Connect with us

សុខភាព

របបអាហារសំខាន់ៗសម្រាប់អ្នកជំងឺ ក្រោយព្យាបាលដោយវះកាត់

បានផុស

នៅ

អ្នកជំងឺក្រោយឆ្លងកាត់ការវះកាត់ មានក្ដីរំពឹងទុកតែមួយគត់គឺចង់ឲ្យមុខរបួសឆាប់ជាសះស្បើយល្អប្រសើរ។ ដូច្នេះក្រៅពីទទួលការព្យាបាលផ្នែកវេជ្ជសាស្រ្ដ ក៏នៅមានវិធីសាស្ដ្រមួយបែបទៀត ដែលអ្នកជំងឺគួរនឹកឃើញ នោះគឹការជ្រើសរើសរបបអាហារសំខាន់ៗ ដែលត្រឹមត្រូវ ជំនួយដល់ ការលូតលាស់កោសិកា និងជំរុញមុខរបួសឆាប់ជាសះស្បើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១.ពពួកអាហារប្រូតេអ៊ីន និងជាតិដែក

សារធាតុសំខាន់ពីរមុខនេះ គឺជាតម្រូវការចាំបាច់ចំពោះសុខភាពរាងកាយ តួយ៉ាង សម្រាប់អាហារប្រូតេអ៊ីន មានសមត្ថភាពជំនួយដល់ប្រព័ន្ធភាពស៊ាំ និងបង្កើនការលូតលាស់កោសិកា ជំរុញឲ្យមុខរបួសស្នាមឆាប់ជាសះស្បើយ។ ចំណែកជាតិដែកវិញ គឺជាសមាសធាតុសំខាន់នៃអេម៉ូក្លូប៊ីន ដែលជាប្រភេទប្រូតេអ៊ីននៅក្នុងកោសិកាឈាមក្រហម ដែលដឹកនាំអុកស៊ីសែនពីសួតរបស់អ្នកជំងឺ ទៅកាន់គ្រប់ផ្នែកនៃរាងកាយ។ សារធាតុទាំងនេះ យើងអាចរកបាននៅក្នុងសាច់គ្មានខ្លាញ់ សាច់ទ្រូងមាន់ ត្រី ស៊ុត ផលិតផលសណ្តែក​សៀង និង សណ្តែកសៀង តៅហ៊ូ ទឹកដោះគោ ដែលមានកម្រិតជាតិខ្លាញ់ទាប និងគ្រាប់ធញ្ញជាតិ។

២.ខ្លាញ់សុខភាព

ខ្លាញ់សុខភាព ថ្វីដ្បិតវាមិនសូវផ្ដល់អត្ថប្រយោជន៍ដល់មុខរបួសដូចសារធាតុចិញ្ចឹមដទៃ ប៉ុន្ដែប្រសិនបើអ្នកជំងឺ ជ្រើសរើសការញ៉ាំ​មិន​ល្អ នោះអត្រានៃការជាសះស្បើយលឿន​របស់​អ្នកជំងឺ​ក៏​ត្រូវ​កាត់​បន្ថយ និងអាចអូសបន្លាយពេលវេលា។ ដូច្នេះ ទាំងនេះជាប្រភេទខ្លាញ់សុខភាពដែលអ្នកជំងឺអាចសាកល្បងបាន ប្រេងអូលីវ ប្រេងសណ្តែក​ដី ប្រេងផ្កាឈូករ័ត្ន និងប្រេងល្ង។

៣.បន្លែមានជាតិ​សរសៃ

ការជ្រើសរើសរបបអាហារ ប្រភេទបន្លែដែលមានជាតិសរសៃគឺល្អសម្រាប់សុខភាពអ្នកជំងឺ។ មិនត្រឹមតែប៉ុណ្ណោះ​របប​អាហារដែលសម្បូរសារធាតុសរសៃក៏មានលាយមកជាមួយ ប្រភេទ វីតាមីន និង ជាតិរ៉ែមកជាមួយផងដែរ។ បន្លែទាំងនោះមានដូចជា បន្លែស្លឹកបៃតង ការ៉ុត ប្រូខូលី ម្ទេសប្លោក។ បន្ថែមពីនេះ ពពួកអាហារសរសៃជួយកាត់បន្ថយអាការៈទល់លាមក ជួយសម្រួលអ្នកជំងឺ។

៤. ផ្លែឈើ

អ្នកជំងឺក្រោយពេលវះកាត់៏ត្រូវញ៉ាំផ្លែឈើ ព្រោះផ្លែឈើ មានសារធាតុចិញ្ចឹមសំខាន់ៗដូចជា វីតាមីន C ជួយបង្កើតឡើងវិញនូវស្រទាប់ខូឡាជែន និងជាលិកាទន់ ក៏ដូចជាជំនួយមុខរបួសឲ្យឆាប់ជាសះស្បើយ។ គួរញ៉ាំ ប្រភេទផ្លែឈើដែលពណ៌ទឹកក្រូច ក្រហម និងបៃតងឱ្យបានច្រើន។ ដូចជា ផ្លែគីវី ផ្លែល្ហុង ត្របែក ក្រូច ប៊ឹរី និងទំពាំងបាយជូរជាដើម។ អ្នកជំងឺក៏អាចញ៉ាំទឹកផ្លែឈើ ដែលកិនពីផ្លែឈើសុទ្ធ ជៀសវាងទឹកផ្លែឈើចម្រាញ់ មានកម្រិតជាតិស្ករ។

របបអាហារដែលអ្នកជំងឺគួរជៀសវាង

អ្នកជំងឺគួរតែជៀសវាងរបបអាហារមួយចំនួន ដូចជា៖ពពួកគ្រឿងស្រវឹង ជាតិអាល់កុល អាហារកែច្នៃ អាហារប្រើជាតិខ្លាញ់ខ្ពស់ អាហារមានសារធាតុផ្អែម និង ប្រៃខ្ពស់។ អាហារទាំងនេះមិនត្រឹមតែប៉ះពាល់សុខភាពនោះទេ ថែមទាំង ធ្វើឲ្យមុខរបួសជួបបញ្ហាក្លាយ បង្កការឆ្លងរោគផ្សេងៗនៅមុខរបួស។ អាហារទាំងនោះមានដូចជា នំខេក សូកូឡា ភេសជ្ជៈផ្អែម និងភេសជ្ជៈប៉ូវកម្លាំង ជាដើម៕

អត្ថបទផ្ដល់ដោយ៖ Hello Krupet

ចុចអាន៖ចង់គេងលក់ស្រួលនៅពេលយប់ ត្រូវដឹងពីរបបអាហារទាំងនេះ

ចុចអាន៖ជំងឺមហារីកសួតកម្រិតដំបូង មិនងាយបង្ហាញរោគសញ្ញានោះទេ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ២ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ២ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៣ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៣ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម