ស្រាយចម្ងល់ពីជំងឺរើម ពិតជាបណ្ដាលឲ្យស្លាប់ឬយ៉ាងណា?
Connect with us
Helistar Cambodia - Helicopter Charter Services

សុខភាព

ស្រាយចម្ងល់ពីជំងឺរើម ពិតជាបណ្ដាលឲ្យស្លាប់ឬយ៉ាងណា?

បានផុស

នៅ

តើ “ជំងឺ​រើម” បណ្ដាល​មក​ពី​អ្វី?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជំនឿ​អំពី​ជំងឺ​រើម ដោយ​បញ្ជាក់​ថា ​ប្រសិន​បើ​មាន​ជំងឺ​រើម​​​ នឹង​បណ្ដាល​ឲ្យមនុស្សនោះ​ស្លាប់។ វិទ្យាស្ថាន​សើស្បែក នាយកដ្ឋានវេជ្ជសាស្ត្រ ក្រសួងសុខាភិបាលសាធារណៈថៃ បានពិនិត្យ និងបញ្ជាក់ការពិតថា ជំងឺរើម គឺជាជំងឺស្បែក ដែលបណ្តាលមកពីការឆ្លងមេរោគមួយហៅថា (varicella virus) ដែលជាមេរោគដូចគ្នា បង្កពីជំងឺអុតស្វាយ ហើយស្ថិតក្នុងក្រុមដូចគ្នា​ទៅនឹងវីរុស Herpes ។

ជំងឺរើម ជាមេរោគលាក់ខ្លួន​នៅក្នុងសរសៃប្រសាទ ហើយ​​ត្រូវ​បាន​ជំរុញ​ នៅ​ពេល​ដែល​រាងកាយ​មាន​ប្រព័ន្ធ​ភាព​ស៊ាំ​ខ្សោយ។ មេរោគ​នឹង​បែក​គ្នា​ ធ្វើឲ្យ​​មាន​ការ​បញ្ចេញ​មេរោគ​ តាម​បណ្ដោយ​សរសៃប្រសាទ។

រោគ​សញ្ញា​នៃ​ជំងឺ​រើម

អ្នក​ជំងឺ​រើម រោគសញ្ញាដំបូង គឺឈឺចាប់​ដែលមាន​នៅលើស្បែក និងត្រូវបានគ្រប់គ្រង​ដោយសរសៃប្រសាទ។ បន្ទាប់មក​ក៏មានការ​ឡើងកន្ទួលក្រហមកើតឡើង ​ដោយមានពងបែក​ ដែលបង្កើតជាក្រុមនៅ​តាមបណ្តោយ​សរសៃប្រសាទ។ កន្លែងដែលពងបែកអាចក្លាយជា pustules ឬអាចបន្តដោយស្នាម បន្ទាប់ពីរោគសញ្ញាស្បែកបានបាត់ អាចនឹងមានការឈឺចាប់រ៉ាំរ៉ៃ​ចំពោះអ្នកជំងឺមួយចំនួន ការធ្វើ​ឲ្យសកម្មនៃមេរោគ varicella ដែលបណ្តាលឲ្យកើតជំងឺរើម។

ជា​រឿយៗ​​ វាតែងកើត​ឡើង​ចំពោះ​មនុស្ស​ចាស់ ​អ្នកជំងឺ immunocompromised និង​អ្នក​ជំងឺ​ដែល​ប្រើថ្នាំ​ការពារ​ភាព​ស៊ាំ អ្នក​ជំងឺ​មហារីក ​ដែលទទួលការព្យាបាលដោយគីមី ហើយរោគសញ្ញា​ដែល​បាន​រក​ឃើញ ​គឺ​ធ្ងន់ធ្ងរ​ជាង​អ្នក​ជំងឺ​ដែល​មាន​សុខភាព​ល្អ​ធម្មតាទៅទៀត។

ជំងឺ​រើម​កើតឡើង​នៅ​តាម​បណ្ដោយ​ប្រវែង ​នៃ​ផ្នែក​ម្ខាង​នៃ​សរសៃ​ប្រសាទ​របស់​រាងកាយ ហើយ​មិន​ត្រូវ​បាន​ចាត់​ទុក​ថា​ជា​ជំងឺ​ធ្ងន់ធ្ងរ​នោះ​ទេ។ លើកលែង​តែ​ជំងឺ​ដែល​កើត​ឡើង​ចំពោះ​មនុស្ស​ដែល​មាន​រាងកាយ​ខ្សោយ ឬ​ភាព​ស៊ាំ​ទាប​ខ្លាំង ប្រហែល​ជា​មាន​ការ​កើតឡើងវិញ និង​ការ​លុកលុយ​ច្រើន​ជាង​ធម្មតា ឬ​អាច​មាន​ផល​វិបាក​ធ្ងន់ធ្ងរ ​ដែល​បណ្ដាល​​ឲ្យ​មាន​ហានិភ័យ​នៃ​ការ​ស្លាប់។

វិធី​ព្យាបាល​ជំងឺ​រើម

ការ​ព្យាបាល​ជំងឺ​រើម​នោះ ​មាន​ទាំង​ការ​ព្យាបាល​តាម​រោគសញ្ញា និង​ការ​ព្យាបាល​ដោយ​ការ​ប្រើប្រាស់​ថ្នាំ​ប្រឆាំង​មេរោគ រួម​ទាំង​ការ​ផ្ដល់​ថ្នាំ​បំបាត់​ការ​ឈឺចាប់​ សម្រាប់​ចុង​សរសៃ​ប្រសាទ ប្រសិន​បើ​មាន​ការ​សង្ស័យ​ថាមាន​ជំងឺ​រើម គួរតែ​ទៅ​ពិគ្រោះ​ជាមួយ​វេជ្ជបណ្ឌិត។ ដោយសារ​តែ​ការ​ព្យាបាល​នៅ​ដំណាក់កាល​ដំបូង​ នៃ​ជំងឺ​នេះ ​នឹង​ផ្ដល់​លទ្ធផល​ល្អ​ប្រសើរ​ ជាង​ទុក​យូរ​នាំ​ធ្ងន់​ខ្លាំង៕

ប្រែសម្រួល៖ សាង ស្រីល័ក្ខ

ចុចអាន៖វិធីសាស្ត្រ ៦ យ៉ាង ជួយការពារខ្លួន ពីបញ្ហាកើតស្រែង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services