Connect with us

សុខភាព

ហេតុផលទាំង ៧ ធ្វើឲ្យមានហានិភ័យនៃជំងឺសរសៃឈាមបេះដូង មិននឹកស្មានដល់

បានផុស

នៅ

ជំងឺសរសៃឈាមបេះដូងគឺជាជំងឺបេះដូងទូទៅដែលប៉ះពាល់ដល់សរសៃឈាមសំខាន់ៗដែលផ្គត់ផ្គង់សាច់ដុំបេះដូង ជាធម្មតាជំងឺ បេះដូងត្រូវបានបង្កឡើងដោយការរួមបញ្ចូលគ្នានៃទម្លាប់និង កត្តាដែលមិននឹកស្មានដល់អាចបង្កើនលទ្ធភាពនៃជំងឺសរសៃឈាមបេះដូង។

ខាងក្រោមនេះគឺជាហេតុផលទាំង ៧ ធ្វើឲ្យមានហានិភ័យនៃជំងឺសរសៃឈាមបេះដូងមិននឹកស្មានដល់៖

១. ការជក់បារីអេឡិចត្រូនិច

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសមាគមន៍បេះដូងអាមេរិក ការប្រើប្រាស់ផលិតផលនីកូទីនស្រូបដូចជា បារីអេឡិច ត្រូនិក និងបារី គឺជាមូលហេតុចម្បងនៃការស្លាប់ដែលអាចការពារបាននៅក្នុងប្រទេសនេះ ប្រហែលមួយភាគបីនៃការស្លាប់ទាំងអស់កើតចេញពីជំងឺបេះដូង។ ការសិក្សាឆ្នាំ ២០១៨ របស់សាកលវិទ្យាល័យកាលីហ្វ័រញ៉ា សាន់ហ្វ្រាន់ស៊ីស្កូ បានរកឃើញថា ការជក់បារីប្រចាំថ្ងៃអាចបង្កើនហានិភ័យនៃការគាំងបេះដូងទ្វេដង។

២. កត្តាជនជាតិ

យោងតាមសមាគមន៍បេះដូងអាមេរិក ជនជាតិស្បែកខ្មៅ ទំនងជាស្លាប់ដោយសារជំងឺសរសៃឈាម បេះដូង ច្រើនជាងប្រជាជនដទៃទៀត។ និន្នាការនេះអាចបណ្តាលមកពីមិនត្រឹមតែពូជសាសន៍ ប៉ុណ្ណោះទេ ប៉ុន្តែក៏អាស្រ័យលើភាពខុសគ្នានៃសេដ្ឋកិច្ចសង្គម និងរបៀបរស់នៅ។ ជនជាតិអាមេរិក អាស៊ីខាងត្បូងក៏មានហានិភ័យខ្ពស់នៃជំងឺបេះដូងផងដែរ ប្រហែលមួយភាគបួននៃចំនួនប្រជាជន ពិភពលោកគឺជាជនជាតិអាស៊ីខាងត្បូង ប៉ុន្តែពួកគេមានចំនួន ៦០ ភាគរយនៃ អ្នកជំងឺបេះដូងទាំងអស់។

៣. ទាក់ទងឫរាប់អានមនុស្សអវិជ្ជមាន

តាមមការសិក្សាខ្លះបង្ហាញថា ការទាក់ទងជាមួយមិត្តអវិជ្ជមានអាចធ្វើឲ្យបេះដូងអ្នកប្រឈម នឹងគ្រោះថ្នាក់ ការសិក្សាឆ្នាំ ២០១៥ មួយទៀតលើមនុស្សចាស់បានរកឃើញថា មិត្តភាពអវិជ្ជមាន អាចធ្វើឱ្យពួកគេប្រឈមនឹងជំងឺលើសឈាម។

៤. ការនៅលីវ លែងលះ ឬមេម៉ាយ

ការវិភាគឆ្នាំ ២០១៨ នៃករណីជំងឺសរសៃឈាមបេះដូងនៅចន្លោះឆ្នាំ ១៩៦៣ ដល់ ២០១៥ រួមទាំង ទិន្នន័យលើមនុស្សពីរលាននាក់ដែលមានអាយុចន្លោះពី ៤២ ទៅ ៧៧ ឆ្នាំនៅជុំវិញពិភពលោកបាន រកឃើញថាមនុស្សនៅលីវមានហានិ ភ័យខ្ពស់នៃជំងឺបេះដូង។

៥. ការធ្វើការវេនយប់ ឬកាលវិភាគមិនទៀងទាត់

ការសិក្សាបានភ្ជាប់ការគេងមិនគ្រប់គ្រាន់ទៅនឹងជំងឺលើសសម្ពាធឈាម និងជំងឺបេះដូង ប៉ុន្តែការ សិក្សាថ្មីៗក៏បង្ហាញដែរថា គុណភាពនៃដំណេកគឺសំខាន់ដូចគ្នានឹងចំនួនម៉ោងដែលអ្នកគេងដែរ។ អ្នកដែលធ្វើការវេនយប់ជាទៀងទាត់ និងគេងច្រើនពេក ឬតិចពេកក្នុងពេលថ្ងៃ ក៏មានហានិភ័យខ្ពស់ នៃជំងឺសរសៃឈាមបេះដូងផងដែរ ការសិក្សាដែលត្រូវបានបោះពុម្ពផ្សាយនៅក្នុង Journal of the American Heart Association បានរកឃើញ។

៦. ត្រចៀកមានស្នាមជ្រីវជ្រួញ ឬកោងនៅមុំ ៤៥ ដឺក្រេ

ផ្នត់ត្រចៀកអង្កត់ទ្រូងដែលក្រវិលត្រូវបានពាក់ត្រូវបានគេស្គាល់ថាជាសញ្ញារបស់ Frank ដែលត្រូវបានប្រើជាសញ្ញាសម្គាល់សក្តានុពលសម្រាប់ជំងឺសរសៃឈាមបេះដូង (CAD) តាំងពីទសវត្សរ៍ឆ្នាំ ១៩៧០ ។ រូបរាងប្លែកនៃត្រចៀកអាចបង្ហាញពីកង្វះការផ្គត់ផ្គង់ឈាមទៅផ្នែកខ្លះនៃរាងកាយ។

៧. ការផ្លាស់ប្តូរប្រាក់ចំណូលភ្លាមៗ

ការសិក្សាឆ្នាំ ២០១៩ នៅក្នុងទស្សនាវដ្តី Circulation បានរកឃើញថា ការប្រែប្រួលនៃប្រាក់ចំណូលផ្ទាល់ខ្លួនបង្កើនហានិភ័យនៃជំងឺសរសៃឈាមបេះដូង។ ការរស់នៅក្នុងភាពក្រីក្រក៏អាចបង្កើនហានិភ័យនៃជំងឺនេះផងដែរ។

ប្រែសម្រួល៖នាងតូច

ចុចអាន៖វិធីកម្ចាត់មុនទាំង ៤ ជួយមុខឆាប់ជារហ័សបំផុត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៥ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៥ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៦ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៦ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម