សុខភាព

ចេះតែឈឺញឹកញាប់មិនលោះពេល សាកវិធីនេះ ធូរស្បើយបានច្រើនមិនខាន

បានផុស

៤ years មុន

នៅ

ថ្ងៃចន្ទ ៩ ឧសភា ២០២២

ដោយ

មិនបានទៅធ្វើការ មិនបានទៅរៀនញឹកញាប់ ហើយមូលហេតុភាគច្រើន បណ្ដាលមកពីផ្ដាសាយ និងក្ដៅខ្លួន។ ចុះមានដែរធ្លាប់ឆ្ងល់អត់ ម៉េចបានជាអ្នកផ្សេងគេមិនដែលឈឺ តែយើងម្នាក់ឯងឈឺឡើងគេគិតថា ធ្វើពុតទៅហើយ។ បើអ្នកកំពុងជួបបញ្ហានេះ សូមមើលវិធីសាស្ត្រខាងក្រោម ដែលអាចជួយឲ្យមានសុខភាពរឹងមាំដូចគេហើយមិនងាយឈឺថ្កាត់ញឹកញាប់ដូចមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១.ញ៉ាំវីតាមីនជួយពង្រឹងប្រព័ន្ធភាពស៊ាំ

មុននឹងជ្រើសរើសវីតាមីនយកមកប្រើប្រាស់អ្នកគប្បីពិគ្រោះជាមួយនឹងគ្រូពេទ្យជំនាញជាមុនសិន។ វីតាមីនដែលមានសុវត្ថិភាពសម្រាប់មនុស្សគ្រប់វ័យគឺវីតាមីន C ហើយក៏ល្អសម្រាប់ប្រព័ន្ធភាពស៊ាំដោយសារវីតាមីន C មាននាទីប្រឆាំងអុកស៊ីតកម្មក្នុងរាងកាយយើង។

២.ស្រូបយកខ្យល់ឱកាសបរិសុទ្ធ

កាលដែលនៅតែក្នុងបន្ទប់បរិយាកាសដដែលៗគ្មានខ្យល់ចេញចូលអាចធ្វើឲ្យអ្នកមានបញ្ហាផ្លូវចិត្ត និងផ្លូវកាយបាន។ ប្រសិនបើអាចយើងគួររកពេលសម្រាប់ខ្លួនឯងខ្លះដើម្បីស្រូបយកខ្យល់ឱកាសឲ្យស្រលះមុខមាត់ អារម្មណ៍ស្រស់ថ្លាមិនងាយឈឺ។

៣.ធ្វើលំហាត់ប្រាណ

ការហាត់ប្រាណជាប្រចាំជួយបានទាំងសុខភាពផ្លូវកាយ និងផ្លូវចិត្ត។ វិធីនេះមិនត្រឹមតែជួយសម្រកគីឡូនោះទេ ថែមទាំងធ្វើឲ្យរាងកាយរហ័សរហួនរឹងមាំបានទៀតផង។

៤.បន្ធូរអារម្មណ៍

ជីវិតក្នុងពិភពលោកដ៏ខ្មៅស្រអាប់មួយនេះ ត្រូវការការបន្ធូរអារម្មណ៍ដោយការសម្រាក ដើរផ្សារ ឬជួបជុំគ្នា ធ្វើអ្វីក៏បានដែលអ្នកចង់ធ្វើអោយសប្បាយចិត្តកាត់ស្ត្រស។ កុំដាក់បន្ទុកលើខ្លួនឯងពេកអី រស់នៅឲ្យបានល្អព្រោះជីវិតយើងគឺសម្រាប់យើងតែម្នាក់គត់ប៉ុណ្ណោះ។

៥.គិតពីរឿងវិជ្ជមាន

អ្នកដឹងទេថាកម្លាំងចិត្តខ្លាំងជាងកម្លាំងកាយ? គិតពីរឿងវិជ្ជមានឲ្យបានច្រើន ពេលណាដែលផ្លូវចិត្តរឹងមាំហើយនោះអ្វីៗនឹងល្អតាមដំណើរដែរ។

៦.ចៀសវាងថ្នាំជក់ ថ្នាំញៀន និងគ្រឿងស្រវឹង

ថ្នាំជក់ ថ្នាំញៀន និងគ្រឿងស្រវឹងប៉ះពាល់ច្រើនណាស់ដល់ជីវិតរបស់យើង ជៀសបានជៀសទៅ។ ពពួកនេះគ្មានផលចំណេញអីបន្តិចឡើយ បើហ៊ានតែលូកហើយត្រៀមតែទទួលបញ្ហាទៅ។ កុំថាឡើយសុខភាពដុនដាប អាចបំផ្លាញទាំងជីវិត គ្រួសារ ការស្រលាញ់ និងជីវភាពទៀតឯណោះ។

៧.គេងឲ្យបានគ្រប់គ្រាន់

ដំណេកសំខាន់មិនចាញ់អាហារប៉ុន្មានទេ ព្រោះថាការគេងជួយជួសជុលកោសិកាងាប់ និងផ្ដល់ថាមពលដល់រាងកាយដើម្បីប្រើប្រាស់នៅថ្ងៃស្អែកទៀត។

លើសពីនេះទៀត ត្រូវសប្បាយចិត្តឲ្យបានច្រើនៗ កុំធ្វើបាបខ្លួនពេកអី ធ្វើអ្វីដែលអ្នកគិតថាល្អបំផុតសម្រាប់ជីវិតផ្ទាល់ខ្លួន។ ខាងលើនេះគ្រាន់តែជាសារតឿនរំលឹកអ្នក អោយត្រលប់មកថែខ្លួនវិញទោះរវល់ប៉ុណ្ណាក៏ដោយ៕

ប្រែសម្រួល៖ ស្រីខួច

ចុចអាន៖រូបមន្តធម្មជាតិទាំង ៥ ជួយសម្អាតពោះវៀនធំ បានយ៉ាងស័ក្តិសិទ្ធិ

ចុចអាន៖រោគសញ្ញានិងប្រភេទនៃអាឡ័កស៊ីទូទៅ គ្រប់គ្នាគួរតែដឹងឲ្យច្បាស់

Related Topics:ការថែទាំសុខភាព