បច្ចុប្បន្នមិនខ្វះទេអ្នកខូចភ្នែក ព្រិលភ្នែក ឈឺភ្នែកជាប្រចាំ មីញ៉ូបជិត មីញ៉ូបឆ្ងាយ ជាក់ស្ដែងភ្នែកមិនល្អសឹងតែគ្រប់វ័យទៅហើយ។ យោងតាមអង្គការសប្បុរសធម៌ Sightsavers បានឲ្យដឹងថាខាងក្រោមនេះជាទម្លាប់មិនល្អរបស់អ្នកខូចភ្នែកភាគច្រើន៖

១. សម្លឹងកញ្ចក់គ្រឿងអេឡិចត្រូនិកយូរពេក

ពេលសម្លឹងស្គ្រីនយូរពេកយើងមិនសូវព្រិចភ្នែកទេ ខណៈមនុស្សម្នាក់ៗត្រូវព្រិចភ្នែក ១២-១៥ដងក្នុងមួយថ្ងៃ។ ហេតុនេះហើយភ្នែកដែលប្រែជាស្ងួតនឹងមានបញ្ហា។

២. ជក់បារី

ក្រៅពីជំងឺមហារីកសួត និងជំងឺផ្សេងៗ ការជក់បារីក៏កាត់បន្ថយសមត្ថភាពរាងកាយរបស់អ្នកក្នុងការផ្តល់អុកស៊ីសែននិងអាហាររូបត្ថម្ភគ្រប់គ្រាន់ដល់ជាលិកា រួមទាំងជាលិកាក្នុងភ្នែកនាំឲ្យភ្នែកឡើងបាយផងដែរ។

៣. ប្រើគ្រឿងសម្អាងហួសកំណត់

គ្រឿងសម្អាងដូចជា ម៉ាស្ការ៉ា ខ្មៅដៃគូសត្រេភ្នែក មានអាយុលើសពីបីខែមិនគួរបន្តការប្រើប្រាស់ទេ គួបផ្សំការសម្អាតមុនពេលចូលគេងផងទើបជាការល្អ។

៤. ប្រើថ្នាំតាមចិត្ត

ការប្រើថ្នាំតាមចិត្តមិនត្រូវបានណែនាំតាំងពីដំបូងមក ហើយអាចបណ្តាលឱ្យមានផលវិបាកផ្នែកវេជ្ជសាស្ត្រទៀត។ សូម្បីតែថ្នាំបន្តក់ភ្នែកធម្មតាក៏មិនគួរប្រើញឹកញាប់ដែរ ព្រោះវាអាចបណ្តាលឱ្យរលាកនិងឡើងក្រហម។

៥. មិនពាក់របស់ការពារភ្នែក

ពន្លឺព្រះអាទិត្យជាសត្រូវរបស់ភ្នែក ដូចគ្នានឹងស្បែកមនុស្ស។ អាស្រ័យបញ្ហានេះ ទើបគេបង្កើតវែនតាខ្មៅសម្រាប់ការពារភ្នែកពីកាំរស្មីយូវី។ មិនទាន់អស់នៅឡើយទេ នៅមានវែនតាហែលទឹកមួយទៀត ចំណុចនេះសំខាន់ណាស់សម្រាប់អ្នកហែលទឹកក្នុងអាងទឹកដែលប្រើប្រាស់ក្លរ។

គួររំលឹកដែរថា គ្រប់គ្នាគប្បីទៅពិនិត្យភ្នែកនៅពេទ្យជំនាញជារៀងរាល់ឆ្នាំដើម្បីតាមដានសុខភាពភ្នែកការពារមានបញ្ហាធ្ងន់ធ្ងរជាងមុន៕

ប្រែសម្រួលដោយ៖ វារី

ចុចអាន៖ សាកល្បងតិចនិកនេះ ដោះស្រាយបញ្ហាស្ពឹកភ្នែក ពេលកំពុងធ្វើការ