បុរសម្នាក់ កើតជំងឺអេដស៍ កូវីដ និងអុតស្វា ក្នុងពេលតែមួយ (មានវីដេអូ)

បុរសអ៊ីតាលីម្នាក់ បានធ្វើតេស្តវិជ្ជមានជំងឺកូវីដ១៩ អុតស្វា និងអេដស៍ព្រមគ្នាក្នុងពេលតែមួយ ក្រោយពេលវិលត្រលប់មកពីដំណើរកម្សាន្តរយៈពេលខ្លីនៅប្រទេសអេស្ប៉ាញ។ នេះបើយោងតាមអ្នកស្រាវជ្រាវមកពីសាកលវិទ្យាល័យ Catania ប្រទេសអ៊ីតាលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកវិទ្យាសាស្ត្របាននិយាយនៅក្នុងទស្សនាវដ្តី Journal of Infection ថា បុរសអាយុ ៣៦ ឆ្នាំដែលគេមិនបង្ហាញឈ្មោះ បានចេញរោគសញ្ញាក្តៅខ្លួន ឈឺបំពង់ក អស់កម្លាំង និងឈឺក្បាលជាលទ្ធផលនៃការឆ្លងមេរោគព្រមគ្នា។

បុរសជនជាតិអ៊ីតាលីម្នាក់នេះ ត្រូវបានគេរាយការណ៍ថា បានចំណាយពេល៥ថ្ងៃនៅក្នុងប្រទេសអេស្ប៉ាញកាលពីខែមិថុនា ហើយបានចេញរោគសញ្ញា ៩ថ្ងៃបន្ទាប់ពីត្រលប់មកវិញ។

ដោយសារនេះគឺជាករណីតែមួយគត់ ដែលជំងឺអុតស្វា កូវីដ និងអេដស៍កើតឡើងក្នុងពេលតែមួយ, គេមិនមានភ័ស្តុតាងគ្រប់គ្រាន់ដើម្បីបញ្ជាក់ថា “ការកើតឡើងព្រមគ្នានេះ អាចធ្វើឲ្យស្ថានភាពអ្នកជំងឺកាន់តែធ្ងន់ធ្ងរនោះទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ News Week

ចុចអាន៖ កូវីដផង អុតស្វាផង ពេលនេះ អាមេរិក ប្រកាសរាលដាលជំងឺធ្ងន់ធ្ងរមួយទៀត សង្ស័យឆ្លងជាង ១០០នាក់ហើយ