅប្រទេសស៊ីរី ខណៈទីក្រុងតេហេរ៉ង់ បានស្តីបន្ទោសរឿងនេះទៅលើកងកម្លាំងការពារអ៊ីស្រាអែល (IDF) ហើយប្តេជ្ញាសងសឹកដោយមិនប្រណីដៃ។
បន្ទាប់ពីកិច្ចប្រជុំវាយតម្លៃស្ថានភាពប្រតិបត្តិការជាមួយមន្ត្រីយោធាជាន់ខ្ពស់និងចារកម្ម កាលពីថ្ងៃអាទិត្យទី៧ខែមេសា លោក Gallant គូសបញ្ជាក់ថា “ប្រព័ន្ធការពារ បានត្រៀមរួចរាល់អស់ហើយ ដើម្បីឆ្លើយតបប្រឆាំងនឹងសេណារីយ៉ូណាមួយ ដែលអាចកើតមានជាមួយអ៊ីរ៉ង់”។
យ៉ាងណាក្តី លោកមិនបានបង្ហាញព័ត៌មានលម្អិតបន្ថែម អំពីការរៀបចំនេះទេ។
មុននេះដែរ រដ្ឋាភិបាលអ៊ីស្រាអែល បានសម្រេចចិត្តបិទស្ថានទូតនៅ២៨ប្រទេស ជុំវិញពិភពលោក ដោយសារខ្លាចអ៊ីរ៉ង់សងសឹក។
ដោយឡែក មន្ត្រីអាមេរិក បានសម្តែងក្តីបារម្ភជាពន់ពេកថា ស្ថានការណ៍ អាចប្រែក្លាយទៅជាសង្រ្គាមពេញលក្ខណៈរវាងអ៊ីរ៉ង់និងអ៊ីស្រាអែល ប្រសិនបើទីក្រុងតេហេរ៉ង់ ដើរខុសតែមួយជំហាន។
សូមជម្រាបឡើងវិញបន្តិច ការវាយប្រហារដ៏សាហាវ ទៅលើស្ថានកុងស៊ុលអ៊ីរ៉ង់ក្នុងរដ្ឋធានី ដាម៉ាស នៃប្រទេសស៊ីរី កាលពីដើមសប្តាហ៍នេះ បានសម្លាប់មន្ត្រីកងឆ្មាំបដិវត្តឥស្លាម (IRGC) ចំនួន៧នាក់ ក្នុងនោះមានទាំងមេទ័ពអ៊ីរ៉ង់ឈ្មោះ Mohammad Reza Zahedi ផងដែរ។
ទោះបីជាយ៉ាងណាក៏ដោយ អ៊ីស្រាអែល នៅតែមិនទទួលស្គាល់ជាចំហថា ខ្លួននៅពីក្រោយការវាយប្រហារនោះ ប៉ុន្តែលោក Gallant ព្រលយពាក្យថា អ៊ីស្រាអែល កំពុងកម្ចាត់សត្រូវនៅទូទាំងតំបន់មជ្ឈិមបូព៌ា៕
អត្ថបទ៖ សុខ សុវណ្ណ
ចុចអាន៖ អ៊ីស្រាអែល បិទស្ថានទូតនៅ ២៨ប្រទេស ខ្លាចអ៊ីរ៉ង់ សងសឹក ខណៈអាមេរិក បារម្ភផ្ទុះសង្គ្រាមធំ
សម្ដេចធិបតី ឱ្យក្រសួងធម្មការគ្រប់គ្រង អ្នកអួតខ្លួនថាមានបារមី និងយកសាសសនាឆបោកលុយ
នាយករដ្ឋមន្ត្រីបញ្ជាឱ្យក្រសួងសុខាភិបាលត្រៀមអន្តរាគមន៍បន្ទាន់ក្នុងករណីផ្ទុះកូវីដឡើងវិញ
សម្ដេច ហ៊ុន ម៉ាណែត ឱ្យសិក្សាដាក់ឧបករណ៍ការពាររន្ទះនៅតាមរមណីយដ្ឋានទេសចរណ៍ ពិសេសតំបន់អង្គរ
នាយករដ្ឋមន្ត្រី ថា កិច្ចចរចាជុំទី១ពាក់ព័ន្ធពន្ធបដិការ គ្រាន់ជាជំហានចាប់ផ្ដើម ដើម្បីបង្ហាញជំហរ
ត្រូវគេហាមមិនឲ្យរកលុយពីសិល្បៈ ៧ឆ្នាំ ប៉ុន្តែនាង Fan Bingbing នៅតែរស់យ៉ាងរំភើយ ពីចំណូលខ្ទង់លានដុល្លារ
កូរ៉េខាងជើង យកតង់បាំងនាវាចម្បាំងដែលលិច
ធ្លាក់យន្តហោះនៅ San Diego រដ្ឋកាលីហ្វ័រញ៉ា សម្លាប់មនុស្ស៦នាក់រួមទាំងតន្ត្រីករល្បី
រដ្ឋមន្ត្រីការពារជាតិថៃ ព្រមានពីហានិភ័យ ផ្ទុះរដ្ឋប្រហារថ្មីទៀត
អាកាសយានដ្ឋានអន្តរជាតិតេជោ លើកពេលបើកដំណើរការទៅដើមខែកញ្ញា
នគរបាលកម្ពុជាកំពុងកសាងនីតិវិធីសហការជាមួយថៃចាប់ខ្លួនសកម្មជនប្រឆាំងម្នាក់
-
ចរាចរណ៍៦ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម៤ ថ្ងៃ agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
សន្តិសុខសង្គម២ ថ្ងៃ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ចរាចរណ៍១ សប្តាហ៍ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
ព័ត៌មានជាតិ៣ ថ្ងៃ agoអតីតភិក្ខុសង្ឃល្បីឈ្មោះ៥រូប កំពុងកាន់តំណែងជាន់ខ្ពស់ក្នុងស្ថាប័នរដ្ឋ
-
ព័ត៌មានជាតិ៥ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
សន្តិសុខសង្គម៣ ថ្ងៃ agoកម្មករ-កម្មការិនីរោងចក្រប្រមាណ ២៥០ នាក់ តវ៉ាបិទផ្លូវ ២១៧ ខណ្ឌដង្កោ ដោយសំណូមពរ ៥ ចំណុច
-
កីឡា១ សប្តាហ៍ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក