ព័ត៌មានអន្ដរជាតិ
WHO ៖ ២ ថ្ងៃទៀត មន្ទីរពេទ្យនៅភាគខាងត្បូងហ្គាហ្សា នឹងអស់ប្រេងចាក់
ប្រេងឥន្ធនៈដែលទីភ្នាក់ងារសុខភាពរបស់អង្គការសហប្រជាជាតិ (UN) រំពឹងនឹងអនុញ្ញាតឲ្យបញ្ជូនចូលទៅភាគខាងត្បូងនៃតំបន់ហ្គាហ្សាត្រូវបានរារាំង ដែលនឹងធ្វើឲ្យមន្ទីរពេទ្យនៅតំបន់មួយនេះអស់ប្រេងប្រើក្នុងរយៈពេល ២ ថ្ងៃទៀត ។នេះបើយោងតាមការចេញផ្សាយរបស់សារព័ត៌មាន Al Jazeera កាលពីថ្ងៃទី៩ ខែឧសភាកន្លងទៅ ។
ប្រធានអង្គការសុខភាពពិភពលោក (WHO) បានចេញការព្រមានបែបនេះ បន្ទាប់ពីកងកម្លាំងអ៊ីស្រាអែលដណ្តើមគ្រប់គ្រងច្រកព្រំដែន Rafah ដែលជាផ្លូវបញ្ជូនជំនួយដ៏សំខាន់ចូលទៅក្នុងទឹកដីប៉ាឡេស្ទីន ។
ការបិទច្រកព្រំដែននេះបន្តរារាំងអង្គការសហប្រជាជាតិពីការនាំយកប្រេងឥន្ធនៈ ខណៈបើគ្មានរបស់របរទាំងនេះទេប្រតិបត្តិការមនុស្សធម៌ទាំងអស់នឹងផ្អាកដំណើរការ ។ ការបិទព្រំដែនក៏កំពុងរារាំងការផ្តល់ជំនួយមនុស្សធម៌ទៅកាន់តំបន់ហ្គាហ្សាផងដែរ ដោយមន្ទីរពេទ្យនៅភាគខាងត្បូងនៅសល់ប្រេងប្រើប្រាស់តែ ២ ឬ ៣ ថ្ងៃទៀតប៉ុណ្ណោះ ។
គួរបញ្ជាក់ថា អ៊ីស្រាអែលបានគំរាមវាយប្រហារដ៏ធំមួយលើក្រុង Rafah ដើម្បីកម្ចាត់យុទ្ធជនហាម៉ាសរាប់ពាន់នាក់ ដែលសំងំលាក់ខ្លួននៅទីនោះ ប៉ុន្តែទីក្រុងនេះក៏ជាជម្រកសម្រាប់ជនជាតិប៉ាឡេស្ទីនជាង ១.៤ លាននាក់ដែលរត់បានភៀសខ្លួនចេញពីការប្រយុទ្ធគ្នានៅភាគខាងជើង ក្រោមការប្រាប់ឲ្យជម្លៀសជាមុនរបស់អ៊ីស្រាអែល ។
រហូតមកដល់ពេលនេះ ជាមធ្យមមានមនុស្ស ២០០ នាក់កំពុងសម្រុកចាកចេញពីទីក្រុងជាប់ព្រំដែនប្រទេសអេហ្ស៊ីបជារៀងរាល់ម៉ោង ហើយភាគច្រើនទៅកាន់ទីក្រុង Deir el-Balah ស្ថិតនៅភាគកណ្តាលតំបន់ហ្គាហ្សា និងទៅកាន់ទីក្រុង Khan Younis ភាគខាងត្បូង ៕
អត្ថបទ៖ ប៊ុន សុភាព
-
ព័ត៌មានជាតិ៤ ថ្ងៃ ago
ក្រោយជីកព្រែកហ្វូណនតេជោរួច វៀតណាមនឹងលែងមានឥទ្ធិពលមកលើវិស័យដឹកជញ្ជូនតាមផ្លូវទឹក
-
ព័ត៌មានជាតិ១ សប្តាហ៍ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
ព័ត៌មានជាតិ៤ ថ្ងៃ ago
កម្ពុជាប្តេជ្ញារក្សាគម្របព្រៃឈើឲ្យបាន ៦០% នៅត្រឹមឆ្នាំ ២០៥០
-
ព័ត៌មានអន្ដរជាតិ៤ ថ្ងៃ ago
នាយករដ្ឋមន្ត្រីស្លូវ៉ាគី កំពុងស៊ូទ្រាំជាមួយសេចក្តីស្លាប់ ក្នុងបន្ទប់សង្គ្រោះបន្ទាន់ ក្រោយការប៉ុនប៉ងធ្វើឃាត
-
ព័ត៌មានអន្ដរជាតិ៥ ថ្ងៃ ago
ស្លាប់២ របួស៣ ក្នុងករណីប្លន់រំដោះស្ដេចគ្រឿងញៀននៅបារាំង
-
ព័ត៌មានអន្ដរជាតិ១ សប្តាហ៍ ago
ហេតុផលនៅពីក្រោយ រុស្ស៊ី បញ្ចប់តំណែងរដ្ឋមន្ត្រីការពារជាតិ
-
ព័ត៌មានជាតិ២០ ម៉ោង ago
សម្ដេចតេជោ បញ្ជាឱ្យសមត្ថកិច្ចកម្ពុជា ចាប់ដៃវៀតណាមវែកមុខអ្នកចូលជេរសម្ដេច ព្រោះរឿងព្រែកជីកហ្វូណន
-
ព័ត៌មានជាតិ១ សប្តាហ៍ ago
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក