Connect with us

KPT+

១០ វិធី លុបស្នាមសាក់ចេញពីដងខ្លួន បានយ៉ាងមានប្រសិទ្ធភាព

បានផុស

នៅ

មុនសម្រេចចិត្តសាក់ទៅលើស្បែក ត្រូវពិចារណាឲ្យម៉ត់ចត់ ព្រោះវានឹងនៅជាមួយយើងជារៀងរហូត។ ម៉្យាងវិញទៀត ​អ្នកអាចស្រលាញ់សាក់នោះរយៈពេលខ្លី ហើយក៏អាចមានវិប្បដិសារី នៅពេលក្រោយផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងដែលពិបាកនោះគឺ ការលុបសាក់នេះឯង ហើយរាល់ថ្ងៃនេះ ផលិតផលបិទបាំង ឬ​លុប​ស្នាមសាក់​មាន​ច្រើន​ជម្រើស​ណាស់ ប៉ុន្តែផលិតផលទាំងនោះនាំឲ្យមានការឈឺចាប់ ខ្លះទៀតប្រើពេលយូរ បើមិនចឹងគឺថ្លៃ។

ខាងក្រោម​នេះ​ជា វិធី​លុបសាក់​ទាំង ១០របៀប ដែល​អាចជួយអ្នក​បាន​យ៉ាងមាន​ប្រសិទ្ធភាព៖

១.បាញ់​កាំរស្មី គ្នាយើងភាគច្រើនបានដឹងពីវិធីនេះហើយ ការបាញ់កាំរស្មីអាចលុបសាក់បាន ១០០% និងបង្កឲ្យ​មាន​ស្នាម​បន្ទាប់ពី​បាញ់​រួច។ វា​មាន​តម្លៃ​ថ្លៃ និង​ឈឺខ្លាំង​ទៅលើស្បែករបស់យើងថែមទៀត។

២.គ្រឿង​ផាត់​មុខ​បិទបាំង​ស្លាកស្នាម ការប្រើប្រាស់ផលិតផលយកមកបិទបាំងក៏ងាយស្រួលម្យ៉ាងដែរ មិនមានការឈឺចាប់ មិនចំណាយប្រាក់​ច្រើន គ្មាន​ស្នាម​ទៀតផង ផលិតផលនោះត្រូវ​មាន​សមត្ថភាព ​ក្នុង​ការ​បិទបាំង​បាន​ក្រាស់​ល្អ មិនមែន​សម្រាប់​មុខ​ធម្មតា​ឡើយ។

៣. ក្រមួន​ឈ្មោះ Wrecking Balm អ្នកអាចប្រើប្រាស់​ផលិតផល​នេះ មក​លាប​នៅ​លើ​សាក់​ដែល​អ្នកចង់លុប គ្រាន់​តែ​ថា​វា​ចំណាយ​ពេល​យូរ ហើយ​ថ្លៃ​ទៀតផង ប៉ុន្តែគ្មានការឈឺចាប់។

៤.ការវះកាត់ ជាវិធីដែលឈឺដល់ថ្នាក់គេងពេទ្យពីរបីថ្ងៃឯណោះ ហើយលឿន ណា​មួយ​ក៏​មិន​សូវ​ថ្លៃ​ដែរ។ វិធី​នេះត្រូវបានគេប្រើប្រាស់ច្រើនគួរសម។ មានតម្លៃអាស្រ័យលើទំហំសាក់។

៥.ស្រ្កាប់​អំបិល​​ ចំពោះវិធីនេះគឺលុបសាក់​តាម​របៀប​ជម្រុះ​កោសិកា​ចោល អ្នក​អាច​ប្រើ​ស្ក្រាប់​អំបិល​ក្នុង​រយៈពេល​យូរ​ដើម្បី​ជូត​ស្នាម​សាក់​ចេញ ប៉ុន្តែ​អ្នក​ក៏​ត្រូវ​ប្រយ័ត្ន​ផង​ដែរ ដើម្បី​កុំ​ឱ្យ​ប៉ះពាល់​ស្បែក​ខ្លាំង​ពេក។ ​វិធីសាស្ត្រ​នេះមិន​ថ្លៃ​ទេ ប៉ុន្តែ​អាច​បន្សល់​ទុក​នូវ​ការ​ខូច​ខាត​យូរ​អង្វែង​លើ​ស្បែក​របស់​អ្នក។ តម្លៃសមរម្យ ហើយឈឺតិចតួច។

 ៦.អំបិល និងទឹកក្រូចឆ្មា ក្រៅពី​បាញ់​កាំរស្មី វិធីធម្មជាតិក៏មានដែរ គឺអំបិលនិងក្រូចឆ្មា។ របៀបធ្វើ៖ អំបិល ១ខាំលាយជាមួយទឹកក្រូចឆ្មា កូរចូលគ្នាឲ្យ​ក្លាយជាល្បាយមួយ យក​សម្លី​មក​ជ្រលក់ ជូត​ទៅ​​លើ​សាក់​រយៈពេល ៣០នាទីទៅមួយម៉ោង រួចលាង​ទឹក​ក្ដៅ​អ៊ុនៗ​ជា​ការស្រេច។

៧.គ្រីមលុបសាក់ម៉ាក់ Profade គ្រីមនេះអាចលុបសាក់បានក្នុងរយៈពេល ៣-៩ខែ គ្រីមមួយ​ឈុត​មាន​បី​មុខ​សម្រាប់​ប្រើប្រាស់។ គ្រីមទីមួយមាននាទីធ្វើឲ្យស្បែកទទួលយកគ្រីមទីពីរបាន។ គ្រីមទីពីរ​មាន​នាទី​បំបែក​ទឹកថ្នាំដែលមាននៅក្រោមស្បែករបស់អ្នក។ ចំណែកឯគ្រីមចុងក្រោយ មាន​នាទី​បំបាត់​ស្នាម​សាក់​ចេញ​ពី​ស្បែក​អ្នក​តែ​ម្ដង។

៨.ការលុបស្នាមសាក់ដោយជាតិអំបិល អ្នក​អាច​សាកល្បង​វិធី​នេះ ​ដើម្បី​បំបាត់​ស្នាម​សាក់​ វាជាវិធីដូចគ្នា ប៉ុន្តែគេចាក់ទឹកអំបិល ជំនួស​ពណ៌​វិញ។ អំបិល​ដែល​ចាក់​ចូល​នោះ​ អាច​ទាញ​ស្បែក​ចេញ​ពី​ស្បែក​របស់​អ្នក​ថ្នមៗ​ ដោយ​មិន​បង្ក​ឱ្យ​អ្នក​ឈឺ​ខ្លាំង។ ស្បែករបស់អ្នកក៏នឹងនៅដដែល។ វាអាចចំណាយពេលរហូតដល់ ៤-៦សប្តាហ៍ ​សម្រាប់ដំណើរការនេះ។

 ៩.ទឹកឃ្មុំ គ្រឿងផ្សំ​ដ៏ល្អបំផុតសម្រាប់លុបសាក់គឺ ទឹកឃ្មុំនេះឯង។ របៀបធ្វើ៖ យកជែល​ប្រទាល​កន្ទុយ​ក្រពើ អំបិល យ៉ាអ៊ួរ​គ្មានជាតិស្ករ និងទឹកឃ្មុំ លាយចូល​គ្នា​លាប​ទៅ​លើ​ស្បែក ​ដែល​សម្អាត​បាន​ស្អាត​។

១០.ក្រូចឆ្មា វិធីធម្មជាតិមួយទៀតគឺប្រើប្រាស់ក្រូចឆ្មា។ របៀបធ្វើ៖ សម្អាតបរិវេណសាក់ដែលត្រូវលុបឲ្យបានស្អាត ហើយយកក្រូចឆ្មាមកដុស រួចចាំដល់ស្បែកកន្លែងនោះស្ងួត យើងលាងវាជាមួយទឹកក្ដៅឧណ្ណៗ។

គួររំលឹកដល់ប្រិយមិត្តអ្នកអានថា មុននឹងសម្រេចចិត្តសាក់ មិនថាសាក់ចិញ្ចើម ឬបបូរមាត់​ក៏ដោយ ត្រូវ​ពិចារណាឲ្យ​បាន​ច្បាស់លាស់មុនសាក់ ព្រោះថានៅថ្ងៃណាមួយ​ដែលអ្នកចង់លុប​វាចេញ វា​ពិបាក​ដល់អ្នក​ទាំង​ឈឺចាប់ ខាតពេលវេលា និងចំណាយថវិកា៕

ប្រែសម្រួល៖ ស្រីខួច

ចុចអាន៖ហេតុផល ៦យ៉ាង ​ដែល​យើង​គួរ​គិត​​ហើយ​គិត​ទៀត​ មុន​សម្រេចចិត្តចាក់​សាក់

ចុចអាន៖កុំ​ចាក់​សាក់​តាម​គ្នា បើ​អ្នកមិន​ទាន់​ដឹង​​៣ចំណុច​នេះ​នៅ​ឡើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៣០ នាទី មុន

ចាប់​បាន​ខ្មាំង​កាំភ្លើង​ និង​ជនសង្ស័យ​ជួញដូរ​អាវុធ​ រួម​នឹង​បក្ខពួក​ស្រីប្រុស​សរុប៦នាក់

ព័ត៌មានជាតិ៥៨ នាទី មុន

​ថ្ងៃទី​២៨ ខែមិថុនា​ ​រដ្ឋបាល​រាជធានី​នឹង​បញ្ចៀស​ចរាចរ​យានយន្ត​គ្រប់​ប្រភេទ លើ​កំណាត់​មហាវិថី​ព្រះ​នរោត្តម​ចាប់ពី​ស្តុ​ប​ជលផល​ដល់ស្ពាន​អាកាស​ក្បាលថ្នល់

ព័ត៌មានជាតិ១ ម៉ោង មុន

មន្ទីរ​សាធារណការ​ខេត្តព្រះវិហារ ជួសជុល ថែទាំ ផ្លូវ​ក្រាល​គ្រួស​ក្រហម តាមផ្លូវ​ក្រវ៉ាត់​ព្រំដែន កម្ពុជា​-​ថៃ ប្រវែង​ជិត​១០​គីឡូម៉ែត្រ

ព័ត៌មានជាតិ២ ម៉ោង មុន

មីជាតិ រកឃើញអ្នកមានសំណាង ឈ្នះរង្វាន់ ៥,០០០,០០០ រៀល ពីកម្មវិធីហែកឆុង ហែកឈ្នះ វគ្គ ២

ជីវិតកម្សាន្ដ២ ម៉ោង មុន

ស្គាល់ដែរទេ? រាជិនីសម្រស់ទាំង ៤ ប្រចាំប្រទេស​ ហ្វីលីពីន ​ក្នុងឆ្នាំ ២០២២ នេះ

Sokha Hotels

ព័ត៌មានពេញនិយម