សុខភាព

ធ្មេញងាប់ មានគ្រោះថ្នាក់នៅខាងក្នុងមាត់ បើប្រហែសអាចគ្រោះថ្នាក់បាន

បានផុស

៣ years មុន

នៅ

ថ្ងៃសុក្រ ២៧ សីហា ២០២១

ដោយ

វេជ្ជបណ្ឌិត Ajana Peerapanich មហាវិទ្យាល័យ Mahidol នៃមន្ទីរពេទ្យវេជ្ជសាស្ត្រ Mahidol បានបញ្ជាក់ថា បន្ថែមពីលើការពុកធ្មេញ ធ្មេញខូច ឬរង្គើ ដែលយើងគួរតែប្រយ័ត្ន នោះគឺធ្មេញងាប់នៅក្នុងមាត់របស់យើងដោយមិនដឹងខ្លួន។

តើធ្មេញងាប់គឺជាអ្វី?

ធ្មេញងាប់គឺជាធ្មេញដែលមិនមានសសៃឈាម សម្រាប់ចិញ្ចឹមនៅក្នុងបែហោងធ្មែញសរសៃប្រសាទ បណ្ដាលឲ្យកោសិកានៅក្នុងធ្មេញទៅជាងាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មូលហេតុដែលបណ្ដាលឲ្យធ្មេញងាប់

មកពីគ្រោះថ្នាក់ណាមួយ ដែលបណ្ដាលឲ្យធាតុបង្កជំងឺឈានទៅដល់បែហោងធ្មែញ ដែលបណ្ដាលឲ្យបណ្ដាញសរសៃប្រសាទធ្មេញរលាក និងទីបំផុតងាប់ដោយសារមូលហេតុដូចខាងក្រោម៖

-ការពុកធ្មេញរហូតដល់បណ្ដាញសរសៃប្រសាទ។

-ធ្មេញត្រូវបានប៉ះទង្គិចដោយចៃដន្យ ដែលបណ្ដាលឲ្យសរសៃឈាមចិញ្ចឹមធ្មេញហែក។

– ការប្រេះស្រាំ ដែលជាទូទៅចំពោះមនុស្សដែលចូលចិត្តញ៉ាំរបស់រឹងៗពិបាកទំពា។ ល។

ធ្មេញងាប់នឹងធ្វើឲ្យមានជំងឺអញ្ចាញធ្មេញធ្ងន់ធ្ងរ

រោគសញ្ញាដែលកើតឡើងនៅពេលធ្មេញងាប់ ធ្មេញប្រែជាងងឹត។ មានខ្ទុះនៅលើអញ្ចាញធ្មេញ អញ្ចាញធ្មេញហើម។ នៅពេលទំពា អាចនឹងឈឺឬខាំ ដែលបណ្ដាលមកពីការរលាកនៅជុំវិញធ្មេញ។ ជាពិសេសគឺមានអារម្មណ៍ស្រៀវធ្មេញញឹកញាប់។

គ្រោះថ្នាក់នៃធ្មេញងាប់ ប្រសិនបើធ្មេញងាប់ហើយមិនទទួលការព្យាបាលទេ ករណីពុកធ្មេញនឹងកាន់តែពិបាក។ ការឆ្លងមេរោគ ការឈឺចាប់ ហើមឬរលាយឆ្អឹងនៅចុងធ្មេញ នេះបណ្តាលឲ្យបាត់បង់ធ្មេញជាយថាហេតុ។

វិធីការពារធ្មេញងាប់

ពិនិត្យសុខភាពមាត់ធ្មេញរៀងរាល់ ៦ ខែម្ដង ដុសធ្មេញរបស់អ្នកឲ្យបានហ្មត់ចត់ជាមួយនឹងការប្រើខ្សែជាទៀងទាត់។ បញ្ហាទូទៅមួយក្នុងចំណោមអ្នកជំងឺ តែងតែមានការពុកធ្មេញនៅក្នុងប្រហោងធ្មេញ ដែលបណ្ដាលមកពីមិនបានដុសធ្មេញ។

ចៀសវាងទទួលទានអាហាររឹងៗ កាត់បន្ថយការប៉ះទង្គិចនៃការប្រេះធ្មេញ ដែលបណ្ដាលឲ្យធ្មេញងាប់។ ចៀសវាងអាហារដែលមានជាតិអាស៊ីដ ដូចជាអាហារជូរៗ ភេសជ្ជៈមានជាតិជូរជាដើម។ ល៕

ប្រែសម្រួល៖ សាង ស្រីល័ក្ខ

ចុចអាន៖ទម្លាប់ខុសមួយចំនួន ដែលមនុស្សមានទំនោរធ្វើ បន្ទាប់ពីដុសធ្មេញរួច

ចុចអាន៖កំពូលអាហារ ៤មុខឆ្ងាញ់ៗ តែអាចធ្វើឲ្យធ្មេញលឿងសាហាវ