ព័ត៌មានអន្ដរជាតិ

ត្រាំ ទាមទារឲ្យអ៊ីស្រាអែលលុបចោលការកាត់ក្តីពុករលួយលើលោក ណេតាន់យ៉ាហ៊ូ

បានផុស

១ year មុន

នៅ

ថ្ងៃព្រហស្បតិ៍ ២៦ មិថុនា ២០២៥

ដោយ

Chheang

ប្រធានាធិបតីអាមេរិក ដូណាល់ ត្រាំ បានអំពាវនាវឲ្យអ៊ីស្រាអែលលុបចោលជាបន្ទាន់ ឬឲ្យប្រធានាធិបតីអ៊ីស្រាអែល Isaac Herzog លើកលែងទោស ពាក់ព័ន្ធនឹងការកាត់ក្តីអំពើពុករលួយដែលកំពុងបន្តរបស់នាយករដ្ឋមន្ត្រី បេនចាមីន ណេតាន់យ៉ាហ៊ូ ដោយចាត់ទុកថា ការចោទនេះមានការជំរុញពីផ្នែកនយោបាយ។

លោក ដូណាល់ ត្រាំ និងលោក បេនចាមីន ណេតាន់យ៉ាហ៊ូ (រូបថត៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការបង្ហោះកាលពីថ្ងៃទី២៥មិថុនានៅលើ Truth Social លោក ត្រាំ បានហៅលោក ណេតាន់យ៉ាហ៊ូ ថាជា«វីរបុរសដ៏អស្ចារ្យ» និង«អ្នកចម្បាំង» ហើយបាននិយាយថា «ការកាត់ក្តីរបស់ Bibi Netanyahu គួរតែត្រូវបានលុបចោលភ្លាមៗ ឬការលើកលែងទោសដល់វីរបុរសដ៏អស្ចារ្យ ដែលបានធ្វើយ៉ាងច្រើនសម្រាប់រដ្ឋ (អ៊ីស្រាអែល)»។ លោកបានបន្ថែមថា «វាគឺជាសហរដ្ឋអាមេរិកដែលបានជួយសង្គ្រោះអ៊ីស្រាអែល ហើយឥឡូវនេះវានឹងក្លាយទៅជាសហរដ្ឋអាមេរិកដែលជួយសង្គ្រោះ Bibi Netanyahu»។

លោក ណេតាន់យ៉ាហ៊ូ ដែលត្រូវបានចោទប្រកាន់ក្នុងឆ្នាំ២០១៩ ពីបទស៊ីសំណូក ការក្លែងបន្លំ និងការរំលោភលើទំនុកចិត្ត បានអះអាងថា លោកមិនមានកំហុសទេ។ សវនាការបានឈានចូលដល់ដំណាក់កាលសួរដេញដោលនាថ្ងៃទី៣ខែមិថុនា ដោយដំណើរការរំពឹងថានឹងបន្តប្រមាណមួយឆ្នាំទៀត។

យ៉ាងណាក៏ដោយ លោកប្រធានាធិបតីអ៊ីស្រាអែល Herzog ដែលជាអ្នកមានសិទ្ធិផ្ដល់ការលើកលែងទោស បានថ្លែងថា គ្មានការស្នើសុំលើកលែងទោសត្រូវបានធ្វើឡើងទេ ហើយការលើកលែងទោសនេះមិនស្ថិតក្រោមការពិចារណានោះឡើយ។

អន្តរាគមន៍របស់លោក ត្រាំ គឺជាករណីដ៏កម្រមួយរបស់មេដឹកនាំអាមេរិក ក្នុងការរិះគន់លើដំណើរការផ្លូវច្បាប់របស់ស្ថាប័នតុលាការនៃសម្ព័ន្ធមិត្តជិតស្និទ្ធរបស់ខ្លួន៕

ដោយ៖ ឈាង