សុខភាព
ជំងឺរលាកថ្លើមកុមារដ៏អាថ៌កំបាំង កំពុងវាយលុកពិភពលោក ពេលនេះរាលដាលមកដល់អាស៊ីហើយ (មានវីដេអូ)
ជំងឺរលាកថ្លើមដ៏អាថ៌កំបាំងដែលបានឆ្លងដល់កុមារក្នុងប្រទេសរាប់សិបជុំវិញពិភពលោក បានរាលដាលមកដល់ទ្វីបអាស៊ីហើយ ដោយករណីមួយត្រូវបានរាយការណ៍នៅក្នុងប្រទេសជប៉ុន។
ដោយមិនទាន់ស្គាល់ប្រភព, ករណីជំងឺរលាកថ្លើមស្រួចស្រាវ (Hepatitis) នៅប្រទេសជប៉ុន ត្រូវបានបញ្ជាក់ដោយអាជ្ញាធរក្នុងតំបន់កាលពីថ្ងៃទី២១ខែមេសា លើកុមារដែលបានធ្វើតេស្តអវិជ្ជមានជំងឺផ្លូវដង្ហើម និងកូវីដ១៩។
ក្រសួងសុខាភិបាលបាននិយាយកាលពីថ្ងៃចន្ទថា អ្នកជំងឺមិនបានវះកាត់ប្តូរថ្លើមទេ ប៉ុន្តែមិនបានផ្តល់ព័ត៌មានលម្អិតបន្ថែមទៀតឡើយ។
ស្របពេលជាមួយគ្នានោះដែរ ទីភ្នាក់ងារសុខភាពសាធារណៈរបស់ប្រទេសកាណាដា បាននិយាយកាលពីថ្ងៃអង្គារថា ខ្លួនកំពុងស៊ើបអង្កេតរបាយការណ៍នៃជំងឺរលាកថ្លើមស្រួចស្រាវ មិនស្គាល់ប្រភពលើកុមារតូចៗ ប៉ុន្តែខ្លួនមិនបានបង្ហាញពីចំនួនករណី ឬទីតាំងរបស់ពួកគេទេ។
រហូតមកដល់ពេលនេះ នៅទូទាំងពិភពលោកមានករណីអាថ៌កំបាំងចំនួន ១៩០ នៃជំងឺរលាកថ្លើមស្រួចស្រាវចំពោះកុមារ ដោយក្នុងនោះមាន១៤០ករណីនៅអឺរ៉ុប ដែលភាគច្រើនគឺចក្រភពអង់គ្លេស (១១០ករណី)។ ករណីបន្ថែមទៀត ត្រូវបានរកឃើញនៅក្នុងប្រទេសអ៊ីស្រាអែល និងសហរដ្ឋអាមេរិក។ កុមារចំនួន១៧នាក់បានធ្លាក់ខ្លួនឈឺធ្ងន់ ហើយចាំបាច់ត្រូវវះកាត់ប្តូរថ្លើម។
មជ្ឈមណ្ឌលគ្រប់គ្រង និងបង្កាជំងឺសហរដ្ឋអាមេរិកបាននិយាយនៅក្នុងសេចក្តីជូនដំណឹងសុខភាពទូទាំងប្រទេសកាលពីសប្តាហ៍មុនថា ករណីដំបូងរបស់សហរដ្ឋអាមេរិកត្រូវបានគេរកឃើញនៅខែតុលាក្នុងរដ្ឋអាឡាបាម៉ា។ ដោយឡែកករណីដំបូងរបស់ចក្រភពអង់គ្លេស ត្រូវបានកត់ត្រាក្នុងខែមករា។
កាលពីថ្ងៃសៅរ៍ អង្គការសុខភាពពិភពលោក (WHO) បាននិយាយថា យ៉ាងហោចណាស់មានអ្នកស្លាប់ម្នាក់ត្រូវបានគេរាយការណ៍ថា ពាក់ព័ន្ធនឹងការផ្ទុះឡើងនៃមេរោគនេះ។
ទីភ្នាក់ងារសុខភាពរបស់អង្គការសហប្រជាជាតិមួយនេះ បាននិយាយថា ករណីនេះត្រូវបានរាយការណ៍នៅក្នុងកុមារដែលមានអាយុពីមួយខែដល់១៦ឆ្នាំ។ យ៉ាងណាក៏ដោយ WHO មិនបានបញ្ជាក់ថា ការស្លាប់កើតឡើងនៅប្រទេសណានោះទេ។
ជំងឺរលាកថ្លើម ជាធម្មតាបង្កឡើងដោយមេរោគរលាកថ្លើមមួយក្នុងចំនោមមេរោគឆ្លងជាច្រើន ប៉ុន្តែវាមិនត្រូវបានរកឃើញចំពោះកុមារដែលរងផលប៉ះពាល់នោះទេ។ ការឡើងពណ៌លឿងលើភ្នែកនិងស្បែក, រាគរូស និងឈឺពោះ គឺស្ថិតក្នុងចំណោមរោគសញ្ញាដែលត្រូវបានរាយការណ៍៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Guardian
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ