ស្អែកនេះ កម្ពុជា នឹងមើលឃើញបាតុភូតចន្ទ្រគ្រាស «ព្រះចន្ទឈាម» ដ៏កម្រ

នៅរាត្រីថ្ងៃអាទិត្យទី៧ខែកញ្ញាឆ្នាំ២០២៥ ស្អែកនេះ ប្រទេសកម្ពុជា ក៏នឹងមើលឃើញបាតុភូតដ៏កម្រ ចន្ទ្រគ្រាសពេញវង់ ដែលគេហៅថា «ព្រះចន្ទឈាម» Blood Moon Lunar Eclipse ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមគេហទំព័រ Space, បាតុភូតនេះកើតឡើងនៅពេល ផែនដីធ្វើដំណើរទៅស្ថិតនៅចន្លោះព្រះអាទិត្យនិងព្រះចន្ទ ដោយបាំងស្រមោលរបស់វាទាំងស្រុងទៅលើព្រះចន្ទ។

ក្នុងអំឡុងពេលចន្ទ្រគ្រាសពេញវង់ ព្រះចន្ទនឹងមើលទៅមានពណ៌ក្រហម ឬពណ៌លឿងទុំ ដែលធ្វើឲ្យវាត្រូវបានគេហៅថា Blood Moon ឬ ព្រះចន្ទឈាម។ 

សម្រាប់ព្រឹត្តិការណ៍នេះ កម្ពុជាក៏អាចមើលឃើញដែរនៅថ្ងៃស្អែក ពោលគឺអាចកើតឡើងចន្លោះម៉ោង១១:៣០នាទីយប់ ដល់ម៉ោង៣ព្រឹក ឈានចូលថ្ងៃចន្ទ។

ទោះបីជាយ៉ាងណាក៏ដោយ ដោយសារតែប៉ុន្មានថ្ងៃមកនេះ មានភ្លៀងធ្លាក់ជាប់ ព្រោះតែឥទ្ធិពលព្យុះ គេមិនដឹងថា តើនៅរាត្រីថ្ងៃអាទិត្យ អាកាសធាតុនឹងអំណោយផល សម្រាប់ការមើលចន្ទ្រគ្រាសនេះដែរឬក៏អត់នោះទេ។

ក្រៅពីកម្ពុជា ប្រទេសផ្សេងទៀតនៅតំបន់អាស៊ី ក៏អាចមើលឃើញបាតុភូត «ព្រះចន្ទឈាម» នេះដែរ ប៉ុន្តែតំបន់ដែលអាចទស្សនាព្រឹត្តិការណ៍នេះបានយ៉ាងល្អឥតខ្ចោះគឺនៅអាហ្វ្រិក មជ្ឈិមបូព៌ា និងភាគខាងលិចប្រទេសអូស្រ្តាលី។

ដ្បិតតែក្រុមអ្នកវិទ្យាសាស្រ្តអះអាងថា វាជាព្រឹត្តិការណ៍កម្រ ប៉ុន្តែតាមពិតទៅ អ្នកនឹងមិនត្រូវរង់ចាំយូរប៉ុន្មានទេដើម្បីទស្សនា «ព្រះចន្ទឈាម» ម្តងទៀត ព្រោះវានឹងកើតឡើងជាថ្មីនៅ ៨-៩ឆ្នាំក្រោយ៕

អត្ថបទ៖ សុខ សុវណ្ណ

ចុចអាន៖ កម្ពុជា នឹងជួបបាតុភូតតារាសាស្រ្តដ៏ទាក់ទាញមួយ នាឆ្នាំក្រោយ