ព័ត៌មានអន្ដរជាតិ

ថ្ងៃកម្ពុជា បើកស៊ីហ្គេម ចំថ្ងៃ ពិភពលោក កើតបាតុភូតចន្ទ្រគ្រាស

បានផុស

២ years មុន

នៅ

ថ្ងៃចន្ទ ២៤ មេសា ២០២៣

ដោយ

កាលពីថ្ងៃទី២០ខែមេសា បាតុភូតសូរ្យគ្រាសកូនកាត់ដ៏កម្រ បានបង្ហាញខ្លួនធ្វើឲ្យពិភពលោកភ្ញាក់ផ្អើលយ៉ាងខ្លាំង ជាពិសេសអ្នកនៅតំបន់ដាច់ស្រយាល Exmouth ក្នុងប្រទេសអូស្រ្តាលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីព្រឹត្តការណ៍នោះ ក្រុមអ្នកវិទ្យសាស្រ្តបានបញ្ជាក់ថា ចន្ទ្រគ្រាស Penumbral នឹងចូលខ្លួនមកបង្ហាញឲ្យពិភពលោកឃើញវិញម្តង នៅថ្ងៃទី០៥ខែឧសភា ពោលគឺចំថ្ងៃដែលប្រទេសកម្ពុជា បើកព្រឹត្តិការណ៍កីឡាស៊ីហ្គេមជាផ្លូវការតែម្តង។

អ្នកនៅអឺរ៉ុបខាងកើត មជ្ឈិមបូព៌ា អាហ្រ្វិក អាស៊ី អូស្ត្រាលី នូវែលសេឡង់ អង់តាក់ទិក មហាសមុទ្រអាត្លង់ទិកខាងត្បូង មហាសមុទ្រឥណ្ឌា និងមហាសមុទ្រប៉ាស៊ីហ្វិក នឹងមើលឃើញចន្ទ្រគ្រាសនេះ។

ទោះបីជាយ៉ាងណាក៏ដោយ នៅរាជធានីភ្នំពេញ ប្រហែលជាមិនអាចមើលឃើញចន្ទ្រគ្រាសនេះទេ។

គួរបញ្ជាក់ថា ប្រទេសកម្ពុជា នឹងរៀបចំការប្រកួតព្រឹត្តិការណ៍កីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ដែលនឹងចាប់ផ្តើមបើកជាផ្លូវការនាថ្ងៃទី៥ ខែឧសភា ក្នុងពហុកីឡដ្ឋានជាតិមរតកតេជោ។

ក្នុងព្រឹត្តិការណ៍លើកនេះផងដែរ កម្ពុជាបានកំពុងធ្វើរឿងដ៏អស្ចារ្យ៣យ៉ាងឲ្យអន្តរជាតិស្ងើចសរសើរនោះគឺ ១.អ្នកគាំទ្រជាតិ និងអន្តរជាតិចូលទស្សនាដោយឥតគិតថ្លៃ ២.មិនយកតម្លៃសិទ្ធិការផ្សព្វផ្សាយ ការផ្សាយផ្ទាល់ និងការផ្សាយបន្តផ្ទាល់ និង៣.មិនយកតម្លៃលើការស្នាក់នៅ ម្ហូបអាហារ និងការធ្វើដំណើរ ពីអត្តពលិក និងប្រតិភូកីឡាអន្តរជាតិដែលចូលរួម៕

អត្ថបទ៖ Vann Vann

ចុចអាន៖ ក្រោយសូរ្យគ្រាសកូនកាត់កន្លងផុត ពិភពលោកនឹងជួបចន្ទ្រគ្រាស Penumbral វិញម្តង