Connect with us

សុខភាព

WHO បញ្ជាក់ថា ពេលនេះអ្នកកើតជំងឺអុតស្វា កើនដល់ ៨០ករណី ក្នុងប្រទេសចំនួន ១១

បានផុស

នៅ

អង្គការសុខភាពពិភពលោក (WHO) បាននិយាយថា ប្រហែល៨០ករណី នៃជំងឺអុតស្វា ​(Monkeypox)​ ត្រូវបានបញ្ជាក់នៅក្នុងប្រទេសចំនួន ១១ ហើយព្រមានថា ទំនងជាមានករណីជាច្រើនទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
This image has an empty alt attribute; its file name is 12763-1024x673.jpg

WHO និយាយថា ករណីសង្ស័យចំនួន ៥០ ផ្សេងទៀតកំពុងស្ថិតក្នុងការស៊ើបអង្កេត ប៉ុន្តែមិនបញ្ចេញឈ្មោះប្រទេសណាមួយឡើយ។

មុននេះ ការឆ្លងត្រូវបានបញ្ជាក់នៅក្នុងប្រទេសអ៊ីតាលី ស៊ុយអែត អេស្ប៉ាញ ព័រទុយហ្គាល់ សហរដ្ឋអាមេរិក កាណាដា និងចក្រភពអង់គ្លេស។

This image has an empty alt attribute; its file name is SDNSP3V7G5CM5EFCFF7WRVEEDE-1024x538.jpeg

Monkeypox គឺជាជំងឺធម្មតាបំផុតនៅតំបន់ដាច់ស្រយាលនៃអាហ្វ្រិកកណ្តាល និងខាងលិច។ វាគឺជាការឆ្លងមេរោគដ៏កម្រ ហើយមនុស្សភាគច្រើនជាសះស្បើយក្នុងរយៈពេលពីរទៅបីសប្តាហ៍។

មេរោគនេះមិនងាយឆ្លងរវាងមនុស្សនិងមនុស្សទេ ហើយហានិភ័យឆ្លងជាសាធារណៈ ត្រូវបានគេនិយាយថា មានកម្រិតទាបណាស់។

This image has an empty alt attribute; its file name is 124839123_40880d22-f704-47a6-9eca-ced6f576c5d3.jpg

ទោះបីជាយ៉ាងណាក៏ដោយ មិនមានវ៉ាក់សាំងជាក់លាក់ណាមួយសម្រាប់ជំងឺអុតស្វាប្រភេទនេះទេ។

WHO និយាយថា ខ្លួនកំពុងធ្វើការជាមួយប្រទេសដែលរងផលប៉ះពាល់ និងប្រទេសដទៃទៀត ដើម្បីពង្រីកការឃ្លាំមើលជំងឺ ដើម្បីស្វែងរក និងជួយមនុស្សដែលអាចរងផលប៉ះពាល់។ WHO ក៏​បាន​ព្រមាន​ប្រឆាំង​នឹង​ក្រុមមនុស្ស​ដែលមើលស្រាល​ជំងឺ​នេះផង​ដែរ។

This image has an empty alt attribute; its file name is 103598601_m0501256-monkeypox_virus_particle_tem-spl.jpg

ករណីដំបូងនៃជំងឺនេះនៅចក្រភពអង់គ្លេស ត្រូវបានរាយការណ៍កាលពីថ្ងៃទី៧ខែឧសភា។ យោងតាមទីភ្នាក់ងារសន្តិសុខសុខភាពចក្រភពអង់គ្លេស, អ្នកជំងឺថ្មីៗនេះ មានប្រវត្តិធ្វើដំណើរទៅកាន់ប្រទេសនីហ្សេរីយ៉ា ជាកន្លែងដែលអ្នកជំងឺ ត្រូវបានគេជឿថាបានឆ្លងមេរោគនេះ មុនពេលធ្វើដំណើរមកកាន់ប្រទេសអង់គ្លេសវិញ៕

ប្រែសម្រួល៖ Vann Vann

ប្រភព៖ BBC

ចុចអាន៖ ជំងឺ​​អុត​​ស្វា​​រក​​ឃើញ​ដំបូង​​នៅ​​​អូស្ត្រាលី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម