សុខភាព

ដឹងខ្លួនថាមានទម្លាប់៤នេះឆាប់កែចេញភ្លាម បើមិនចង់អាយុខ្លី

បានផុស

២ years មុន

នៅ

ថ្ងៃសៅរ៍ ៥ តុលា ២០២៤

ដោយ

អាយុវែងជាអ្វីដែលមនុស្សគ្រប់គ្នាចង់បាន ប៉ុន្តែមិនមែនគ្រប់គ្នាដឹងពីវិធីពន្យារវានោះទេ។ ការសិក្សាជាច្រើនបានបង្ហាញថា ទម្លាប់អាក្រក់មួយចំនួនអាចប៉ះពាល់យ៉ាងធ្ងន់ធ្ងរដល់សុខភាព និងកាត់បន្ថយអាយុសង្ឃឹមរស់។

ខាងក្រោមនេះគឺជាទម្លាប់ទាំង ៥យ៉ាង ដែលអ្នកត្រូវឈប់ជាបន្ទាន់ បើចង់រស់នៅបានយូរឆ្នាំ ហើយមិនសូវជាឈឺថ្កាត់ច្រើន។

របៀបរស់នៅអសកម្ម ឬគ្មានសកម្មភាពរាងកាយ

អសកម្មរាងកាយគឺជាមូលហេតុចម្បងមួយនៃជំងឺរ៉ាំរ៉ៃដូចជា ធាត់ ទឹកនោមផ្អែម ជំងឺសរសៃឈាមបេះដូង និងដាច់សរសៃឈាមខួរក្បាល។ កង្វះសកម្មភាពរាងកាយ ក៏ធ្វើឲ្យប្រព័ន្ធការពាររាងកាយចុះខ្សោយ ងាយឆ្លងមេរោគ និងជំងឺដំកាត់នានា។

ការធ្វើលំហាត់ប្រាណឲ្យបានទៀងទាត់យ៉ាងហោចណាស់ ៣០ នាទីក្នុងមួយថ្ងៃ មិនថាដើរ រត់ ជិះកង់ ហែលទឹក ឬសកម្មភាពណាមួយដែលអ្នកចូលចិត្ត។ ស្វែងរកវិធីដើម្បីបញ្ចូលចលនាទៅក្នុងជីវិតប្រចាំថ្ងៃរបស់អ្នក ដូចជាការឡើងជណ្តើរជំនួសឲ្យជណ្តើរយន្ត ឬដើរទៅហាងកៀកៗផ្ទះ ជំនួសឲ្យការបើកបរ។

របបអាហារមិនល្អ

របបអាហារដែលមានជាតិស្ករខ្ពស់ អំបិល ខ្លាញ់ឆ្អែត និងកូលេស្តេរ៉ុលអាក្រក់ បង្កើនហានិភ័យនៃការធាត់ ជំងឺសរសៃឈាមបេះដូង ជំងឺទឹកនោមផ្អែម និងប្រភេទមហារីកមួយចំនួន។ កង្វះជាតិសរសៃ និងវីតាមីនក៏ប៉ះពាល់ដល់សុខភាពទូទៅ និងអាយុវែងផងដែរ។

ដូច្នេះសូមញ៉ាំផ្លែឈើ និងបន្លែឲក្យបានច្រើន គ្រាប់ធញ្ញជាតិ ប្រូតេអ៊ីនគ្មានខ្លាញ់ និងខ្លាញ់ដែលមានសុខភាពល្អ។ កំណត់អាហាររហ័សពពួកចៀនឬបំពង ភេសជ្ជៈមានជាតិស្ករ និងអាហារកែច្នៃ។ ជាពិសេស ត្រូវប្រាកដថាផឹកទឹកឲ្យបានគ្រប់គ្រាន់ជារៀងរាល់ថ្ងៃ។

ជារឿយៗគិតអវិជ្ជមាន

ការសិក្សាវិទ្យាសាស្ត្រជាច្រើនបានបង្ហាញថា ការគិតអវិជ្ជមានមិនមែនគ្រាន់តែជាស្ថានភាពផ្លូវចិត្តបណ្តោះអាសន្នប៉ុណ្ណោះទេ ប៉ុន្តែវាក៏ជាសត្រូវស្ងៀមស្ងាត់ ដែលអាចកាត់បន្ថយអាយុជីវិត និងសុខភាពរបស់មនុស្សបានយ៉ាងសំខាន់។យន្តការសំខាន់មួយនៅពីក្រោយបាតុភូតនេះគឺប្រព័ន្ធភាពស៊ាំ។ ការគិតអវិជ្ជមានយូរៗ អាចបណ្តាលឲ្យមានបញ្ហាសុខភាពធ្ងន់ធ្ងរជាច្រើន។ វាធ្វើឲ្យប្រព័ន្ធការពាររាងកាយចុះខ្សោយ ធ្វើឲ្យរាងកាយងាយរងការវាយប្រហារដោយមេរោគ។ លើសពីនេះ ភាពតានតឹង និងការថប់បារម្ភយូរដែលបណ្តាលមកពីការគិតអវិជ្ជមាន ក៏បង្កើនហានិភ័យនៃជំងឺរ៉ាំរ៉ៃដូចជា ជំងឺសរសៃឈាមបេះដូង ជំងឺលើសឈាម ជំងឺទឹកនោមផ្អែម និងសូម្បីតែជំងឺមហារីក។

មិនមានការពិនិត្យសុខភាពជាទៀងទាត់ទេ

ជំងឺរ៉ាំរ៉ៃដូចជាជំងឺលើសឈាម និងជាតិខ្លាញ់ក្នុងឈាមខ្ពស់ មិនត្រឹមតែប៉ះពាល់ដល់គុណភាពនៃជីវិតប្រចាំថ្ងៃប៉ុណ្ណោះទេ ថែមទាំងបង្កហានិភ័យរយៈពេលវែងធ្ងន់ធ្ងរទៀតផង។ ពួកគេអាចបង្កើនហានិភ័យនៃការថយចុះការយល់ដឹងរបស់យើង ជំងឺសរសៃឈាមបេះដូង និងសូម្បីតែធ្វើឲ្យជីវិតរបស់យើងខ្លី។

ទោះជាយ៉ាងណាក៏ដោយ យើងអាចរកឃើញជំងឺរ៉ាំរ៉ៃទាំងនេះបានទាន់ពេល តាមរយៈការត្រួតពិនិត្យសុខភាពជាប្រចាំ។ ការត្រួតពិនិត្យសុខភាពជាទៀងទាត់ មិនត្រឹមតែជួយពិនិត្យមើលសូចនាករសុខភាពជាមូលដ្ឋានដូចជាសម្ពាធឈាម និងខ្លាញ់ក្នុងឈាមប៉ុណ្ណោះទេ ប៉ុន្តែថែមទាំងរួមបញ្ចូលការធ្វើតេស្តស៊ីជម្រៅដើម្បីវាយតម្លៃមុខងារនៃសរីរាង្គក្នុងរាងកាយផងដែរ។

យ៉ាងណាមិញ អាយុវែងមិនមែនគ្រាន់តែជាសំណាងប៉ុណ្ណោះទេ ប៉ុន្តែវាអាស្រ័យច្រើនលើរបៀបរស់នៅរបស់យើង និងរបៀបថែរក្សាសុខភាពផ្ទាល់ខ្លួន។ តាមរយៈការផ្លាស់ប្តូរទម្លាប់មិនល្អ និងទទួលយកវិធានការសុខភាពសកម្ម យើងអាចបង្កើនឱកាសរបស់យើងក្នុងការរស់នៅបានយូរ និងមានសុខភាពល្អជាងមុនបានយ៉ាងប្រសើរ៕