Connect with us

KPT+

ទម្លាប់មិនល្អ ៩ ចំណុច បណ្ដាលឲ្យអ្នកជុំវិញខ្លួនមិនចូលចិត្តអ្នក

បានផុស

នៅ

ជាធម្មតាមិនមែនគ្រប់គ្នាសុទ្ធតែចូលចិត្តយើងទេ ប៉ុន្តែយើងនៅតែត្រូវរៀបចំអាកប្បកិរិយាឲ្យសមរម្យ ដើម្បីរក្សាតម្លៃនិងភាពថ្លៃថ្នូរផ្ទាល់ខ្លួន។ ក្នុងកាលដែលមានអ្នកចូលចិត្តច្រើន ជារឿងល្អម្យ៉ាងក្នុងការរស់នៅរបស់មនុស្ស អ្នកមិនអាចមិនខ្វាយខ្វល់នឹងសង្គម ឬមិនខ្វាយខ្វល់ពីមនុស្សជុំវិញខ្លួននោះទេ ព្រោះថាយើងសុទ្ធតែរស់នៅប្រាស្រ័យទាក់ទងគ្នា គ្រប់ទីកន្លែងគ្រប់ពេលវេលា ដូច្នេះអ្នកគប្បីជៀសវាងទង្វើទាំង៩នេះ ទើបមិនសូវមានអ្នកស្អប់៖

១. ងាកចេញពេលគេកំពុងនិយាយ

ទោះបីជាម្នាក់នោះគាត់និយាយច្រើន ធ្វើឲ្យយើងធុញក៏ដោយ អ្នកមិនគួរបញ្ចេញអាកប្បកិរិយាធុញទ្រាន់នៅចំពោះមុខគេទេជាពិសេសការនិយាយមួយទល់មួយ។ នរណាៗក៏មិនចូលចិត្តនិយាយជាមួយមនុស្សដែលមិនឲ្យតម្លៃគេ និងគិតតែពីខ្លួនឯងបែបនេះដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. តែងតែធ្វើជាមនុស្សអវិជ្ជមាន

អ្នកនឹងក្លាយជាមនុស្សពិបាករាប់អាន ពិបាកផ្គាប់ចិត្ត ជាពពកខ្មៅក្នុងបរិយាកាសអ្នកដទៃ។ នៅក្បែរមនុស្សអវិជ្ជមានមិនមានភាពរីករាយ និងមានការលើកទឹកចិត្តជីវិតអួរអាប់ ចូរព្យាយាមរក្សាគម្លាតពីមនុស្សអវិជ្ជមាន ដើម្បីអភិវឌ្ឍន៍ខ្លួននិងល្អសម្រាប់សុខភាពផ្លូវចិត្តផង។

៣. ពូកែអួត ឬមានអំណួតហួសហេតុ

ទាំងគេទាំងយើង សុទ្ធតែមិនចូលចិត្តអ្នកអួត ទោះបីជាមានពិតក៏ដោយ ប៉ុន្តែបើខ្លួនឯងអួតគេវិញបាន។ អ្នកដទៃអាចនឹងមិនបញ្ចេញអាកប្បកិរិយាធុញទ្រាន់ ប៉ុន្តែគេកំពុងតែលួចជ្រេញអ្នកហើយ។ យូរៗទៅអ្នកនឹងក្លាយជាមនុស្សដ៏គួរឲ្យធុញទ្រាន់ ឬក្លាយជាគូសត្រូវនឹងនរណាម្នាក់ទៀតឯណោះ។

៤. មិនញញឹម 

ការញញឹមជាគ្រឿងតុបតែមុខល្អបំផុតសម្រាប់គ្រប់គ្នា ពាក់វានៅលើមុខអ្នក នឹងក្លាយជាមនុស្សរួសរាយគួររាប់អាននៅទីណាមានភាពសប្បាយវិជ្ជមាននៅទីនោះ។

៥. ចាប់ដៃមិនណែន

ការចាប់ដៃមិនណែន បង្ហាញពីចំណុចមិនល្អជាច្រើនពីអ្នកដូចជា មិនឲ្យតម្លៃម្ខាងទៀត ឬបង្ហាញពីភាពមិនជឿជាក់ក្នុងខ្លួន។ ចំណុចនេះជារឿងសំខាន់ណាស់សម្រាប់អ្នកជំនួញ ថាមិនត្រូវ អ្នកអាចនឹងបាត់បង់ផលប្រយោជន៍ធំដោយសារតែអាកប្បរិកិយាតិចតួចផងមិនដឹង។

៦. និយាយកាត់អ្នកដទៃ

តើអ្នកមានអារម្មណ៍បែបណាដែរ ពេលគេកាត់អ្នកកំពុងនិយាយ? បើអ្នកមានទម្លាប់នេះមានន័យថាអ្នកជាមនុស្សគ្មានសុជីវធម៌មិនឲ្យតម្លៃគេដូចគ្នា។

៧. ចិត្តចង្អៀត ប្រកាន់ច្រើន

មនុស្សចិត្តចង្អៀត រមែងគ្មានក្ដីសុខ គ្មានញាតិមិត្តរាប់អាន កាលដែលអ្នកដើរវាយតម្លៃគេនិយាយពីគេមិនល្អ នោះហើយបង្ហាញពីចិត្តចង្អៀតរបស់អ្នក ទង្វើនេះធ្វើឲ្យគេមិនចូលចិត្តអ្នកតែម្ដង។ ចំណែកឯកាទើសចិត្តតិចតួចបោះចោលបានបោះទៅ កុំទុកនាំធ្ងន់ទ្រូងមិនចំណេញអ្វីនោះទេ បានត្រឹមជម្លោះទាស់ទែងប៉ុណ្ណោះ។

៨. មិនស្មោះត្រង់

ពេលគេចាប់បាន អ្នកត្រូវគេកត់ចំណាំជាមនុស្សមិនល្អក្នុងកែវភ្នែកអ្នកដទៃបាត់ទៅហើយ ដូច្នេះលើកក្រោយទៀតអ្នកនិយាយអ្វីក៏គ្មានអ្នកជឿដោយគ្មានការសង្ស័យដែរ។ ភាពមិនស្មោះត្រង់រារាំងអ្នកពីការជួបមនុស្សថ្មីៗ លើសពីនេះទៀតកេរ្តិ៍ឈ្មោះអ្នកលែងមានភាពថ្លៃថ្នូរដូចមុនទេ។

៩. ធ្វើភ្នែកក្រលេកក្រឡាប់

គេចាត់ទុកមនុស្សភ្នែកមិនស្ងៀម​ ជាមនុស្សមិនស្មោះត្រង់ ពោរពេញដោយល្បិចកលមិនគួរទុកចិត្ត។ ទម្លាប់នេះជាទម្លាប់មិនល្អមួយក្នុងភ្នែកអ្នកដទៃ វាបង្ហាញថាអ្នកមិនឲ្យតម្លៃ មិនយកចិត្តទុកដាក់នូវអ្វីដែលគេកំពុងនិយាយ។

បន្ទាប់ពីដឹងច្បាស់ពីទម្លាប់មិនល្អទាំងនោះហើយ អ្នកគប្បីបញ្ឈប់ឬជៀសវាងទង្វើនេះ ដើម្បីទំនាក់ទំនងប្រសើរឡើងនិងសម្បូរទំនាក់ទំនងល្អៗជាច្រើនធ្វើឲ្យជីវិតស្រស់ថ្លាជាងមុន៕

ប្រែសម្រួលដោយ៖ វារី

ចុចអាន៖កំពុងវង្វេងផ្លូវក្នុងសង្គមដែលមានមោទកភាពហួសហេតុ អានអត្ថបទហើយនឹងធូរស្រាលចិត្ត

ប្រភព៖ 4realguide

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៨ ម៉ោង មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ៨ ម៉ោង មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ៩ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ១០ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ១០ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម