តើមេភូមិភាគ១ថ្មីរបស់ថៃ ជានរណា?

កាលពីសប្តាហ៍មុន ប្រទេសថៃ បានធ្វើការរុះរើយោធាប្រចាំឆ្នាំជាផ្លូវការ ហើយក្នុងនោះបុគ្គលដែលត្រូវឡើងឋានៈចូលកាន់តំណែងជាមេយោធភូមិភាគ១ ជាផ្លូវការចាប់ពីថ្ងៃទី១ខែតុលាទៅគឺឧត្តមសេនីយ៍ឯក Worayos Lueangsuwann។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Worayos នឹងត្រូវទទួលបន្ទុកមើលការខុសត្រូវសន្តិសុខនៅទីក្រុងបាងកក និងខេត្តភាគកណ្តាលឈៀងខាងលិចប្រទេស រួមទាំងខេត្តដែលមានព្រំដែនជាប់កម្ពុជាផងដែរ។

ដូច្នេះតើលោក Worayos មានជានរណា?

ដ្បិតប្រវត្តិរបស់លោកមិនត្រូវបានគេផ្សព្វផ្សាយឲ្យទូលំទូលាយក៏ដោយ ប៉ុន្តែគេដឹងថា Worayos គឺជាមន្ត្រីយោធាជាន់ខ្ពស់ចាស់វស្សា នៅក្នុងជួរកងទ័ពភូមិន្ទថៃ។ លោកបានបញ្ចប់ការសិក្សាពីសាលានាយទាហានជាន់ខ្ពស់ Chulachomklao Royal Military Academy ជំនាន់ទី២៥។

បន្តការសិក្សានៅរាជបណ្ឌិត្យសភាយោធាចលចោមក្រឡ (CRMA) ក្នុងជួរកងទ័ពរហូតដល់បញ្ចប់ថ្នាក់នាយទាហានទ័ពជើងគោក និងចូលបម្រើការងារជាមន្ត្រីរាជការ។ រួចមក លោកបានបញ្ចប់វគ្គបណ្តុះបណ្តាលនៅមហាវិទ្យាល័យការពារជាតិ (NDC) ជំនាន់ទី៦៦ក្នុងឆ្នាំ២០២៣។

លោកធ្លាប់កាន់តំណែងជាប្រធានផ្នែកសេនាធិការ នាយករងនៃបញ្ជាការកងទ័ពពិសេស និងតំណែងបញ្ជាការដទៃទៀត មុននឹងឡើងមកកាន់តំណែងជាមេបញ្ជាការកងបញ្ជាការសង្គ្រាមពិសេស រួចក៏ក្លាយជាមេយោធភូមិភាគ១។

លោកចេញមកពីក្រុម វង្សទេវ័ន (Wongthewan) ដែលជាឆ្មាំការពារព្រះមហាក្សត្រ ហើយក៏មានទំនាក់ទំនងជាមួយ ខដេង (Kho Daeng) ដែលជាក្រុមមានការគាំទ្រពីសែរាជវង្សផងដែរ។ ដូច្នេះមានន័យថា បុគ្គលម្នាក់នេះ មានទំនាក់ទំនងយ៉ាងជិតស្និទ្ធិជាមួយសែរាជវង្សថៃ ឬអាចនិយាយបានថា ជាជំនិតរបស់ស្តេចថៃតែម្តង។

សូមជម្រាបថា Worayos នឹងត្រូវចូលជំនួសតំណែងរបស់លោក Amarit Boonsuya ហើយអាណត្តិរបស់លោក Worayos នឹងចប់នៅឆ្នាំ២០៣០៕

អត្ថបទ៖ សុខ សុវណ្ណ

ចុចអាន៖ ក្ដៅៗ! ថៃ​បង្ហាញ​មុខ​មេភូមិភាគ​ថ្មីទាំង​៤រូប