ព័ត៌មានអន្ដរជាតិ
UN៖ ការវាយប្រហាររបស់រុស្ស៊ីលើរោងចក្រថាមពលអ៊ុយក្រែន អាចបំពានច្បាប់មនុស្សធម៌
ស្ថាប័នឃ្លាំមើលរបស់អង្គការសហប្រជាជាតិ កាលពីថ្ងៃទី១៩ខែកញ្ញា បានប្រាប់ថា ប្រតិបត្តិការវាយប្រហារតាមផ្លូវអាកាសរបស់រុស្ស៊ីលើបណ្តាញថាមពលអ៊ុយក្រែន ប្រហែលជាបំពានច្បាប់មនុស្សធម៌អន្តរជាតិ ខណៈដែលប្រជាជនអ៊ុយក្រែនត្រៀមខ្លួនសម្រាប់រដូវរងាដ៏លំបាកបំផុតចាប់តាំងពីការឈ្លានពានពីក្រុងមូស្គូ។
ក្នុងអំឡុងពេលនៃការលុកលុយរបស់ខ្លួន រុស្ស៊ីបានបាញ់មីស៊ីល និងដ្រូនរាប់រយគ្រឿងនៅរោងចក្រផលិត បញ្ជូន និងចែកចាយអគ្គិសនីរបស់អ៊ុយក្រែន។ ការវាយប្រហារដ៏ធំលើកដំបូង បានកើតឡើងនៅរដូវស្លឹកឈើជ្រុះ និងរដូវរងាឆ្នាំ២០២២ ប៉ុន្មានខែបន្ទាប់ពីរុស្ស៊ីបានចាប់ផ្តើមការលុកលុយពេញលេញរបស់ខ្លួនលើអ៊ុយក្រែន។
រាល់ការវាយប្រហារម្ដងៗ បានធ្វើឲ្យទីក្រុងនានារបស់អ៊ុយក្រែនគ្មានថាមពលប្រើប្រាស់អស់រយៈពេលជាច្រើនម៉ោង ហើយជួនកាលអាចដល់រាប់សប្ដាហ៍ក៏មាន។
បេសកកម្មឃ្លាំមើលសិទ្ធិមនុស្សរបស់អង្គការសហប្រជាជាតិនៅអ៊ុយក្រែន (HRMMU) បានផ្តោតការយកចិត្តទុកដាក់លើរបាយការណ៍របស់ខ្លួនស្តីពីរលកនៃការវាយប្រហារចំនួន៩លើករបស់រុស្ស៊ីនៅចន្លោះខែមីនា និងខែសីហា ឆ្នាំ២០២៤។
របាយការណ៍របស់ HRMMU បានរៀបរាប់ថា៖ «មានហេតុផលសមស្របក្នុងការជឿថាទិដ្ឋភាពជាច្រើននៃយុទ្ធនាការយោធាដើម្បីធ្វើឲ្យខូចខាត ឬបំផ្លាញអគ្គិសនីស៊ីវិល ព្រមទាំងហេដ្ឋារចនាសម្ព័ន្ធបញ្ជូន និងផលិតកម្ដៅរបស់អ៊ុយក្រែន បានរំលោភលើគោលការណ៍គ្រឹះនៃច្បាប់មនុស្សធម៌អន្តរជាតិ»។
HRMMU បានបន្តថា ខ្លួនបានទៅទស្សនារោងចក្រថាមពលចំនួន៧ដែលត្រូវបានខូចខាត ឬបំផ្លាញដោយការវាយប្រហារ ក៏ដូចជាសហគមន៍ចំនួន២៨ ដែលរងផលប៉ះពាល់។
ទីក្រុងកៀវ បានបញ្ជាក់ថា ការកំណត់គោលដៅនៃប្រព័ន្ធថាមពលរបស់ខ្លួន គឺជាឧក្រិដ្ឋកម្មសង្រ្គាម ហើយតុលាការឧក្រិដ្ឋកម្មអន្តរជាតិ បានចេញដីកាចាប់ខ្លួនមន្ត្រី និងយោធារុស្ស៊ីចំនួន ៤នាក់ ពីបទទម្លាក់គ្រាប់បែកលើហេដ្ឋារចនាសម្ព័ន្ធថាមពលស៊ីវិល។
ទីក្រុងមូស្គូបានតបវិញថា ហេដ្ឋារចនាសម្ព័ន្ធថាមពលគឺជាគោលដៅយោធាស្របច្បាប់ ហើយបានច្រានចោលការចោទប្រកាន់ទៅលើមន្ត្រីរបស់ខ្លួន។
HRMMU បានបន្ថែមថា ការវាយប្រហារបង្កហានិភ័យដល់ការផ្គត់ផ្គង់ទឹករបស់ប្រទេសអ៊ុយក្រែន ប្រព័ន្ធទឹកសម្អុយ និងអនាម័យ ប្រព័ន្ធផ្តល់កម្ដៅ និងទឹកក្តៅ សុខភាពសាធារណៈ ការអប់រំ និងសេដ្ឋកិច្ចទាំងមូល។
HRMMU បានដកស្រង់សម្តីអ្នកជំនាញថា ប្រជាជនអ៊ុយក្រែនគួរតែត្រៀមទុកមុនថានឹងមានការដាច់ចរន្តអគ្គិសនីចន្លោះពី៤ទៅ១៨ម៉ោងជារៀងរាល់ថ្ងៃនារដូវរងាខាងមុខនេះ។
របាយការណ៍របស់ HRMMU ក៏បាននិយាយផងដែរថា ក្នុងអំឡុងរដូវក្តៅនៃឆ្នាំ២០២៤នេះ បញ្ហាទាក់ទងនឹងថាមពលគឺជាហេតុផលធំបំផុតទីពីរដែលបង្ខំឲ្យប្រជាជនអ៊ុយក្រែនធ្វើការភៀសខ្លួនចេញពីប្រទេស៕
ដោយ៖ ឈាង
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៥ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?