ព័ត៌មានអន្ដរជាតិ

សារព័ត៌មានល្បីៗផ្សាយថា ថៃបើកការបាញ់ប្រហារកម្ពុជា និងឆ្លងចូលទឹកដីកម្ពុជា

បានផុស

១១ ខែ មុន

នៅ

ថ្ងៃព្រហស្បតិ៍ ២៤ កក្កដា ២០២៥

ដោយ

សារព័ត៌មានអន្តរជាតិសំខាន់ៗនៅលើពិភពលោក បានផ្សាយពីការបើកប្រតិបត្តិការវាយប្រហាររបស់យោធាថៃមកលើកងទ័ពកម្ពុជា នៅថ្ងៃទី២៤ខែកក្កដានេះ បន្ទាប់ពីប្រកាសហៅឯកអគ្គរាជទូតរបស់រដ្ឋាភិបាលចាំផ្ទះរបស់ថៃ និង ការបង្កហេតុរបស់យោធាថៃដោយការរាយលួសបន្លា ប៉ុងបិទប្រសាទតាមាន់ធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទូរទស្សន៍ដ៏ល្បីរបស់អាមេរិក CNN បានចេញផ្សាយ នៅថ្ងៃទី២៤ ខែកក្កដា នេះ បានដាក់ចំណងជើងធំៗថា «ប្រទេសថៃបើកការវាយប្រហារពីលើអាកាសមកលើគោលដៅយោធារបស់កម្ពុជាក្នុងជម្លោះព្រំដែន»។

សារព័ត៌មានអាមេរិកនេះ បានរាយការណ៍ថា ថៃបានបើកការវាយប្រហារតាមអាកាសប្រឆាំងនឹងគោលដៅយោធាកម្ពុជានៅតាមបណ្តោយព្រំដែនដែលមានជម្លោះយូរមកហើយដែលបង្កើនភាពតានតឹងរវាងប្រទេសជិតខាងអាស៊ីអាគ្នេយ៍។

ចំណែកសារព័ត Al Jaazeera បានផ្សាយថា ដោយដាក់ចំណងជើងធំៗថា «ថៃបានបាញ់ប្រហារតាមផ្លូវអាកាសលើកម្ពុជា ពេលដែលមានការប៉ះទង្គិចតាមព្រំដែនដ៏មរណៈកើនឡើង»។

នៅក្នុងសេចក្តីរាយការណ៍នោះ យន្តហោះចម្បាំង F-16 របស់ថៃបានទម្លាក់គ្រាប់បែកលើគោលដៅនានាក្នុងប្រទេសកម្ពុជា ខណៈដែលជម្លោះព្រំដែនកំពុងផ្ទុះឡើងយ៉ាងឆាប់រហ័ស ឈានទៅដល់ការប៉ះទង្គិចគ្នាយ៉ាងខ្លាំងក្លា ការទម្លាក់គ្រាប់បែក និងការបាញ់ផ្លោង ដែលបានសម្លាប់ជនស៊ីវិលយ៉ាងតិចប្រាំបួននាក់នៅក្នុងប្រទេសថៃ។

សារព័ត៌មានអង់គ្លេស BBC វិញបានលើកឡើងថា កម្ពុជាគ្មានជម្រើសក្រៅពីឆ្លើយតបទេ ដោយយោងទៅលើសំណេររបស់សម្តេចបវរធិបតី ហ៊ុន ម៉ាណែត។

សារព័ត៌មាន The Guardian នៃប្រទេសអង់គ្លេសវិញ បានលើកឡើងថា ទាហានថៃបានឆ្លងចូលក្នុងទឹកដីកម្ពុជាមុន ដោយជំរុញឱ្យមានការឆ្លើយតបការពាររបស់កងទ័ពកម្ពុជា។ កម្ពុជាបានហៅការវាយប្រហារតាមអាកាសរបស់ថៃថាជា«ការឈ្លានពានខាងយោធាដោយមិនញញើត»៕