សុខភាព

សូមស្វែងយល់ អំពីជំងឺមេរោគ(អេលីកូបាក់ទែ)ក្នុងក្រពះ!

បានផុស

៦ years មុន

នៅ

ថ្ងៃចន្ទ ២៣ វិច្ឆិកា ២០២០

ដោយ

មេរោគក្នុងក្រពះ (Helicobacter Pylori or H.pylori) គឺជាមេរោគម្យ៉ាង ដែលស្ថិតនៅក្នុងក្រុម ក្រាមអវិជ្ជមាន (gram-negative) ហើយជាក្រុមមេរោគមួយប្រភេទ ដែលមានលទ្ធភាពអាចរស់នៅ ក្នុងទឹកអាស៊ីតក្រពះរបស់មនុស្សយើងបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ច្រើនជាង ៥០% នៃប្រជាជនក្នុងពិភពលោក មានផ្ទុកមេរោគនេះ។ ហើយច្រើនជាង ៨០% អ្នកដែលមេរោគនេះ នៅក្នុងខ្លួន ឥតមានរោគសញ្ញា។ ការចម្លងរបស់មេរោគ H.pylori គឺមានឡើងតាមរយៈការហូបអាហារ ដែលមិនមានអនាម័យ និងតាមរយៈការប៉ះពាល់ជាមួយទឹកមាត់ និងលាមកអ្នកជំងឺ ផងដែរ។

ក) មេរោគ H.pylori នេះវាមានសមត្ថភាពពិសេសមួយ ដែលអាចបង្កឲ្យមានការបញ្ចេញជាតិអាស៊ីតក្រពះច្រើនលើសពីកម្រិតធម្មតានៃតម្រូវការប្រចាំថ្ងៃរបស់យើង ដែលអាចបណ្តាលឲ្យមានការលើសជាតិអាស៊ីតក្នុងក្រពះ, វិបត្តិនៃការរំលាយអាហារ, ជំងឺរលាកសាច់ក្រពះរ៉ាំរ៉ៃ, ជំងឺដំបៅក្រពះ និង ជំងឺមហារីកក្រពះ ផងដែរ ។

ខ) ការពិនិត្យ និង ស្វែងរកវត្តមាននៃ មេរោគ H.pylori នេះនៅលើគ្រប់អ្នកជំងឺ ដែលមានសញ្ញាឈឺក្រពះ គឺមានសារសំខាន់បំផុត ក្នុងការព្យាបាលអ្នកជំងឺក្រពះឲ្យមានប្រសិទ្ធិភាពកាន់តែខ្ពស់ និង ជួយអ្នកជំងឺដើម្បីការពារការវិវត្តន៍រ៉ាំរ៉ៃ និងមានសភាពធ្ងន់ធ្ងរនៃបញ្ហាក្រពះបាន។

គ) វិធីផ្សេងៗក្នុងការពិនិត្យមេរោគ H.pylori:

+ ធ្វើការយកទឹករំអិល និង វិភាគសាច់ក្រពះតាមរយៈ Fibroscopie gastrique (Anapath),

+ ធ្វើការវិភាគសាច់ក្រពះតាមរយះ Test rapide à l’Uréase,

+ ធ្វើការពិនិត្យលាមក (Stool Antigen test),

+ វិធីវិភាគតាមខ្យល់ដង្ហើម (test resporatoire à C13),

+ ការពិនិត្យរក Anticorp H.pylori នៅក្នុងឈាម ។