ព័ត៌មានអន្ដរជាតិ
ផ្ទុះបាតុកម្មនៅបាងកក ប្រឆាំងការក្រាញននៀលអំណាចរបស់បក្ស ភឿថៃ
កាលពីថ្ងៃអាទិត្យទី៣១ខែសីហាឆ្នាំ២០២៥ មនុស្សរាប់រយនាក់បានធ្វើបាតុកម្ម ប្រឆាំងនឹងគណបក្សភឿថៃ ដែលមានបំណងបង្កើតរដ្ឋាភិបាលថ្មី ហើយនៅតែក្រាញននៀលនឹងអំណាច។
តាមការផ្សាយរបស់ Nation, បាតុកម្មនេះធ្វើឡើងនៅវិមានជ័យជម្នះក្នុងទីក្រុងបាងកក ដែលមានលោក ភីឈិត ឆៃមង្គល ជាអ្នកដឹកនាំ។
បាតុករបានស្រែកប្រឆាំងនិងរិះគន់គណបក្សនេះ ដែលកំពុងចរចាជាមួយគណបក្សប្រជាជនថៃ ក្នុងការបញ្ចុះបញ្ចូលឲ្យបេក្ខជនគណបក្សភឿថៃ ឆៃកាសេម នីតិសិរី ដើម្បីទទួលបានសំឡេងគាំទ្រគ្រប់គ្រាន់ ក្លាយជានាយករដ្ឋមន្ត្រីថ្មី ក្រោយតុលាការធម្មនុញ្ញ សម្រេចដកតំណែង ផែថងថាន ស៊ីណាវ៉ាត្រ។
លោកភីឈិត ប្រាប់ទៅក្រុមអ្នកតវ៉ាថា បក្សភឿថៃនិយាយបានតែមាត់ប៉ុណ្ណោះ រឿងដែលថានឹងរំលាយសភាក្រោយការធ្វើប្រជាមតិ ព្រោះបក្សនេះតែងតែក្បត់សន្យារហូត ហើយបើសភាត្រូវរំលាយមែន បក្សភឿថៃនិងបក្សប្រជាជននៅតែអាចបង្កើតរដ្ឋាភិបាលថ្មីដដែល អ៊ីចឹងវានៅតែស្ថិតក្រោមឥទ្ធិពលរបស់ ថាក់ស៊ីន ដដែល។
កាលពីថ្ងៃសៅរ៍ គណបក្សប្រជាជនថៃ បានដាក់ការតថ្លៃអំណាចចុងក្រោយជាមួយគណបក្សដែលនៅមានសិទ្ធិតែងតាំងបេក្ខជនសម្រាប់តំណែងនាយករដ្ឋមន្ត្រី ដោយដាក់ការទាមទារដាច់ខាត គឺ «ត្រូវរំលាយសភានិងធ្វើប្រជាមតិធ្វើវិសោធនកម្មរដ្ឋធម្មនុញ្ញ» ជាថ្នូរបោះឆ្នោតគាំទ្របេក្ខជននាយករដ្ឋមន្ត្រីឲ្យឡើងកាន់អំណាច ទោះបីក្នុងរយៈពេលខ្លីក៏ដោយ។
លោក Thanathorn Juangroongruangkit មេបក្សប្រជាជន សារភាពថា លោកបានជួបជាមួយ ថាក់ស៊ីននៅព្រឹកថ្ងៃសៅរ៍ ដោយក្នុងជំនួបនោះ លោកអះអាងថា លោកថាក់ស៊ីនចង់ពិគ្រោះជាមួយលោកថាតើបក្សប្រជាជននឹងបោះឆ្នោតគាំទ្រ ឆៃកាសេម នីតិសិរី ជានាយករដ្ឋមន្ត្រីមកពីគណបក្សភឿថៃដែរឬទេ។
លោក Thanathorn និយាយថា៖«លោកបានប្រាប់ ថាក់ស៊ីនថា គណបក្សប្រជាជនមានជំហរច្បាស់លាស់លើបញ្ហានេះ ហើយពួកគេបានប្រកាសវាអស់រយៈពេលពីរខែមកហើយ។ លក្ខខណ្ឌសម្រាប់គាំទ្របេក្ខជននាយករដ្ឋមន្ត្រីណាមួយគឺត្រូវរំលាយសភាក្នុងរយៈពេលបួនខែនិងធ្វើប្រជាមតិដើម្បីធ្វើវិសោធនកម្មរដ្ឋធម្មនុញ្ញ»។
សូមជម្រាបថា បក្សប្រជាជនត្រូវបានបង្កើតឡើងពីការប្រមូលផ្តុំតំណាងរាស្រ្តនៃគណបក្សឆ្ពោះទៅមុខ ដែលត្រូវរំលាយដោយតុលាការធម្មនុញ្ញកាលខែសីហាឆ្នាំ២០២៤។
គណបក្សឆ្ពោះទៅមុខ បានឈ្នះការបោះឆ្នោតកាលពីខែឧសភាឆ្នាំ២០២៣ ប៉ុន្តែមេបក្ស លោក ភីថា លឹមចារើនរ៉ាត បានរងបណ្តឹងជាច្រើន និង ត្រូវបានរារាំងមិនឲ្យឡើងជានាយករដ្ឋមន្ត្រី ដោយសារសមាជិកព្រឹទ្ធសភាបោះឆ្នោតប្រឆាំងគាត់ ព្រោះតែការប៉ុនប៉ងធ្វើវិសោធនកម្មរដ្ឋធម្មនុញ្ញ ដើម្បីបន្ថយអំណាចក្សត្រ និង ការដកអំណាចយោធពីការជាប់ពាក់ព័ន្ធនយោបាយ៕
អត្ថបទ៖ សុខ សុវណ្ណ
ចុចអាន៖ ខ្សែស៊ីណាវ៉ាត្ររបស់លោក ថាក់ស៊ីន ត្រូវគេដកចេញពីរដ្ឋាភិបាលថៃចំនួន៥លើក
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ