សុខភាព

ឧស្សាហ៍បែកញើសដៃ-ជើង អាចប្រឈមនឹងជំងឺគ្រោះថ្នាក់ទាំង ៤ នេះ

បានផុស

៤ years មុន

នៅ

ថ្ងៃអង្គារ ១៧ ឧសភា ២០២២

ដោយ

ការបែកញើស គឺជាផ្នែកធម្មតានៃសមត្ថភាពរបស់រាងកាយ ក្នុងការរក្សាតុល្យភាពសីតុណ្ហភាពរាងកាយ នៅពេលអាកាសធាតុក្តៅ។ ប៉ុន្តែការបែកញើសច្រើនដង មិនបណ្ដាលមកពីអាកាសធាតុ តែអាចជារោគសញ្ញាដំបូង នៃជំងឺមួយចំនួន។

១ ជំងឺទឹកនោមផ្អែម

អ្នកកើតជំងឺទឹកនោមផ្អែម មានរោគសញ្ញាដំបូងជាច្រើនដូចជានោមញឹក ស្រេកទឹកញឹកញាប់។ មុខរបួសដែលមានស្រាប់មិនជាសះស្បើយ ឬជាសះស្បើយយឺតខុសពីធម្មតា វិលមុខ ស្រវាំងភ្នែក រួមទាំងការបែកញើសលើសលប់នៃបាតដៃ និងបាតជើង នោះច្រើនតែមកជាមួយរោគសញ្ញានៃការហត់នឿយ រហូតដួលសន្លប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ ការពុលក្រពេញទីរ៉ូអ៊ីត

រោគសញ្ញាដំបូងចំពោះអ្នកជំងឺដែលមានជំងឺក្រពេញទីរ៉ូអ៊ីតពុល វាច្រើនតែកើតមានជាមួយនឹងការបែកញើសពេញរាងកាយ រួមទាំងបាតដៃ រួមជាមួយនឹងការញ័រ សក់ជ្រុះ ឬស្រេកទឹកញឹកញាប់ខុសពីធម្មតា។

៣ តានតឹង

ប្រសិនបើអ្នកមិនជឿ អ្នកត្រូវតែជឿថា រោគសញ្ញានៃភាពតានតឹង ឬរំភើប ឬថប់បារម្ភខ្លាំងពេក រហូតដល់ចាប់ផ្ដើមពិបាកគ្រប់គ្រងខ្លួនឯង វាអាចកើតឡើងជាមួយនឹងរោគសញ្ញាផ្សេងទៀត ដែលគេសង្កេតឃើញ រួមទាំងបែកញើសខ្លាំងនៃដៃ បាតជើង និងថ្ងាស ហើយអាចនឹងអមដោយការញ័រ និងញ័រផងដែរ។

៤ ជំងឺបេះដូង

អ្នកជំងឺដែលមានជំងឺបេះដូង អាចមានរោគសញ្ញាគួរឲ្យកត់សម្គាល់ដូចជា ញ័រទ្រូង ដកដង្ហើម និងបែកញើសដៃ។ ដោយសារតែរាងកាយត្រូវការថាមពលច្រើន ដើម្បីបូមឈាម។ ដូច្នេះ កម្ដៅក្នុងខ្លួនក៏កើនឡើងតាមនោះ រហូតដល់បែកញើសនៅលើដៃ។

ជាការពិត មូលហេតុនៃការបែកញើសនៅលើដៃ ជើង រួមទាំងបែកញើសខុសប្រក្រតី។ វាអាចកើតឡើងដោយសារហេតុផលជាច្រើន។ ប្រសិនបើមានការបែកញើស ជាមួយនឹងរោគសញ្ញាដូចដែលបានរៀបរាប់ខាងលើ រួមទាំងទាំងការបែកញើសខុសប្រក្រតីនៅតំបន់ផ្សេងៗនៃរាងកាយ គួរតែទៅធ្វើរោគវិនិច្ឆ័យដោយវេជ្ជបណ្ឌិត ដើម្បីពន្លឿនមូលហេតុ និងការព្យាបាលភ្លាមៗ៕

ប្រែសម្រួល៖ សាង ស្រីល័ក្ខ

ចុចអាន៖គួរដឹង! ទាំងនេះជាសញ្ញាព្រមាន នៃគ្រោះថ្នាក់សរសៃឈាមខួរក្បាល

ចុចអាន៖ចេះតែឈឺញឹកញាប់មិនលោះពេល សាកវិធីនេះ ធូរស្បើយបានច្រើនមិនខាន