ព័ត៌មានអន្ដរជាតិ

រញ្ជួយដីកម្រិត ៦.៥រ៉ិចទ័រ នៅប៉ាពូអាស៊ីនូវែលហ្គីណេ បង្ករំញ័រដល់ថៃនិងមីយ៉ាន់ម៉ា

បានផុស

១ year មុន

នៅ

ថ្ងៃពុធ ២១ ឧសភា ២០២៥

ដោយ

នាយកដ្ឋានអង្កេតការរញ្ជួយដីនៃនាយកដ្ឋានឧតុនិយមថៃ បានរាយការណ៍ពីការរញ្ជួយដីដ៏ខ្លាំងនៅប្រទេសប៉ាពូអាស៊ីនូវែលហ្គីណេ កាលពីយប់ថ្ងៃអង្គារ បង្កឲ្យមានរំញ័រតិចតួចនៅក្នុងប្រទេសថៃនិងប្រទេសមីយ៉ាន់ម៉ា ប៉ុន្តែមិនមានផលប៉ះពាល់ផ្ទាល់ដល់ប្រទេសថៃនោះទេ។ នេះបើយោងតាមការចេញផ្សាយរបស់សារព័ត៌មាន The Nation នៅថ្ងៃទី២១ខែឧសភានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រោះរញ្ជួយដីនេះបានកើតឡើងនៅវេលាម៉ោង ១០ និង ០៦នាទីយប់ (ម៉ោងនៅប្រទេសថៃ) នៅថ្ងៃអង្គារនេះ ជាមួយនឹងកម្លាំង ៦.៥ រ៉ិចទ័រនិងជម្រៅ ១០គីឡូម៉ែត្រ។ ការរញ្ជួយដីនេះបានកើតឡើងប្រហែល ៥,២៦៨ គីឡូម៉ែត្រពីទីក្រុងបាងកក ហើយមិនប៉ះពាល់ដល់ប្រទេសថៃដោយផ្ទាល់ និងមិនមានការគំរាមកំហែងពីរលកយក្សស៊ូណាមិពាក់ព័ន្ធនឹងការរញ្ជួយដីនេះទេ ។

ទោះយ៉ាងណានាយកដ្ឋានក៏បានរាយការណ៍ផងដែរអំពីការរញ្ជួយដីកម្រិតស្រាលសរុបចំនួនប្រាំពីរដែលបានកត់ត្រានៅក្នុងប្រទេសមីយ៉ាន់ម៉ា និងភាគខាងជើងប្រទេសថៃក្នុងរយៈពេល ២៤ ម៉ោងកន្លងមក ដែលមានកម្រិតចាប់ពី ២.១ ដល់ ៣.៩រ៉ិចទ័រ ក្នុងខេត្ត Mae Hong Son។

មកដល់ពេលនេះមិនទាន់មានរបាយការណ៍ អំពីការខូចខាត ឬរបួសពីការរញ្ជួយដីទាំងនៅប្រទេសប៉ាពូអាស៊ីនូវែលហ្គីណេ ប្រទេសថៃ និង ប្រទេសមីយ៉ាន់ម៉ា នាពេលថ្មីៗនេះទេ។

អាជ្ញាធរថៃកំពុងតាមដានស្ថានការណ៍យ៉ាងដិតដល់ និងបានណែនាំដល់ប្រជាពលរដ្ឋនៅតំបន់នោះឱ្យមានការប្រុងប្រយ័ត្ន និងត្រៀមខ្លួនសម្រាប់ការវិវឌ្ឍបន្ថែមទៀត៕