សុខភាព
លោកជំទាវ ឱ វណ្ណឌីន បដិសេធការប្រើឧបករណ៍តេស្តរហ័ស លើទឹកមាត់ រកកូវីដ១៩
លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានបដិសេធលើការប្រើប្រាស់ឧបករណ៍តេស្តរហ័ស ទឹកមាត់រកជំងឺកូវីដ១៩ និងចាត់ទុកការឃោសនាណាមួយលើការប្រើប្រាស់ឧបករណ៍នេះគឺខុសច្បាប់។
ការឆ្លើយតបរបស់លោកជំទាវ បែបនេះត្រូវបានធ្វើឡើងបន្ទាប់ពីមានបណ្តាញសង្គមមួយផ្សព្វផ្សាយពីការតេស្តរហ័សលើទឹកមាត់រកជំងឺកូវីដ១៩។ តាមរយៈបណ្តាញសង្គម Telegram លោកជំទាវបានសរសេរថា”ការផ្សាយបែបនេះគឺខុសច្បាប់ហើយណា”។
មានឧបករណ៍តេស្តរហ័សរកអង់ទីហ្សែនកូវិដ១៩ ចំនួន៤ប្រភេទ ដែលទទួលស្គាល់ និងអនុញ្ញាតឱ្យប្រើប្រាស់ ដោយក្រសួងសុខាភិបាល មានក្រុមហ៊ុន Abbott ផលិតឧបករណ៍តេស្ដរហ័សរកអង់ទីហ្សែនកូវីដ-១៩ ឈ្មោះ ABBOTT PANBIOTM COVID-19 Ag RAPID TEST DEVICE ក្រុមហ៊ុន Roche ផលិតឧបករណ៍តេស្ដរហ័សរក អង់ទីហ្សែនកូវីដ-១៩ ឈ្មោះ ROCHE SARS-CoV-2 Rapid Antigen Test 25T ក្រុមហ៊ុន SD Biosensor ផលិតឧបករណ៍តេស្ដរហ័សរកអង់ទីហ្សែនកូវីដ-១៩ ឈ្មោះ STANDARD Q COVID-19 Ag Test និងក្រុមហ៊ុន Phase Scientific ផលិតឧបករណ៍តេស្ដរហ័សរកអង់ទីហ្សែនកូវីដ-១៩ ឈ្មោះ INDICAID COVID-19 Rapid Antigen Test។
ជាមួយគ្នានេះ ក្រសួងសុខាភិបាល នឹងសិក្សាលើឧបករណ៍តេស្តរហ័សផ្សេងទៀត ដើម្បីផ្ដល់ការទទួលស្គាល់ និងការអនុញ្ញាតឧ្យមានការប្រើប្រាស់នៅកម្ពុជា ដោយផ្អែកលើគោលការណ៍ប្រសិទ្ធភាពខ្ពស់ សុវត្ថិភាព និងភាពងាយស្រួលក្នុងការប្រើប្រាស់ ភាពឆាប់រហ័សនៃការរកឃើញលទ្ធផល និងថ្លៃទាបសមរម្យ។
នៅដើមខែកក្កដានេះ ក្រសួងប្រៃសណីយ៍ និងទូរគមនាគមន៍ បានឱ្យដឹងថា នឹងនាំចូលឧបករណ៍តេស្តរហ័សអង់ទីហ្សែនកូវីដ-១៩ (Covid-19 rapid antigen test) ពីប្រទេសកូរ៉េ ដើម្បីចែកចាយបន្តក្នុងតម្លៃដើម ៣.៧ ដុល្លារ ក្នុងគោលដៅយកទៅប្រើប្រាស់ប៉ុណ្ណោះ ដើម្បីរារាំងការឆ្លងរាលដាលនៃជំងឺកូវីដ-១៩ និងរារាំងការផ្ទុះក្នុងសហគមន៍។
ក្រសួងនឹងលក់ឧបករណ៍ធ្វើតេស្តរហ័សរកជំងឺកូវីដ-១៩ដល់ស្ថាប័នណាដែលមានបុគ្គលិកធ្វើការកកកុញ ចាប់ពី១០០នាក់ឡើងទៅ និងស្ថាប័នណាដែលមានទីតាំងស្ថិតក្នុងតំបន់ហានិភ័យនៃការឆ្លងរាលដាលនៃជំងឺកូវីដ-១៩។ ចំណែកឯស្ថាប័នឯកជនដែលមានបុគ្គលិកធ្វើការក្រោម១០០នាក់ជាប្រចាំថ្ងៃ និងមិនស្ថិតក្នុងតំបន់រាលដាលខ្លាំងនៃជំងឺកូវីដ-១៩ ក្រសួងនឹងលក់ឧបករណ៍ធ្វើតេស្តរហ័សរកជំងឺកូវីដ-១៩ជូនតាមក្រោយ៕
-
សេដ្ឋកិច្ច៣ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ១ សប្តាហ៍ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ៩ ម៉ោង agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៣ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ២ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម១ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៣ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ១ សប្តាហ៍ agoព្រះសង្ឃថៃ សុគត កើនដល់ ១០អង្គហើយ ក្នុងហេតុការណ៍បុករះ បង្កឡើងដោយ កុមារមានបញ្ហាស្មារតី