ព័ត៌មានអន្ដរជាតិ
បារាំង ចេញដីកាលើកទី២ ដើម្បីចាប់ខ្លួនអតីតមេដឹកនាំស៊ីរី
ចៅក្រមស៊ើបអង្កេតបារាំង បានចេញដីកាចាប់ខ្លួនអតីតមេដឹកនាំស៊ីរី លោក Bashar al-Assad ពាក់ព័ន្ធនឹងឧក្រិដ្ឋកម្មសង្គ្រាម ជាពិសេសការបើកការវាយប្រហារដោយចេតនាលើជនស៊ីវិល។
យោងតាមសារព័ត៌មានបារាំង LeMonde ដីកានេះត្រូវបានដាក់ចេញនៅថ្ងៃទី២០ខែមករា ដែលជាផ្នែកមួយនៃការស៊ើបអង្កេតលើករណីលោក Salah Abou Nabour ជាជនជាតិបារាំងកាត់ស៊ីរី ដែលត្រូវបានសម្លាប់កាលពីថ្ងៃទី៧ខែមិថុនាឆ្នាំ២០១៧ ក្នុងការទម្លាក់គ្រាប់បែកមួយនៅប្រទេសស៊ីរី។
នេះជាដីកាចាប់ខ្លួនលើកទីពីរ ដែលចេញដោយចៅក្រមបារាំង សម្រាប់អតីតមេដឹកនាំស៊ីរី ដែលត្រូវបានផ្ដួលរំលំនៅដើមខែធ្នូឆ្នាំ២០២៤ ដោយកងកម្លាំងបះបោរដឹកនាំដោយក្រុមអ៊ីស្លាមនិយម Hayat Tahrir al-Sham (HTS)។
នៅខែវិច្ឆិកាឆ្នាំ២០២៣ ចៅក្រមបារាំងបានចេញដីកាដំបូងប្រឆាំងនឹងលោក Bashar al-Assad លើការចោទប្រកាន់ពីបទសមគំនិតក្នុងឧក្រិដ្ឋកម្មប្រឆាំងមនុស្សជាតិ និងឧក្រិដ្ឋកម្មសង្គ្រាម បន្ទាប់ពីមានការស៊ើបអង្កេតរបស់បារាំងលើការវាយប្រហារដោយគីមីនៅក្រុង Douma និងស្រុក Ghouta ភាគខាងកើតក្នុងខែសីហាឆ្នាំ២០១៣ ដែលបានសម្លាប់មនុស្សជាង ១ពាន់នាក់។
កន្លងមក រដ្ឋាភិបាលរបស់លោក Assad បានបដិសេធមិនប្រើប្រាស់អាវុធគីមីប្រឆាំងនឹងគូប្រជែងរបស់ខ្លួន ក្នុងសង្គ្រាមស៊ីវិល ដែលបានផ្ទុះឡើងក្នុងខែមីនាឆ្នាំ២០១១ឡើយ៕
ដោយ៖ ឈាង
ចុចអាន៖ លោក Assad ប្រាប់ថា លោកចង់បន្តប្រយុទ្ធ ណាស់តែរុស្ស៊ីជម្លៀសខ្លួនរូបលោកចេញទេ
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ