សុខភាព
ចង់សម្រកទម្ងន់លឿន មិនប៉ះពាល់សុខភាពបន្ថយអាហារល្ងាចត្រឹម ៥០%
ជាធម្មតា មានមនុស្សជាច្រើនដោយចង់សម្រកគីឡូឱ្យបានលទ្ធផលលឿន តែងជ្រើសរើសវិធីសាស្ត្របង្អត់អាហារនៅពេលល្ងាច ប៉ុន្តែពួកគេមិនទាន់បានដឹងច្បាស់ទេថា ការដែលមិនញាំអាហារនៅពេលល្ងាចអាចបង្កឱ្យមានផលប៉ះពាល់ដល់សុខភាពរាងកាយ និងស្មារតី។
ពាក់ព័ន្ធនឹងបញ្ហានេះដែរ លោក ពា វុទ្ធី ឯកទេសគិលានុបដ្ឋាក និងកំពុងធ្វើការនៅគ្លីនិចឯកជនមួយកន្លែងបានបកស្រាយថា រាងកាយមនុស្សម្នាក់ៗ តែងត្រូវការអាហារជាចាំបាច់ដូចជា បាយ សាច់ បន្លែ ផ្លែឈើផ្សេងៗជាច្រើន ដើម្បី ផ្គត់ផ្គងរាងកាយ ព្រោះថាមនុស្សត្រូវការប្រើប្រាស់ថាមពលជាប្រចាំ។ ម្យ៉ាងវិញទៀត នៅក្នុងក្រពះមនុស្សមានសារធាតុអាស៊ីតច្រើន ប្រសិនបើនៅពេលដែលវាបញ្ចេញទឹកក្រពះដើម្បីរំលាយអាហារ តែគ្មានអាហារគ្រប់គ្រាន់សម្រាប់រំលាយនោះអាចបណ្ដាលឱ្យទៅជាមានបញ្ហាឈឺក្រពះជាដើម។
ហេតុដូចនេះ ហើយសម្រាប់អ្នកដែលចង់សម្រកទម្ងន់ គួរតែហូបអាហារជាប្រចាំនិងទៀតទាត់ទាំងព្រឹក ពេលថ្ងៃ ព្រោះរាងកាយបានប្រើប្រាស់ថាមពលទាំងអស់នោះសម្រាប់សកម្មភាពប្រចាំថ្ងៃ ហើយក៏មិនងាយនឹងលើសគីឡូនោះដែរ។ ប៉ុន្តែអ្នកដែលលើសគីឡូ ភាគច្រើនជាអ្នកដែលចូលចិត្តញាំអាហារពេលល្ងាច។
តាមការចុះផ្សាយពីវេបសាយសុខភាព Hello Krupet ប្រសិនបើមនុស្សគ្រប់គ្នាទុកឱ្យក្រពះឱ្យនៅទំនេរជាច្រើនម៉ោងពេក មិនញាំអ្វីសោះតាំងពីម៉ោង ៥ល្ងាច រហូតដល់ម៉ោង ៧ព្រឹក មិនល្អសម្រាប់សុខភាពនោះទេ អាចបង្កឱ្យមានបញ្ហាដល់សមត្ថភាពរាងកាយ និងសុខភាពបេះដូង ព្រោះមិនថាតែពេលសម្រាក រាងកាយនៅតែត្រូវការសារធាតុសំខាន់ៗមួយចំនួនដូចជា វីតាមីន B12 B3 ប៉ូតាស្យូម សម្រាប់បំពេញតម្រូវការថាមពល។
ការណែនាំរបស់អ្នកជំនាញបានបង្ហាញថា គួរតែអនុវត្តវិធីសាស្ត្រកាត់បន្ថយអាចមកត្រឹម ៥០ភាគរយនៃអាហារដែលធ្លាប់ញាំកន្លងមកតែមិនមែនកាត់ផ្តាច់នោះទេ។ ចន្លោះពីម៉ោង ៥ល្ងាចរហូតដល់ម៉ោង ៧យប់ ជាពេលវេលាល្អបំផុតសម្រាប់ការញាំអាហារពេលល្ងាច ប៉ុន្តែត្រូវកំណត់ឱ្យច្បាស់ថា មិនមែនជាប្រភេទអាហារដែលមានជាតិខ្លាញ់ខ្ពស់ ជាតិស្ករខ្ពស់ និងការបូអ៊ីដ្រាតជាដើម ហើយជាការល្អយើងគួរតែញាំអាហារឱ្យបានយ៉ាងហោចណាស់ ២ម៉ោងមុននឹងចូលសម្រាក។
ការដែរព្យាយាមកាត់បន្ថយអាហារមួយពេល ហាក់បីដូចជាកាត់ផ្ដាច់ថាមពលខួរក្បាលអស់មួយកម្រិតដែរ ព្រោះខួរក្បាលមនុស្សត្រូវការធ្វើការទាំងយប់ទាំងថ្ងៃ។ អ្នកដែលទុកក្រពះឱ្យទំនេរច្រើនម៉ោងពេក នៅពេលភ្ញាក់ពីគេងតែងមានអារម្មណ៍ថា អស់កម្លាំង ហេវហត់ ឬឆាប់ខឹង និងបាត់បង់ការប្រុងប្រយ័ត្ន ហើយអាចចុះខ្សោយការចង់ចាំផងដែរ។
មិនតែប៉ុណ្ណោះ វាក៏អាចធ្វើឱ្យប៉ះពាល់ប្រព័ន្ធរំលាយអាហារ វាអាចចុះខ្សោយប្រព័ន្ធមេតាបូលីសនៅក្នុងរាងកាយ ហើយការចុះខ្សោយនៃប្រព័ន្ធរំលាយអាហារ អាចនាំឱ្យប៉ះពាល់ដល់សមត្ថភាពនៃការផលិតម៉ាសសាច់ដុំ និងជួសជុលជាលិកា កោសិកាដែលខូចខាត ហើយទាំងអស់នេះសុទ្ធតែទាមទារថាមពលពីអាហារពេលល្ងាចទាំងអស់៕
ដោយ៖ ថារី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ