សុខភាព

អាយុ៤០ ៥០ឆ្នាំហើយ នៅមករដូវទៀត តើមូលហេតុអ្វី?

បានផុស

៥ years មុន

នៅ

ថ្ងៃចន្ទ ២៨ ធ្នូ ២០២០

ដោយ

ជាទូទៅ ស្រ្តីចាប់ពីអាយុ៤៥ដល់៥៥ឆ្នាំ អាចឈានដល់វ័យអស់រដូវ ប្រសិនបើពុំមករដូវរយៈពេលជាងមួយឆ្នាំ។ ទោះជាយ៉ាងនេះក្តី ស្ត្រីមួយចំនួនអាចនៅតែបន្តធ្លាក់ឈាមជាច្រើនដង ដែលកត្តានេះ បណ្ដាលឲ្យយើងមានអារម្មណ៍សៅហ្មងក្នុងចិត្ត និងងឿងឆ្ងល់ជាខ្លាំងអំពីមូលហេតុដែលនាំឲ្យមានការធ្លាក់ឈាមបែបនេះ។ ពិតណាស់ អាការៈធ្លាក់ឈាមក្នុងវ័យអស់រដូវ អាចជាសញ្ញានៃហានិភ័យសុខភាពជាច្រើន ដែលយើងចាំបាច់ត្រូវតែធ្វើការតាមដានដោយយកចិត្តទុកដាក់ និងត្រូវស្វែងរកការព្យាបាលឲ្យបានទាន់ពេលវេលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ កត្តាដែលធ្វើឲ្យយើងធ្លាក់ឈាមបន្ទាប់ពីអស់រដូវមានដូចខាងក្រោម។

១. មហារីកក្រពេញអូវែ

ជំងឺនេះចាប់ផ្ដើមនៅអូវែ ដែលពិបាកនឹងសង្កេតឃើញ ហើយវាអាចសាយភាយទៅកាន់ផ្នែកដទៃទៀតនៃរាងកាយ ដូចជាក្រពះ និងឆ្អឹងអាងត្រគាក ដែលជាហេតុបណ្ដាលឲ្យមានការធ្លាក់ឈាមខុសប្រក្រតីបែបនេះ។

២. ស្រទាប់ផ្នែកខាងក្នុងស្បូនស្ដើង

ជាធម្មតា ស្រទាប់ខាងក្នុងនៃស្បូនរបស់យើង កាន់តែស្ដើងនៅពេលដែលរាងកាយឈប់ផលិតអ័រម៉ូនអឹស្រ្តូសែន ដែលជាហេតុបណ្ដាលឲ្យមានអាការៈធ្លាក់ឈាមនេះឡើង។

៣. របួសឆ្អឹងអាងត្រគាក

ជាមួយគ្នានេះដែរ ហេតុផលផ្សេងទៀត ដែលអាចបង្កឲ្យមានការធ្លាក់ឈាមខុសធម្មតានេះ អាចមកពីរបួសនៅតំបន់អាងត្រគាក ការហូរឈាមតាមបំពង់ទឹកនោម (Urinary tract bleeding) និងការបង្ករោគនៅស្រទាប់ខាងក្នុងនៃស្បូន ឬអាចហៅម្យ៉ាងទៀតថាជំងឺ Endometriosis

៤. មហារីកផ្នែកខាងក្នុងនៃស្បួន

សម្រាប់ជំងឺមហារីកស្រទាប់ខាងក្នុងស្បូនវិញ គឺច្រើនតែកើតឡើង បន្ទាប់ពីការអស់រដូវ ដោយសារតែឥទ្ធិពលដែលមិនប្រឆាំងនៃអឹស្រ្តូសែននៅលើភ្នាសក្នុងស្បូន។

៥. ការបង្ករោគនៅភ្នាសក្នុងស្បូន

ក្រោយអស់រដូវ មាត់ស្បូនអាចនឹងត្រូវបិទយ៉ាងជិត ហើយការបញ្ចេញបានប្រមូលផ្ដុំនៅក្នុងប្រហោងស្បូន ដែលអាចបណ្ដាលឲ្យមានការឆ្លងមេរោគនៅភ្នាសក្នុងស្បូន និងនាំឲ្យមានការធ្លាក់ឈាម។

៦. ការប្រើប្រាស់ថ្នាំ

បន្ថែមពីនេះ ការប្រើប្រាស់ថ្នាំមួយចំនួន ដូចជាការព្យាបាលដោយអ័រម៉ូន (Hormone Therapy) ថ្នាំTamoxifen និងBlood thinnerជាដើម ក៏អាចបង្កឲ្យមានផលប៉ះពាល់ដូចជា ការធ្លាក់ឈាមនេះផងដែរ៕

អត្ថបទផ្ដល់សិទ្ធិដោយ៖ Hellokrupet

សូមចុចអាន៖ ដឹងទេ! ក្រោយឆ្កែឆ្កួតខាំប៉ុន្មានថ្ងៃទើបអាចស្លាប់?

សូមចុចអាន៖ សម័យនេះហើយ ឈប់ប្រើអំពើហិង្សលើកូនទៅ ចេះតិចនិក៤នេះ ប្រដៅកូនស្រួល