គន្លឹះ ៥ យ៉ាង ថែរក្សាសុខភាពភ្នែកឲ្យកាន់តែប្រសើរ

ភ្នែកគឺជាសរីរាង្គដ៏សំខាន់បំផុតមួយនៃរាងកាយ មានមានកាតព្វកិច្ចមើល ជួយ​ឲ្យយើង​រស់​នៅ​ធម្មតា​មាន​សុភមង្គល។ ប្រសិនបើភ្នែករបស់យើងមានបញ្ហា វានឹងប៉ះពាល់ដល់ជីវិតរបស់យើងយ៉ាងខ្លាំង។ ដូច្នេះហើយ អ្នកគួរតែថែរក្សាសុខភាពភ្នែកឲ្យបានល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គន្លឹះថែរក្សាសុខភាពភ្នែក

១ បរិភោគអាហារដែលមានជីវជាតិ

អាហារដែលមានជីវជាតិជួយឲ្យភ្នែករបស់យើងមានសុខភាពល្អ។ អាហារដែលផ្តល់អត្ថប្រយោជន៍ដល់ភ្នែករួមមាន ផ្លែឈើ និងបន្លែដែលមានវីតាមីន A ខ្ពស់ ដូចជា ការ៉ុត ល្ពៅ ស្ពៃខ្មៅ ប៉េងប៉ោះ ផ្លែប៊ឺរី ជាដើម វីតាមីន A ជួយឲ្យមើលឃើញក្នុងទីងងឹត ការពារភ្នែកស្ងួត និងភ្នែកឡើងបាយ។

២ ពាក់វ៉ែនតា

ពន្លឺព្រះអាទិត្យមានកាំរស្មី UV ដែលបង្កគ្រោះថ្នាក់ដល់ភ្នែក។ កាំរស្មី UV អាចបណ្តាលឲ្យភ្នែកក្រហម ព្រិលភ្នែក ភ្នែកឡើងបាយ និងជំងឺភ្នែកឡើងបាយ។​ ការពាក់វ៉ែនតា អាចជួយការពារភ្នែករបស់យើងពីពន្លឺព្រះអាទិត្យ។

៣ សម្រាកឲ្យបានគ្រប់គ្រាន់

ការសម្រាកឲ្យបានគ្រប់គ្រាន់ជួយភ្នែករបស់យើងងើបឡើងវិញ។ ភ្នែករបស់យើងត្រូវការសម្រាកប្រហែល ៦-៨ ម៉ោងក្នុងមួយថ្ងៃ។ ប្រសិនបើ​អ្នក​មិន​បាន​សម្រាក​គ្រប់គ្រាន់​ទេ វា​អាច​បណ្តាលឲ្យអស់កម្លាំង​ភ្នែក ស្ងួត និង​ឈឺ​ភ្នែក​។

៤ ពិនិត្យសុខភាពភ្នែកឲ្យបានទៀងទាត់

​អ្នកគួរតែពិនិត្យសុខភាពភ្នែករបស់អ្នកជារៀងរាល់ឆ្នាំ។ ដើម្បីរកមើលភាពមិនប្រក្រតីនៃភ្នែក ប្រសិនបើរកឃើញបញ្ហា អ្នកនឹងទទួលការព្យាបាលទាន់ពេលវេលា។

៥ ចៀសវាងអាកប្បកិរិយាប្រថុយប្រថាន

អាកប្បកិរិយាប្រថុយប្រថានដែលអាចប៉ះពាល់ដល់ភ្នែករបស់អ្នក​ រួមមានការជក់បារី ការផឹកស្រា និងការសម្លឹងមើលអេក្រង់កុំព្យូទ័រ ឬទូរសព្ទដៃរយៈពេលយូរ។ ឧទាហរណ៍ ការពាក់ contact lenses ដោយមិនបានសម្អាតវាឲ្យបានត្រឹមត្រូវ។

ការប្រុងប្រយ័ត្នបន្ថែម

បន្ថែមពីលើគន្លឹះខាងលើ មានកិច្ចការបន្ថែមដែលត្រូវធ្វើ ដែលនឹងជួយឲ្យភ្នែករបស់យើងមានសុខភាពល្អ រួមមាន៖

– ចៀសវាងការត្រដុសភ្នែករបស់អ្នកខ្លាំង។

– កែ​សម្រួល​បរិស្ថានឲ្យបាន​សមរម្យ​ដូច​ជា​កែ​សម្រួល​ភ្លើង​ឲ្យបាន​គ្រប់គ្រាន់ ។ ចៀសវាងធ្វើការ ឬអាននៅកន្លែងងងឹត។

– ធ្វើលំហាត់ប្រាណឲ្យបានទៀងទាត់

ការថែទាំភ្នែកត្រឹមត្រូវ ជួយឲ្យយើងមើលឃើញច្បាស់ និងងាយស្រួល។ ជួយកាត់បន្ថយហានិភ័យនៃការវិវត្តទៅជាជំងឺភ្នែកផ្សេងៗ​និងជួយយើងឲ្យរស់នៅដោយសប្បាយរីករាយ៕

ប្រែសម្រួល៖ សាង ស្រីល័ក្ខ